សៀមរាប៖ កាលពីព្រឹកថ្ងៃទី១០ខែមករាឆ្នាំ២០១៥ ឯកឧត្តម គុជ លីណា បានអញ្ជើញជាអធិបតីក្នុងពិធីអបអរសាទរខួបអនុស្សាវរីយ៍លើកទី៣៦នៃទិវាជ័យជំនះ៧មករា ១៩៧៩ដល់៧មករា-២០១៥ ដែល បានរៀបចំឡើងនៅស្រុកស្វាយលើ ខេត្ដសៀមរាប។ពិធីអបអរសាទរខួបអនុស្សាវរីយ៍លើកទី៣៦នៃជ័យជំនះ ៧មករាមានការចូលរួមយ៉ាងច្រើនពីសមត្ថកិច្ចអាជ្ញាធរប្រជាពលរដ្ឋផងដែរ ។ឯកឧត្តម គុជ លីណា ជាប្រធានក្រុមការងារនៃគណៈកម្មាធិការបក្សខេត្តចុះជួយស្រុកស្វាយលើ ។ បានមានប្រសាសន៍ថា ខួបទី៣៦នៃថ្ងៃជ័យជំនះ៧មករាគឺយើងមិនអាចបំភ្លេចបាន ចាត់ទុកជាថ្ងៃប្រវត្ដិសាស្ដ្រ គ្មានអ្នក ណាអាចក្រឡៃបានឡើយ ។
ឯកឧត្តមបញ្ជាក់ថា បើទោះជាមនុស្សមួយចំនួនខំប្រើគំនិតមិនល្អ ប្រឹងក្រឡៃថ្ងៃ៧មករាទៅជារឿងផ្សេងដើម្បីប្រយោជន៍នយោបាយ ក៏មិនអាចទទួលបានលទ្ធផលនោះឡើយ ។ឯកឧត្តមបានបញ្ជាក់ថា តើរយៈពេល៣៦ឆ្នាំបន្ទាប់ពីទទួលបានជ័យជម្នះ៧មករាមកនេះ គណបក្សប្រជាជនកម្ពុជាបានទទួល នូវជ័យជំនះជូនជាតិមាតុភូមិ ប្រជាពលរដ្ឋនិងអភិវឌ្ឍបានអ្វីខ្លះ? ជាការពិតដែលមិនអាចបំភ្លេចបាននោះ គឺគណបក្សប្រជាជនកម្ពុជា បានរំដោះប្រទេសជាតិ និងប្រជាពលរដ្ឋពីរបបបនប្រល័យពូជសាសន៍ប៉ុល ពត ស្ដារប្រទេសដែលទទួលរងនូវការខ្ទេចខ្ទាំ ជួយដល់ ប្រជាពលរដ្ឋ ដែលបានបាក់កម្លាំងដ៏ធ្ងន់ធ្ងរ ប្រឈមនឹងជំងឺ ជូនដល់
កុមារកំព្រា ស្ដ្រីមេម៉ាយ និងឈានដល់ការអភិវឌ្ឍប្រទេសឱ្យរីកចម្រើនជឿនលឿន បញ្ចប់នូវសង្ក្រាមបានទាំងស្រុងទទួលបាននូវសុខសន្ដិភាពក្នុងក្របខ័ណ្ឌទូទាំងប្រទេស ។ឯកឧត្តម បានផ្ដាំផ្ញើថា យើងទាំងអស់គ្នាជាសមាជិ សមាជិកា គណបក្សប្រជាជនកម្ពុជា ត្រូវតែ ការពារឱ្យបាននូវរាល់សមិទ្ធ ផលទាំងអស់ដែលរាជរដ្ឋាភិបាល និងគណបក្សបានអភិវឌ្ឍន៍ ។ ការពារនូវសន្ដិភាព ស្ថេរភាពសង្គម និងលុបបំបាត់រាល់ភាពអសកម្មនេះជាដើម…៕
ដោយ ខេងឧត្តម
