ភ្នំពេញ៖បុរសម្នាក់បានរង់របួសធ្ងន់ខណៈដែលរូបគាត់បានជិះម៉ូតូឌ្រីមសង់សេ១២៥មួយគ្រឿង ក្នុងល្បឿនយ៉ាងលឿន ព្យាយាមបើកវ៉ារថយន្ដមួយគ្រឿង តែវ៉ាមិនផុត ក៍ជ្រុលចង្កូតទៅបុកជាមួយ ម៉ូតូរីម៉កកង់បី មួយគ្រឿង យ៉ាងពេញមួយទំហឹង ។
ហេតុការណ៏នេះ កើតឡើងវេលាម៉ោង ០៩និង ២០នាទី យប់ថ្ងៃទី ១៧មីនា ២០១៤ នៅនៅចំណុចមុខទីស្ដីការគណៈរដ្ធមន្ដ្រី ស្ថិតនៅ សង្កាត់មិត្តភាព ខណ្ឌ៧មករា ។
យោងទៅតាមសាក្សីដែលនៅកន្លែងកើតហេតុបានអោយដឹងថា មុនពេលកើតហេតុគេឃើញ បុរសម្នាក់ជិះម៉ូតូ ឌ្រីមសង់សេ១២៥ មួយគ្រឿង ពណ៏ខ្មៅ ពាក់ស្លាកលេខ ភ្នំពេញ 1AF .1085 បានធ្វើដំណើរតាមបណ្ដោយមហាវីថី សហព័ន្ធរុស្សី ក្នុងទិសដៅពីកើតទៅលិច ជិះយាងលឿន ខណៈដែលទៅដល់កន្លែងកើតហេតុ បានព្យាយាមបើកវ៉ារថយន្ដមួយគ្រឿង តែវ៉ាមិនផុត ក៍ជ្រុលចង្កូតទៅបុក ជាមួយម៉ូតូ រីម៉កកង់បី មួយគ្រឿង ពណ៏ក្រហម ពាក់ស្លាកលេខ ភ្នំពេញ 1AM .1163 ជិះដោយបុរសម្នាក់ ធ្វើដំណើរតាមបណ្ដោយមហាវីថី សហព័ន្ធរុស្សី ក្នុងទិសដៅពីលិចទៅកើត ក្នុងទិសដៅបញ្ចាសគ្នា យ៉ាងពេញមួយទំហឹង បណ្ដាលអោយបុរសជិះម៉ូតូឌ្រីសង់សេ១២៥ខាងលើរង់របួសធ្ងន់ ចំណែកម៉ូតូឌ្រីមសង់សេ១២៥ខាងលើរង់ការខូចខាតមួយកំណាត់មុខស្ទីរទាំងស្រុង ចំណែកម្ចាស់ម៉ូតូរីម៉កកង់បីមិនរង់របួសទេ ។
ក្រោយពេលកើតហេតុ ជនរង់គ្រោះត្រូវរថយន្តសាមុយរបស់គ្លីនីកឯកជនដឹកយកទៅសង្គ្រោះបន្ទាន់ ចំណែកម៉ូតូនិងម៉ូតូរីម៉កកង់បីខាងលើ ត្រូវបានប៉ូលីសចរាចរធ្វើការ វាស់វែងយកទៅរក្សាទុកនៅការិយាល័យចរាចរជើងគោកនៃស្នង់ការដ្ឋានរាជធានីភ្នំពេញ រង់ចាំដោះស្រាយទៅតាមផ្លូវច្បាប់៕
