ភ្នំពេញ៖ ក្មេងស្ទាវមួយក្រុមមានគ្នា៤នាក់ជិះម៉ូតូ២គ្រឿងយ៉ាងលឿនទៅ ទះគូទនារីម្មាក់ ដែលកំពុង ជិះម៉ូតូជាមួយសង្សារត្រូវនារីរងគ្រោះស្រែកចោរឆក់កាបូប ត្រូវសមត្ថកិច្ចធ្វើការឃាត់ខ្លួ នបាន២នាក់ និងម៉ូតូ១គ្រឿង យកទៅធ្វើការអប់រំ។ ហេតុការណ៏នេះកើតឡើងកាលពីវេលាម៉ោង៩និង១៥នាទីយប់ថ្ងៃទី១១ខែមករា ឆ្នាំ២០១៥ តាមបណ្ដោយផ្លូវលេខ៨២កែងនិងផ្លូវ១៨៣ ស្ថិតក្នុងសង្កាត់អូសឫស្សី៤ ខណ្ឌ៧មករា។
តាមប្រភពព័ត៌មានពីកន្លែកើតហេតុបានឲ្យដឹងថាមុនពេលកើតហេតុ គេឃើញក្មេងស្ទាវ មួយក្រុម មានគ្នា៤នាក់ជិះម៉ូតូ២គ្រឿង យ៉ាងលឿនលុះមកដល់ចំណុចកើតហេតុ ក្មេងស្ទាវ២នាក់ជិះម៉ូតូ១គ្រឿងទៅទាក់គូតនារីម្មាក់ដែលកំពុងជិះម៉ូតូជាមួយសង្សារត្រូវនារីរងគ្រោះស្រែកចោរឆក់កាបូប ហើយក្មេង២នាក់ ជិះម៉ូតូម៉ាកហុងដាឌ្រីមសេ១២៥មួយគ្រឿង ពណ៌ខ្មៅ ពាក់ស្លាកលេខ ភ្នំពេញ1CV-3921 ជិះមកពីក្រោយហើយស្រែកឲ្យនារីជនរងគ្រោះ ថា (ចង់បង្ករឿងជាមួយពួកម៉ាកខ្ញុំមែន)រួចក៏ឈប់ម៉ូតូធ្វើឈ្លួសប្រកែតគ្នាមួយប្រាវ ។ មួយសន្ទុះក្រោយមក
ក្មេងស្ទាវ២នាក់ដែលជិះម៉ូតូទះគូទនារីនោះ ក៏ជិះម៉ូតូត្រលប់មកវិញ មកធ្វើកាឈ្លួសប្រកែតគ្នាយ៉ាងខ្លាំង រហូតដល់សមត្ថកិច្ចចុះទៅទៅដល់ចំណុចកើតហេតុ ក្មេងស្ទាវ២នាក់ដែលជិះម៉ូតូទះគូទនារីនោះក៏ជិះម៉ូតូចេញពីកន្លែងកើតហេតុ នៅសល់ក្មេង២នាក់ ដែលជិះម៉ូតូម៉ាកហុងដាឌ្រីម ត្រូវសមត្ថកិច្ចធ្វើការឃាត់ខ្លួនយកទៅប៉ុស្ដិ៏នគរបាលសង្កាត់អូសឫស្សី៤ធ្វើការដោះស្រាយ។
ក្រោយពេលកើតសមត្ថកិច្ចបាននាំក្មេងស្ទាវ២នាក់និងនារីរងគ្រោះទៅប៉ុស្ដិ៏នគរបាលសង្កាត់អូសឫស្សី៤ ដើម្បីដោះស្រាយ ដោយភាគីនារីរងគ្រោះមិនបានដាក់ពាក្យបណ្ដឹងទេ ព្រោះចង់មានរឿង វែងឆ្ងាយ ក្រាន់តែសូមឲ្យសមត្ថកិច្ចធ្វើការអប់រំដល់ក្មេងស្ទាវទាំង២ កុំឲ្យប្រព្រឹត្ដរឿងអសី លធម៌ បែបនេះទៀត៕
