កំពង់ឆ្នាំង៖ចំការស្វាយមួយកន្លែងដែលស្ថិតនៅក្នុងភូមិទី៤ សង្កាត់ខ្សាម ក្រុងកំពង់ឆ្នាំង ត្រូវបានភ្លើង ឆេះព្រៃឆាបឆេះបំផ្លាញដើមស្វាយអស់ជាច្រើនដើម និងសំភារះខ្លះ ដែលម្ចាស់ចំការប្រាប់ថាខូចខាតទឹកប្រាក់ជាង២ពាន់ដុល្លា។ ហេតុការណ៏នេះបានកើតឡើងនៅវេលាម៉ោង៣និង៣០នាទីរសៀលថ្ងៃទី៩ខែ មករា ឆ្នាំ២០១៥ ។
មន្ត្រីនគរបាលក្រុងកំពង់ឆ្នាំងបាននិយាយថា៖ ម្ចាស់ចំការស្វាយនោះមានឈ្មោះ ពេជ ប៊ុនថន អាយុ៥៦ឆ្នាំ ជាមន្ត្រីកសិកម្មចូលនិវត្តន៍។ពេលកើតហេតុ ស្រាប់តែគេឃើញភ្លើងឆេះព្រៃបានឆេះរាលដាលលើស្មៅខ្ពស់ៗក្រោមដើមស្វាយជាច្រើនដើម ហើយបានឆេះរាលដាលពេញបន្ទុកដោយពុំមានអ្នកណាជួយពន្លត់បានឡើយ ម្យ៉ាងទៀតម្ចាស់ចំការក៏មិនបាននៅចាំចំការនោះដែរ នៅពេលភ្លើងឆេះបានឮសម្លេងផ្ទុះជាច្រើនគ្រាប់ទើបដឹង ធ្វើអោយមានការភ្ញាក់ផ្អើលដល់មន្ត្រីនគរបាលមូលដ្ឋាន ទើបនាំគ្នាចុះទៅពិនិត្យ។ពេលនោះដែរកូនប្រុសម្ចាស់ចំការបានត្រឡប់មកដល់បាននាំគ្នាដងទឹកពន្លត់ ទើបរលត់តែដើមស្វាយមួយចំនួនបាន
ឆេះជ្រុះផ្លៃសិងវាយគរពេញដី។ មន្ត្រីនគរបាលបានញ្ជាក់អោយដឹងថាៈ៖ការផ្ទុះនោះគឺផ្ទុះភ្ញាក់ផ្អើលនោះគឺដើមឬស្សី និងផ្ទុះកំប៉ុងហ្កាសចាស់ចំនួន២កំប៉ុងដូចគ្រាប់កាំភ្លើងដែរ។ចំណែកការខូចខាតមានដើមស្វាយកំពុងផ្លែផ្កាចំនួន១៤២ដើម ទុយោជ័រសម្រាប់បូបទឹកស្រោចដើមស្វាយ មួយចំនួន និងម៉ាស៊ីនគោយន្តឆេះខូចតិចតួច ដែលបុរសជាម្ចាស់ចំការបានប្រាប់មន្ត្រីនគរបាលថា បើគិតតែត្រឹមស្វាយមួយដើមថ្លៃត្រឹមតែ២០ដុលា្លក៏ត្រូវខាតបង់ជាង២ពាន់ដុល្លាដែរ ចំពោះមូលហេតុវិញ មិនទាន់ដឹងច្បាស់នៅឡើយទេ៕
