កំពង់ចាម ៖ ស្ត្រីជាប្រពន្ធម្នាក់បានរងរបួសធ្ងន់ធ្ងរ ដោយសារប្តី ផឹកស្រាស្រវឹងខឹង ពេលប្រើឲរៀបបាយឲសីុតែប្រពន្ធមិនរៀបឲ ក៏បានទាញយកពូថៅ កាប់ចំក្បាល ខណៈដែលពួក គេទាំងពីរនាក់ បានមកចូលរួមធ្វើរកម្មវិធី បុណ្យជូនឪពុកម្ដាយ ខាងប្រពន្ធ ស្ថិតនៅ ភូមិស្វាយទាប ឃុំតាប្រុក ស្រុកចំការលើ ខេត្ដកំពង់ចាម កាលពីល្ងាចថ្ងៃទី១១ ខែមករា ឆ្នាំ២០១៥
លោកវរសេនីយន៍ត្រី អិុត ដារ៉ា អធិការនគរបាលស្រុកចំការលើ បានឲដឹងតាមទូរសព្ទ័ថា ពីរនាក់ប្ដីប្រពន្ធខាងលើរ ប្ដីឈ្មោះឈឹង ឈឿន អាយុ៤២ឆ្នាំនិង ប្រពន្ធឈ្មោះកង សុឃីម អាយុ៣៥ឆ្នាំ រស់ នៅភូមិជ្រាប់ ឃុំជ្រាប់ ស្រុកសន្ទុកខេត្ដកំពង់ ធំ បានមកកាន់ភូមិស្វាយទាប ដើម្បីធ្វើបុណ្យ ដាក់ទានជូនឪពុកម្ដាយខាងប្រពន្ធរបស់ខ្លួន ។
លោកបន្តថា មូលហេតុនាំឲកើតអំពើរហិង្សានេះដោយសារប្តីបានផឹកស្រាស្រវឹងក្នុងកម្មវិធីបុណ្បនោះ ហើយបន្ទាប់មកបានប្រើឲប្រពន្ធ រៀបបាយឲសីុ ប៉ុន្តែប្រពន្ធមិនធ្វើតាម ពេលនោះមានឈ្លោះប្រកែកសំដីគ្នាយ៉ាងខ្លាំង ហើយប្តីក៏ទាញពូថៅកាប់ទៅលើប្រពន្ធតែម្តង។ លោកបន្តថាក្រោយកើតហេតុប្រពន្ធត្រូវបានសាច់ញាតិបញ្ជូនមកសង្គ្រោះនៅឯនម្ទីពេទ្យបង្អែកស្រុកចំការលើ ចំណែកប្តីបានរត់គេចខ្លួន។
ដោយឡែកលោកអធិការបានបញ្ជាក់ឲដឹងនៅ ព្រឹកថ្ងៃទី១២ ខែមករា ឆ្នាំ២០១៥ថា បុរសជាប្ដី ដែលវាយ ប្រពន្ធនិងខ្នងពូថៅនោះ ត្រូវបានកម្លាំង សមត្ថកិច្ច របស់លោកតាមចាប់ខ្លួន កាលពី វេលាម៉ោង៦ព្រឹក ស្ថិតនៅខាងជើងភូមិ ស្វាយទាប ក្រោយពីរត់គេចខ្លួន តាំងពីល្ងាច មកនោះ ។ចំណែកស្ដ្រីជាប្រពន្ធ ត្រូវបាន សមត្ថកិច្ចរបស់លោកនឹងក្រុមគ្រួសារ ដឹក បញ្ជូនបន្ត ទៅព្យាបាលនៅមន្ទីរពេទ្យបង្អែក ខេត្ដកំពង់ចាម។
បច្ចុប្បន្នជនបង្កជាប្ដី ត្រូវបានបញ្ជូនខ្លួន ទៅសួរនាំជាបណ្ដោះអាសន្ន នៅអធិការដ្ឋាន នគរបាលស្រុកចំការលើ ដើម្បីកសាងសំណុំ រឿងបញ្ជូនទៅកាន់តុលាការ ចាត់ការបន្ដ តាមផ្លូវច្បាប់ ៕
