មណ្ឌលគិរីៈ បុរសម្នាក់បានស្លាប់ភ្លាមៗនៅកន្លែងកើតហេតុ ខណៈជិះម៉ូតូតាមដងផ្លូវត្រូវរថយន្តមិនស្គាល់ម៉ាកបើកកៀរពីក្រោយធ្វើអោយដួលបោកនិងដីបណ្តាលអោយបាក់តែម្តង។ ហេតុការណ៍នេះកើតឡើងកាលពីយប់រំលងអាធ្រាតុឈានចូលថ្ងៃទី១២ខែ មករា ឆ្នាំ២០១៥ ស្ថិតត្រង់ចំណុចភូមិឆ្នែង ឃុំ ស្រែខ្ទុម ស្រុកែវសីមា។
តាមការអោយដឹងពីប្រជាពលរដ្ឋ បុរសរងគ្រោះខាងលើត្រូវបានរថយន្តមិនស្គាល់ម៉ាកមួយ គ្រឿងបើកបរស្របទិសគ្នាមកប៉ះដៃម៉ូតូពីក្រោយជាប់អូសប្រមាណ10ម៉ែត្រទើបដួលបណ្តាលអោយបុរសអ្នកជិះម៉ូតូបោកក្បាលនឹងដីបាក់កស្លាប់ភ្លាមៗនៅនឹងកន្លែង។ 
ក្រោយហេតុការណ៍ កើតឡើងនោះ ដែរ ពលរដ្ឋបាននាំគ្នារាយការណ៍ទៅអវុធហត្ថ៧៦១ដែលមានទីតាំងក្បែរកន្លែងកើតហេតុ តែក្រុមពលរដ្ឋត្រូវ ខកបំណងព្រោះមិនបានជួបមន្ត្រីដែលបំរើការនៅស្នាក់ការអាវុធហត្ថ៧៦១នោះទេ ដូច្នេះក៏សំរេចនាំគ្នាអង្គុយយាមសព រហូតម៉ោង ជិត3យប់ថ្ងៃដដែល ទើបប៉ូលិសអធិការដ្ឋានស្រុកែវសីមាមកដល់ពិនិត្យនិងធ្វើការវាស់វែង។
សមត្ថកិច្ចនៃអធិការដ្ឋានស្រុកកែវសីមាបានអោយដឹងថា ក្នុងខ្លួនសាកសពមានអត្តសញ្ញានប័ណ្ណមួយសន្លឹករបស់ជនរង គ្រោះដែលមានឈ្មោះ យ៉ន ឆៃវ៉ុន អាយុ២៥ឆ្នាំ មានស្រុកកំណើតនៅ ភូមិព្រះធាតុ ឃុំស្រឡប់ ស្រុក ត្បូងឃ្មុំ ខេត្តត្បូងឃ្មុំ។ បច្ចុ្បប្បន្នសាកសពត្រូវបានសមត្ថកិច្ចប្រគាល់អោយសាចញ្ញាតិ ទទួលយកទៅធ្វើបុណ្យតាមប្រពៃណី៕
