មន្ដ្រីស្រីលង្កាកាលពីថ្ងៃទី១១ ខែ មករា បានឱ្យដឹងថា ប្រធានាធិបតី Maithripala Sirisena ទទួលបានការ គាំទ្រពីតំណាងរាស្ដ្រជាង៤០រូបមកពី គណបក្សរបស់អតីតប្រធានាធិបតី ដែលបានបញ្ចប់អាណត្ដិ ។ ទាំងនោះជា សកម្មភាពមួយដែលជួយធានាតំណែង ប្រធានាធិបតី និង
អនុវត្ដគម្រោងកែ ទម្រង់នយោបាយដែលប្រធានាធិបតីថ្មី បានសន្យាប្រកបដោយជោគជ័យ ។
កន្លងមកលោក Maithripala Sirisena ទទួលបានការគាំទ្រពីតំណាង រាស្ដ្រ៨៩រូប ហើយត្រូវការតែ២៥រូប ទៀតតែប៉ុណ្ណោះដើម្បីមានសំឡេងគ្រប់ គ្រាន់នៅក្នុងសភាដែលមាន២២៥ អាសនៈ ។អ្នកនាំពាក្យប្រធានាធិបតីដែលទើប តែជាប់ឆ្នោតបានឱ្យដឹងថា យើងទទួល បានច្រើនជាងអ្វីដែលត្រូវការ ដូច្នេះ ការអនុម័តច្បាប់នានាមិនមែនជាផល លំបាកនោះឡើយសម្រាប់រដ្ឋាភិបាលថ្មី។ ប្រធានាធិបតី Maithripala Sirisena បានសន្យាថា នឹងកែទម្រង់រដ្ឋធម្មនុញ្ញ ក្នុងនោះអាចបង្កើនសិទ្ធិអំណាចបន្ថែម ដល់ប្រធានាធិបតីក្នុងការដឹកនាំប្រទេស ជាតិ ។
ក្រៅពីនេះរដ្ឋាភិបាលថ្មីក៏មានគម្រោង បង្កើតគណៈកម្មាធិការឯករាជ្យគ្រប់គ្រង ស្ថាប័នប៉ូលិស សេវាកម្មឯកជន និង ក្រសួងយុត្ដិធម៌ ហើយផ្ដល់អំណាចបាន ច្រើនជាងនេះដល់ស្ថាប័នបង្កើតច្បាប់ ។នៅក្នុងព្រឹត្ដិការណ៍មួយផ្សេងទៀត ដែលពាក់ព័ន្ធនោះផងដែរ កាលពីថ្ងៃទី ១០ ខែមករា សមាជិកមួយចំនួនក្នុងជួរ គណៈរដ្ឋមន្ដ្រីដែលបញ្ចប់អាណត្ដិបាន សន្យាគាំទ្រគម្រោងកែទម្រង់១០០ថ្ងៃ របស់ប្រធានាធិបតី Maithripala Sirisena ក្នុងការលុបបំបាត់អំពើពុក រលួយ ។
គណបក្សសេរីភាពស្រីលង្ការបស់ ប្រធានាធិបតីដែលទើបតែបញ្ចប់ អាណត្ដិក៏បានប្រកាសគាំទ្រដល់សកម្ម ភាពកែទម្រង់នយោបាយរបស់ប្រធានា ធិបតី Maithripala Sirisena ។
លោក Sirisena ជាអតីតរដ្ឋមន្ដ្រីក្រសួងសុខា ភិបាលក្នុងគណៈរដ្ឋមន្ដ្រីរបស់ប្រធានា ធិបតីដែលទើបតែបញ្ចប់អាណត្ដិហើយ លោកសម្រេចលាឈប់ពីតំណែងនៅខែ វិច្ឆិកា ឆ្នាំ២០១៤ ដោយសារតែមិន ពេញចិត្ដនឹងគោលនយោបាយកែទម្រង់ អាចឱ្យមេដឹកនាំឈរឈ្មោះបោះឆ្នោត ក្នុងអាណត្ដិទី៣ ។ ក្រោយពេលលោកលា ឈប់ពីរដ្ឋមន្ដ្រីសុខាភិបាល លោកក៏បាន ក្លាយជាបេក្ខភាពប្រធានាធិបតីទទួល បានការគាំទ្រខ្ពស់ពីប្រជាពលរដ្ឋ
