គ្រោះថ្នាក់ចរាចណ៍មួយ ដែលបង្កឡើងដោយសារតែយុវជន២នាក់ បានជិះម៉ូតូមួយគ្រឿង ក្នុងល្បឿនយ៉ាងលឿន ចាប់ហ្វ្រាំងដួលអូសចូលទៅក្រោមកងរថយន្តកុងទីន័រ សណ្តោងរ៉ឺម៉កកំពុងបត ប៉ុន្តែសំណាងល្អគ្រាន់តែរងរបួស ចំណែកម៉ូតូបានរងការខូចខាតយ៉ាងដំណំគៀបជាន់នឹង
កងរថយន្ត នៅចំណុច ប្រមុះជ្រូកស្ថានីយ៍ប្រេងឥនន្ឋះសូគីម៉ិចសឹ្ទងមានជ័យ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង៨នឹង៤៥នាទីយប់ថ្ងៃទី១១ ខែមករា ឆ្នាំ២០១៥ ។ តាមប្រភពពត៌មាន ពីបុរសម្នាក់ជាអ្នករត់ម៉ូតូឌុប សុំមិនបញ្ចេញឈ្មោះ ដែលបានឃើញហេតុកាណ៍ខាង លើនេះបានឱ្យដឹងថា នៅមុនពេលកើតហេតុគាត់បានឃើញរថយន្តកុងទីន័រសណ្តោងរ៉ឺម៉កមួយគ្រឿង ពាក់ស្លាកលេខ ធ្វើដំណើរតាមបណ្តោយផ្លូវវេងស្រេង ក្នុងទិសដៅពីលិចទៅកើត 
លុះមកដល់ចំណុចស្ថាននីយ៍ប្រេងឥន្ឋនះ សូគីម៉ិចច្រមុះជ្រូកស្ទឹងមានជ័យក៏បានបើកភ្លើងស៊ីញ៉ូបត់ស្តាំ ខណះដែលកំពុងតែបត់ស្រាប់តែមានយុវជន២នាក់ ជិះម៉ូតូឌ្រីមសេ១២៥ពណ៍ខ្មៅមួយគ្រឿងក្នុងល្បឿនយ៉ាងលឿន វ៉ាកជាមួយនឹងរថយន្តបានចាប់ហ្វ្រាំងដួលបោក អូសប្រមាណជា២០ម៉ែត្រ បណ្តាលឱ្យម៉ូតូចូលទៅក្រោមកងរថយន្តគៀបជាប់ បណ្តាលឱ្យរងការខូចខាតយ៉ាងដំណំ ប៉ុន្តែសំណាងល្អអ្នកជិះម៉ូតូគ្រាន់តែរងរបួស ។
ប្រភពពត៌បន្តថា ក្រោយកើតហេតុសមត្ថកិច្ចមូលដ្ឋាន បានចុះមកធ្វើការសម្របសម្រួលដល់ភាគីទាំងសងខាង ហើយភាគីខាងរថយន្តបានទទួលធ្វើម៉ូតូឱ្យទៅភាគីម្ខាងទៀតដើម្បីបញ្ចប់រឿង ព្រោះមិនចង់វែងឆ្ងាយ ៕
