ខេត្តកំពង់ធំៈ រថយន្តតាកូម៉ាមួយគ្រឿង ដឹកឈើប្រណិតចេញពីអូងៀវ ស្រុកសណ្តាន់ ខេត្តកំពង់ធំ កាលពី វេលាម៉ោង ៨.១០នាទី ថ្ងៃទី ១២ ខែ មករា ឆ្នាំ ២០១៥ ត្រូវបានលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ បញ្ជាផ្ទាល់ឲ្យលោក ចាន់ មន្នីនាទ 
នាយសង្កាត់ អនុវត្តច្បាប់ទប់ស្កាត់ បង្ក្រាបរថយន្តដឹក ឈើដែលកំពុងតែដឹកជញ្ជូនដោយខុសច្បាប់ តាមរយះរថយន្ត តាកូម៉ា ពាក់ស្លាកលេខ ភ្នំពេញ 2AA- 1092 ពណ៌ទឹកប្រាក់ ដែលកំពុងតែដឹកជញ្ជូនតាមបណ្តោយផ្លូវលំ ឆ្ពោះមកស្រុកសណ្តាន់ ។
តាមការរៀបរាប់របស់អ្នកស្រី សូត្រ ដែលជាម្ចាស់រថយន្ត ឲ្យដឹងថាមុនការដឹកជញ្ជូនឈើនេះ គាត់បានប្រាប់ គ្រប់សមត្ថកិច្ច ទាំងលោក ចាន់ មន្នីនាទ នាយសង្កាត់ និងលោក គៀ នាយរងសង្កាត់រដ្ឋបាលព្រៃឈើសណ្តាន់ ហេតុអ្វីក៏នៅតែចាប់គាត់ទៀត មិនតែប៉ុណ្ណោះគាត់បានអះអាងថា បងរបស់គាត់ឈ្មោះ នួន បូផាន់ នាយប៉ុស្តិ៍រដ្ឋបាលឃុំដងកាំបិតនេះ អ្នកណាក៏ស្គាស់ដែរ ម៉ិចបានហ៊ានចាប់ឡានរបស់គាត់។
តាមប្រភពពត៌មាន បានឲ្យដឹងថា ការដឹកជញ្ជូនឈើបានធ្វើសកម្មភាព ដូចគោហ្វូង ចាប់ពីម៉ោង៨ដល់ទៅ ម៉ោង៣ភ្លឺ ជារៀងរាល់ថ្ងៃដោយពុំមានការទប់ស្កាត់ បង្ក្រាបពីសំណាក់លោក ចាន់ មន្នីនាទ ឡើយដែលត្រូវ បានគេសង្ស័យថា ទាំងលោក សៅ វណ្ណី នាយផ្នែករដ្ឋបាលព្រៃឈើសណ្តាន់ ទាំងនាយសង្កាត់ ប្រហែលជា ត្រូវរ៉ូវគ្នាទើបឈ្មួញតំឡើងធ្មុង គ្មានញញើតសមត្ថកិច្ចឡើយ ទោះជាព្រះរាជអាជ្ញាបញ្ជាឲ្យឃាត់រថយន្តក៏មិន ចង់អនុវត្តការបង្ក្រាបនោះទេ។
ប្រភពពត៌មានខ្សឹបខ្សៀវមួយបាន បញ្ជាក់ថា នៅក្នុងភូមិអូងៀវ ឃុំ ដងកាំបិត ល្បីថាលោក នួន បូផាន បានយកតួនាទីកាងបទល្មើស ចាត់ចែងកម្មករឲ្យអាឈើលក់យ៉ាងរំភើយ ដោយពុំមានការខ្លាចញញើតអ្វីទាំងអស់ ដោយសារតែ ទាំងបរិស្ថាន មេព្រៃ ប៉េអ៊ឹម ប៉ូលិស បានត្រូវរ៉ូវគ្នាអស់ហើយ កាធ្វើបែបនេះ មិនខុសពីយកស្បែកខ្លា មកកំឡាព្រៃដើម្បីយកឈើនោះទេ ។
សម្រាប់រថយន្តដែលដឹកឈើ ត្រូវបានលោក ចាន់ មន្នីនាទ នាំយកមករក្សាទុកនៅសង្កាត់រដ្ឋបាលសណ្តាន់ ដើម្បីធ្វើការវាស់វែង ដែលមានចំនួនឈើ ១១ដុំ ប្រភេទឈើ សុក្រម ស្មើរ ៨ផ្លាន តែត្រូវបានគេសង្ស័យថា ការចាប់នេះគឺជាការបង្គ្រប់កិច្វ តាមបញ្ចារលោកព្រះរាជអាជ្ញា និងត្រូវបានដោះលែងក្នុងមួយដង្ហើមចង្រិត។
