រដ្ឋាភិបាលហ្វីលីពីនបង្ហាញការព្រួយបារម្ភយ៉ាងខ្លាំងពីស្ថានភាពសន្ដិសុខ ក្នុង ពេលដែលសម្ដេចសង្ឃកាតូលិក ហ្វ្រាំង ស៊ីស បំពេញទស្សនកិច្ចទៅកាន់ទីក្រុង មានីល នៅថ្ងៃទី១៥ ខែមករា ។
សារព័ត៌មាន AFP បានផ្សព្វផ្សាយ ថា សម្ដេចសង្ឃហ្វ្រាំងស៊ីស មានវត្ដ មាននៅទីក្រុងមានីលនារសៀលថ្ងៃទី១៥ ខែមករា ជាការសួរសុខទុក្ខដល់ពលរដ្ឋ ហ្វីលីពីនដែលមានអ្នកកាន់សាសនា គ្រឹស្ទរហូតដល់៤០ភាគរយ ។
ចំណុចសំខាន់នៅក្នុងដំណើរទស្សន កិច្ចនោះគឺចូលរួមពិធីបុណ្យព្រះមីសា នៅរមណីយដ្ឋានក្នុងទីក្រុងមានីល នាថ្ងៃ ទី១៨ ខែមករា ខាងមុខ ។ អ្នករៀបចំ បុណ្យជាតិបានប៉ាន់ប្រមាណថា នឹងមាន ពលរដ្ឋចូលរួមប្រមាណ៦លាននាក់ ដើម្បីមានឱកាសបានមើលឃើញ សម្ដេចសង្ឃហ្វ្រាំងស៊ីស ។
ក្រៅពីនេះសម្ដេចសង្ឃហ្វ្រាំងស៊ីស នឹងទៅសួរសុខទុក្ខដល់ពលរដ្ឋនៅទំបន់ រងការបំផ្លាញដោយព្យុះសង្ឃរាហេយ៉ាន កាលពីឆ្នាំ២០១៣ ។
ក្រុមសន្ដិសុខហ្វីលីពីនបានបង្ហាញ ការព្រួយបារម្ភយ៉ាងខ្លាំងពីសុវត្ថិភាព ប្រជាពលរដ្ឋ និងទប់ស្កាត់ខ្លាចមានការ ប្រជ្រៀតជាន់គ្នាបណ្ដាលឱ្យមានអ្នក ស្លាប់ នៅពេលដែលមានមនុស្សជាច្រើន ប្រមូលផ្ដុំបែបនេះ ។ ក្រុមភេរវករក៏ បានឆ្លៀតឱកាសមនុស្សមមាញឹកច្រើន សម្រាប់សកម្មភាពវាយប្រហាររបស់ ខ្លួនផងដែរ ។
ប្រធានាធិបតីហ្វីលីពីន លោកបែន និកណូ អាកីណូ បានអំពាវនាវពលរដ្ឋ ដែលទៅចូលរួមក្នុងពិធីបុណ្យនោះត្រូវ តែមានស្មារតីរឹងមាំ កុំឱ្យមានចចាចល កើតឡើង អាចជំរុញឱ្យមានការប្រជៀត ជាន់លើគ្នាកើតឡើង ។ ប្រធានាធិបតី ហ្វីលីពីនបានបញ្ជាក់ទៀតថា ហ្វូងមនុស្ស ឡោមព័ទ្ធចាំមើលក្បួនរថយន្ដរបស់ សម្ដេចសង្ឃហ្វ្រាំងស៊ីស ក៏អាចក្លាយជា គោលដៅវាយប្រហាររបស់ក្រុមភេរវករ ផងដែរ ។ ពេលនេះសម្ដេចសង្ឃហ្វ្រាំង ស៊ីស ជាគោលដៅសំខាន់បំផុតរបស់ ក្រុមភេរវករក្នុងការវាយប្រហារ ។
ជាច្រើនឆ្នាំកន្លងមក ហ្វីលីបានបាន ខិតខំទប់ទល់ជាមួយក្រុមអ៊ិស្លាមជ្រុល និយមពាក់ព័ន្ធនឹងអាល់កៃដានៅក្នុង ប្រទេសរបស់ខ្លួន ។ ក្រុមដែលតែងតែ វាយប្រហារនោះគឺក្រុមអាប៊ូសាយ៉ាប 9
