ខេត្តរតនគិរីៈ គោយន្តកែច្នៃចំណុះ៥តោនដឹកដំឡូងមីមួយគ្រឿងបើកបរមិនប្រយ័ត្នពេលចុះចំណោទក្រឡាប់ស្លាប់ តៃកុងម្នាក់និងព្រួម្នាក់របួសធ្ងន់ធ្ងរនៅស្រុកអូរយ៉ដាវ។
ហេតុការណគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៨និង២០នាទីព្រឹកថ្ងៃទី១៥ ខែមករា ឆ្នាំ២០១៥ នៅតាមបណ្តោយផ្លូវជាតិលេខ៧៨ ត្រង់ចំណុចចុះចំណោទ ចំការតាខេង ស្ថិតក្នុងភូមិប៉ក់ធំ ឃុំប៉កញ៉ៃ ស្រុកអូរយ៉ដាវ។
ប្រភពពត៌មានពីកន្លែងកើតហេតុបានអោយដឹងថា មុនពេលកើតហេតុគេបានឃើញគោយន្តកែច្នៃមួយគ្រឿងពណ៌ខៀវ អត់មានស្លាកលេខ បើកបរពីលិចទៅកើតក្នុងល្បឿនយ៉ាងលឿន ដោយមានផ្ទុកដំឡូងមីពេញគោយន្ត លុះមកដល់កន្លែងកើតហេតុក៏ស្រាប់តែគោយន្តចចុះចំណោត ជាន់ហ្វ្រាងខ្លាំងបណ្តាលអោយគោយន្តក្រឡាប់បោកនិងផ្លូវថ្នល់ជាតិ បណ្តាលអោយ
តៃកុងបើករបឈ្មោះសុខ វីអាយុ៣០ឆ្នាំ ជនជាតិខ្មែរ ម្នាក់ត្រូវបានគោយន្តបោកផ្ទុកទៅលើថ្នល់ស្លាប់ភ្លាមៗនៅកន្លែងកើតហេតុ មានទីលំនៅសព្វថ្ងៃនៅភូមិកាតែ ឃុំលំជ័រ ស្រុកអូរយ៉ាដាវ ខេត្តរតនគិរី ព្រមទាំងព្រួម្នាក់រួមដំណើរជាមួយឈ្មោះ ផាន់ ផាត អាយុ២៥ឆ្នាំ ទទួលរងរបួសធ្ងន់ ត្រូវបានរថយន្តសង្គ្រោះដឹកយកទៅព្យាបាលនៅឯមណ្ឌលសុខភាពស្រុកអូរយ៉ាដាវ។
ក្រោយពេលកើតហេតុសមត្ថកិច្ចចុះទៅជួយអន្តរាគមន៍យកសាកសពតៃកុងបើកបរគោយន្តប្រគល់អោយក្រុមគ្រួសារនិងសាច់ញាតិធ្វើបុណ្យតាមប្រពៃណី រីឯគោយន្ត និងដំឡុងប្រមូលច្រកប៉ោវត្រូវសាច់ញាតិដឹកយកទៅលំនៅដ្ឋានវិញ៕
