គិតមកទល់ពេលនេះ គេបានរកឃើញ សាកសពជាង១០០នាក់អណ្ដែតនៅលើ ដងទន្លេមួយនៅរដ្ឋអ៊ុយតាប្រាដែស ។ សាកសពជាច្រើនត្រូវសត្វឆ្កែ និងសត្វ ត្មាតហែកស៊ី ។
សាកសពដំបូងគេបង្អស់ត្រូវបានគេ រកឃើញនៅក្នុងស្រុក Unnao រដ្ឋអ៊ុយ តាប្រាដែស ។ ពលរដ្ឋក្នុងតំបន់បាន មើលឃើញទិដ្ឋភាពសាកសពមនុស្ស ត្រូវសត្វត្មាត សត្វឆ្កែហែកស៊ីពាស វាលពាសកាល ។
មន្ដ្រីឥណ្ឌាបានឱ្យដឹង ថា គិតមកដល់ថ្ងៃទី១៤ ខែធ្នូ មានសាក សព១០៤នាក់ត្រូវបានរកឃើញ។ របាយ ការណ៍បានឱ្យដឹងថា សាកសពទាំងនោះ ត្រូវបានសាច់ញាតិនាំទៅអណ្ដែតចោល ក្នុងដងទន្លេ ឬក៏កប់នៅក្បែរមាត់ទន្លេ ដោយសារតែគ្រួសារគ្មានលទ្ធភាពគ្រប់ គ្រាន់សម្រាប់ធ្វើពិធីបុណ្យសពត្រឹមត្រូវ។
ស្ថានភាពសាកសពអណ្ដែតនៅលើ ដងទន្លេមិនមែនអ្វីចម្លែកនោះឡើយ ប៉ុន្ដែគេកម្រឃើញសាកសពយ៉ាងច្រើន អណ្ដែតព្រមគ្នាបែបនេះណាស់ ។ ពល រដ្ឋក្រីក្រគ្មានលទ្ធភាព ក៏បានយកសាក សពទៅអណ្ដែតចោលនៅទន្លេគង្គារ ដែលគេចាត់ទុកថាជាតំបន់ស័ក្ដិសិទ្ធិ បំផុតសម្រាប់អ្នកដែលបានស្លាប់ទៅ ។
លោក Saumya Agarwal មន្ដ្រី ក្នុងតំបន់បានឱ្យដឹងថា ដោយសារតែទឹក ដងទន្លេស្រកចុះ ទើបសាកសពដែលកប់ នៅច្រាំងទន្លេត្រូវជនលិច ពេលនេះទើប អណ្ដែតសាកសពចេញ ។ មន្ដ្រីទទួលខុស ត្រូវក្នុងតំបន់បានបញ្ជូនក្រុមគ្រូពេទ្យ ទៅកាន់ដងទន្លេគង្គាដើម្បីត្រួតពិនិត្យ ឌីអិនអេ ។ 
ក្រុមសកម្មជនបរិស្ថានបង្ហាញការ ព្រួយបារម្ភយ៉ាងខ្លាំងពីផលប៉ះពាល់បរិ- ស្ថាននៅពេលសាកសពស្អុយរលួយប៉ះ ពាល់ដល់សុខភាពពលរដ្ឋរស់នៅតាម ដងទន្លេនោះ ។ ទន្លេគង្គាមានពលរដ្ឋរស់ នៅតាមបណ្ដោយនោះដល់ទៅជាង៤០០ លាននាក់ ដូច្នេះ បើកម្រិតទឹកទន្លេកខ្វក់ ខ្លាំងឡើងនឹងគំរាមកំហែងដល់ជីវិត របស់ពលរដ្ឋទាំងនោះ ។
ទន្លេគង្គាមានប្រវែង២.៥០០គីឡូ ម៉ែត្រហើយក៏ជាដងទន្លេដែលកខ្វក់ បំផុតនៅទីនោះ ។ នាយករដ្ឋមន្ដ្រីឥណ្ឌា លោកណារ៉េនដ្រា ម៉ូឌី ធ្លាប់បានសន្យា នឹងធ្វើឱ្យដងទន្លេនោះប្រសើរឡើងវិញ ប៉ុន្ដែត្រូវចំណាយប្រាក់រាប់សិបពាន់ លានដុល្លារ 9
