សៀមរាបៈ កុមារជនបទដាច់ស្រយាលរៀននៅសាលាបអនុវិទ្យាល័យអង្គរធំជាង៣១០នាក់ ស្ថិតនៅក្នុងឃុំពាក់ស្នែង ស្រុកអង្គរធំ ខេត្តសៀមរាប ត្រូវបានជំនួយឧបត្ថម្ភ ទាំងសំលៀកបំពាក់ កន្លែងស្នាក់នៅសម្រាប់សិក្សា និងអាហារ ព្រមទាំងបណ្តុះបណ្តាលនូវ
ចំណេះដឹងទាំងបច្ចេកវិជ្ជា និងកសិកម្ម ព្រមទាំងអាហាររូបករណ៍ ផ្សេងៗដល់សិស្សដែលមានជីវភាពក្រីក្ររ។លោក សំណាង គ្រូបង្រៀនភាសាបានឲ្យឹងដឹងថា សាលាអនុវិទ្យាល័យ ស្ថិតនៅក្នុងភូមិពាក់ស្នែងថ្មី នេះស្ថិតនៅដាច់ស្រយាលពី ទីក្រុងនឹងជាតំបន់មួយស្ថិតនៅក្នុងភាពក្រីក្ររ មានសិស្សចូលរៀនចំនួន ៣១០នាក់ មានសិស្សស្រី ២១៥នាក់ 
លក្ខណៈសំខាន់នៃសាលានេះ គឺសិស្សទាំងអស់នេះ មានអាហារហូបចុក ចំនួន២ពេល សម្រាប់សិស្សដែល មករៀន រីឯកសិស្សដែលស្នាក់នៅក្នុងសាលានិងមាន អាហារ៣ពេល ព្រមទាំងលោកគ្រូ អ្នកគ្រូ តាមរយះ អង្គការជួយក្មេងក្នុងប្រទេសកម្ពុជា ដែលមានការិយាល័យនៅប្រទេសអាល្លឺម៉ង់ បានផ្តល់អាហារឧបត្ថម្ភដូច ជាសំលៀកបំពាក់ សម្ភារៈសិក្សា អាគារស្នាក់នៅសម្រាប់សិស្សក្រីក្ររ ដែលមានផ្ទះនៅឆ្ងាយ ដែលមិនមាន លទ្ធភាព
ក្នុងការទៅមក លោកគ្រូ អ្នកគ្រូបានបង្រៀនសិស្សទាំងអស់បានចូលរៀនចំនួន២ពេល រីឯការស្នាក់ នៅគឺមានបន្ទប់ត្រូវបានបែងចែកប្រុសស្រី និងមានសណ្តាប់ធ្នាប់វិន័យត្រឹមត្រូវ ។
លោក សេង សុខជា ប្រធានគ្រប់គ្រងសាលា ក្នុងអង្គការជួយកុមារកម្ពុជា បានឲ្យដឹងថា កម្មវិធីសិក្សានៅក្នុង សាលាមាន ការបង្រៀន Computer ភាសាអង្គគ្លេស ផ្នែកកាត់ដេរ និង
ផ្នែកតន្ត្រី និងកម្មវិធីសិក្សាតាមក្រសួងអប់រំ នៃប្រទេសកម្ពុជា មិនតែប៉ុណ្ណោះក្រៅពីម៉ោងសិក្សា សិស្សទាំងអស់ត្រូវបានបណ្តុះបណ្តាល ឲ្យមានជំនាញខាង ដាំដំណាំគ្រួសារ និងដំណាំកសិកម្ម ចំណែកការយកចិត្តទុកដាក់របស់ប្អូន ត្រូវបានចាប់អារម្មណ៍និងចង់ចេះចង់ដឹង ក្នុងកម្មវិធីសិស្សា ក្នុងនោះដែរក៏សូមសំណូមពរ ឲ្យអង្គការនានាចុះជួយដល់ ប្អូន ដែលកំពុងសិស្សានៅតាមជនបទបន្ថែមទៀត ដើម្បីឲ្យកុមារក្រីក្ររ មានឳកាសក្នុងការបន្តកាសិក្សា ឈានទៅប្រឡងនៅមហាវិទ្យាល័យបានដូចសិស្សដ៏ទៃ។
ដោយ ប៊ុន រដ្ឋា
