កំពង់ឆ្នាំង៖ ប្រជាពលរដ្ឋបានធ្វើការរិៈគន់ដល់អាជ្ញាធរឃុំពន្លៃ ស្រុកបរិបូណ៌ថា បានបណ្តោយអោយគេ យកសំរាមមកចាក់ចោលនៅក្បែរសាលាឃុំ បណ្តាលអោយមានខ្លឹនស្អុយ អាសោចប៉ះពាល់ដល់សុខមាលភាព និងក៏ធ្វើអោយប៉ះពាល់ដល់បរិដ្ឋាន សោភណ្ឌ័ភាព វិស័យទេសចរណ៏ក្នុងស្រុកផងដែរ។
សំរាមទាំងនោះត្រូវបានឃើញនៅពីជំហៀងបញ្ឆឹតពីមុខសាលាឃុំដែលមានចម្ងាយប្រមាណជាង៥០ម៉ែត្រតែប៉ុណ្ណោះ តែខែនេះជារដូវប្រាំងគ្រាន់តែមានខ្លិនស្អុយ ទុកអោយមន្ត្រីធ្វើការនៅសាលាឃុំនិងអ្នករស់នៅជិតនឹងស្រង់ជារៀងរាល់ថ្ងៃ បើចំខែវស្សាវិញមានទាំងដង្កូវចេញពីគំនរសំរាមនោះទៀតផង ។
ជុំវិញបញ្ហាខាងលើនេះ លោក ឡឹក គឹមឡាយ មេឃុំពន្លៃបានអោយដឹងនៅព្រឹកថ្ងៃទី១៣ ខែមករា ឆ្នាំ ២០១៥ នេះថា៖សាលាឃុំ បានចាត់វិធានការណ៏៣ដងហើយ ដោយបានដាក់ស្លាកសញ្ញាហាមចាក់សំរាមទៀតផង តែប្រជាពលរដ្ឋទាំងនោះនាំគ្នាលួចដកចេញអស់។កន្លងមកជាប្រជាពលរដ្ឋរស់នៅជុំវិញផ្សារពន្លៃអាជ្ញាធរបានសម្របសម្រួលអោយមានការបង់សេវារប្រមូលសម្រាមដូចអ្នកម៉ៅភាស៊ីក្នុងផ្សារដែរ តែមិនទទួលលទ្ឋផលឡើយ ដោយខ្លះហ៊ានអោយតែ៣ទៅ៥ពាន់រៀលក្នុងមួយផ្ទះសម្រាប់១ខែហេតុ
នេះហើយ អ្នកដែលចង់ទទួលម៉ៅការប្រមូលសំរាម មិនអាចទទួលយកបានឡើយ។ ពួកគាត់ជាប្រជាពលរដ្ឋសុខចិត្តជួលម៉ូតូឌុបយកសម្រាមទៅចោលមួយជើងក៏ថ្លៃ១ពាន់រៀលដែរ ១ខែត្រូវអស់៣ម៉ឺនដែរ តែពេលសុំបង្កើតសេវ៉ាសាធារណៈ ពួកគាត់ហ៊ានថ្លៃតែ៣ទៅ៥ពាន់រៀលក្នុង១ខែទៅវិញ។
លោកមេឃុំបានបន្តថាៈ ប្រជាពលរដ្ឋទាំងនោះពេលយប់ស្ងាត់លួចដឹកសម្រាម១ឬ២ស្បោងយកមកទម្លាក់នៅកន្លែងក្បែរសាសាឃុំនេះ។ប៉ុន្តែចាប់ពីថ្ងៃទី១២ខែមករា នេះតទៅលោកបានអោយគេប្រមូ
លសំរាមទាំងនោះដុតកំទេចចោលរួចនឹងចាត់វិធានការណ៏លួចចាំឃ្លាំមើល និងឃ្លាំចាប់ជនខិលខូចទាំងនោះដែលតែងតែលួចដឹកសំរាមយកមកចោលនៅកន្លែងនេះពេលយប់ អោយខាងតែបានដើម្បីធ្វើការព្រមានអប់រំ និងបើមិនរាងចាលនឹងឈានដល់ការផាកពិន័យទៀតផង ។
លោកមេឃុំបានបញ្ជាក់បន្ថែមថាៈ សំរាមដែលបានលួចយកមកចាក់នៅទីនេះ គឺមានដល់របង
វត្តទៀតផង គឺប្រជាពលរដ្ឋទាំងនោះមិនមែនអ្នកម៉ៅការភាស៊ីផ្សាពន្លៃដឹកយកមកចាក់ទីនេះឡើយ ព្រោះអ្នកម៉ៅការដឹកសំរាមគេមានទីតាំងរណ្តៅដីសំរាប់ចាក់សំរាមត្រឹមត្រូវរបស់គេ៕ សន្យា
