កំពង់ធំ=ខេត្តកំពង់ធំជាខេត្តមួយស្ថិតនៅចំកណ្ដាលនៃប្រទេសកម្ពុជាមានផ្ទៃដីជាប់និងបឹងទន្លេសាបមានទំហំធំជាងគេ ចំណែកបទល្មើសផ្សេងៗក៏សឹងមានច្រើនជាងខេត្តផ្សេងៗផងដែរ ប៉ុន្តែការងារដែលមន្ដ្រីជំនាញបានអនុវត្តន៍មាន ការងារអាជីវកម្មនេសាទ ,កិច្ចការរដ្នបាល,ការងារវារីវប្បកម្ម,ការកែច្នៃផលលិតផលជលផល,ការងារការពារធនធានជលផល (បង្ក្រាបបទល្មើស)និងការងារគួបផ្សំផ្សេងៗទៀត។
លោកប៉ែន វណ្ណរិទ្ធនាយខ័ណ្ឌរដ្នបាលជលផលខេត្តកំពង់ធំ បានធ្វើរបាយការសង្ខេបពាក់ព័ន្ធទៅនិងការងារជលផលដែលមន្ដ្រីជំនាញបានអនុវត្តន៍ក្នុងឆ្នាំ២០១៤ ជារួមមាន ១* ការងារអាជីវកម្មនេសាទ ចាប់បានសរុប៤០០០០តោន ក្នុងនោះមាន= នេសាទគ្រួសារក្នុងដែននេសាទ ២៧៧០០តោន , នេសាទគ្រួសារតាមវាលស្រែ ១២៣០០តោន ២* ការងារវារីវប្បកម្មមាន ចិញ្ចឹមត្រីសាច់បាន ៣២០០តោន ,ចិញ្ចឹមអន្ទង់០១តោន, ចិញ្ចឹម កង្កែប០២តោន,ចិញ្ចឹម គន្ធាយ ២០០០០ក្បាល ,ចិញ្ចឹមក្រពើ២១៦៦៥ក្បាល ,កសិដ្ឋានផលិតកូនត្រី០៤កន្លែង ផលិតកូនត្រីបាន៦៧០០០០កូន គ្រួសារចិញ្ចឹមត្រីក្នុងស្រះ៣៣៨ស្រះ គ្រួសារចិញ្ចឹមត្រីក្នុងបែ ២២៥បែ ស្រះជម្រកត្រីសហគមន៍៣៤សហគមន៍ ៣* ការកែច្នៃផលិតផលនេសាទមាន ការកែឆ្នៃផលនេសាទបានសរុប៤៨៥០តោន , ការផលិតទឹកត្រីបាន២០៥០០០លីត្រ ៤* ការងារការពារធនធានជលផល (បង្ក្រាបបទល្មើស) សរុប ចំនួន៦០៧ករណី ក្នុងនោះមានធ្វើការរុះរើ
បំផ្លាញចោល ៥៥២ករណី បញ្ចូនសំនុំរឿងទៅតុលាការ៣៤ករណីមានជនសង្ស័យ ៥៤នាក់ រត់រួច១នាក់ ពិន័យ ចំនួន២១ករណី សរុបជាទឹកប្រាក់ចំនួន៣៥៨៩០០០០រៀល។
តាមរបាយការណ៍របស់លោកប៉ែន វណ្ណរិទ្ធនាយខ័ណ្ឌរដ្នបាលជលផលខេត្តកំពង់ធំបានបន្ដថាក្នុងទិសដៅរបស់យើងគឺពង្រឹងនិងបង្កើនសកម្មភាពផ្សព្វផ្សាយអំពីបច្ចេកទេសចិញ្ចឹមត្រីដែលមានលក្ខណះងាយស្រួល ,បន្ដកាផ្សព្វផ្សាយច្បាប់និងលិខិតបទដ្ឋាននានាដែលពាក់ព័ន្ធ និងវិស័យជលផល ,ការបោះឆ្នោះជ្រើសរើសគណះកម្មការ សហគមន៍ដែលផុតអាណត្តិ ,ការបោះបង្គោលព្រំប្រទល់កន្លែងអភិរក្សជលផលនិងសហគមន៍នេសាទ, ស្រង់ស្ថិតិ
អ្នកនេសាទក្នុងខេត្ត, ចេញទប់ស្កាត់និងបង្ក្រាបបទល្មើសជាប្រចាំពិសេសកន្លែងអភិរក្សជលផល ក្នុងនោះយើងក៏មានការលំបាកខ្លះៗ ដោយខ្វះថវិការ និងមធ្យោបាយសម្រាប់ចំណាយក្នុងការងាររដ្ឋបាលនិងការបង្ក្រាបបទល្មើសនេសាទដើម្បីពង្រឹងសមត្ថភាពគ្រប់គ្រោងរបស់គណះកម្មការសហគមន៍នេសាទ ,ព្រោះទីតាំងប្រព្រឹត្តបទល្មើសមានភាពស្មុគស្មាញ , ការយល់ដឹងរបស់ប្រជាពលរដ្ននៅមានកំរិតទាប ,កិច្ចធានាមិនគ្រប់គ្រាន់, ការចូលរួមពីអ្នកពាក់ព័ន្ធមិនពេញលេញនិងខ្វះមន្ដ្រីធ្វើការ ដូច្នេះយើងក៏មានសំណូមពរមួយចំនួន ជំរុញការធ្វើវិសោធកម្មច្បាប់ស្ដីពីជលផល , ដោះស្រាយកិច្ចធានា, សុំមន្ដ្រីបំរើការបន្ថែម, ជួយបោះបង្គោលអភិរក្ស, សុំថវិការចំណាយក្នុងការងាររដ្ឋបាលនិងការងារបង្គ្រាប់បទល្មើសនេសាទ៕ ប៊ុនរិទ្ធី
