កាលពីថ្ងៃទី១៥ ខែមករា ប៉ូលិស ប៊ែលហ្ស៊ីកបានបើកយុទ្ធនាការបោស សម្អាតក្រុមភេរវកម្មដោយបានធ្វើ សកម្មភាព១០លើកនៅទីក្រុង Verviers សម្លាប់បានខ្មាន់កាំភ្លើងអ៊ិស្លាមជ្រុល និយម២នាក់ ។ប៊ែលហ្ស៊ីកបានប្រកាសឱ្យដឹងថា “ខ្មាន់កាំភ្លើងក្រុមអ៊ិស្លាមជ្រុលនិយម បានឡើងគម្រោងវាយប្រហារភេរវកម្ម ទ្រង់ទ្រាយធំនៅក្នុងប្រទេសនេះ ប៉ុន្ដែ ប៉ូលិសប្រឆាំងភេរវកម្មទប់ស្កាត់បាន ទាន់ពេល ហើយសម្រុកចូលក្នុងហាង លក់នំកណ្ដាលទីក្រុងចាប់បានខ្មាន់កាំ- ភ្លើងម្នាក់ និងបាញ់សម្លាប់២នាក់ដែល តដៃជាមួយប៉ូលិស ។ អ្នកទាំងបីនេះសុទ្ធ សឹងតែជាពលរដ្ឋប៊ែលហ្ស៊ីក ។ ម្នាក់ ទៀតត្រូវបានគេស្គាល់ថា ជាសមាជិក របស់ក្រុមអ៊ិស្លាមនៅអឺរ៉ុបធ្លាប់បានទៅ ចូលរួមធ្វើសង្គ្រាមនៅស៊ីរី” ។
ផ្ទះមួយខ្នងនៅទីក្រុងជាកន្លែងលាក់ ខ្លួនរបស់ក្រុមអ៊ិស្លាមសង្ស័យវាយប្រហារ ទៅលើទីស្នាក់ការប៉ូលិសក៏ត្រូវបាន បំបែក ។ ប៉ូលិសបានបង្កើនការរក្សា សន្ដិសុខនៅគ្រប់ទិសទីខ្លាចក្រុមភេរវករ បង្កើនការវាយប្រហារក្នុងពេលកម្លាំង ប៉ូលិសទៅបោសសម្អាតកម្ចាត់ពួកគេ។ ប៉ូលិសបានរៀបរាប់ឱ្យដឹងថា ជនសង្ស័យ បានបំពាក់សព្វាវុធទំនើបៗ ។ ពួកគេ ប្រើប្រាស់អាវុធយោធា កាំភ្លើងខ្លីបាញ់ ទៅលើប៉ូលិសពេលដឹងថា ប៉ូលិសកំពុង ឡោមព័ទ្ធ ។សាក្សីនៅកន្លែងកើតហេតុបានឱ្យដឹង ថា មានសំឡេងផ្ទុះកាំភ្លើងជាច្រើន គ្រាប់ធ្វើឱ្យពលរដ្ឋក្នុងតំបន់មានការ ភ័យខ្លាចជាខ្លាំង នៅពេលដែលស្នូរកាំ- ភ្លើងបានពន្លឺឡើងចំពេលដែលតំបន់ អឺរ៉ុបកំពុងទទួលរងការគំរាមកំហែងពី ក្រុមភេរវកម្ម ។
កាលពីខែមករា ឆ្នាំ២០១៥នេះដែរ ប៉ូលិសប៊ែលហ្ស៊ីកបានចាប់បុរសម្នាក់ នៅភាគខាងត្បូងប្រទេសនេះដោយ សង្ស័យថាបានផ្គត់ផ្គង់សព្វាវុធទៅឱ្យ ជនល្មើសឈ្មោះ Amedy Coulibaly អ្នកដែលបាញ់សម្លាប់ជនជាតិជ្វីស នៅ ហាងលក់គ្រឿងទេសមួយនៅបារាំង កាលពីថ្ងៃទី៩ ខែមករា ។
ប៊ែលហ្ស៊ីកជាប្រទេសមានពលរដ្ឋ កាន់អាសនាអ៊ិស្លាមប្រមាណពាក់ កណ្ដាលក្នុងចំណោមពលរដ្ឋជាង១១ លាននាក់ ។ ចំនួនពលរដ្ឋគ្មានការងារ ធ្វើកើនឡើងខ្ពស់ ពិសេសគឺក្រុមយុវវ័យ បង្កឱ្យមានការព្រួយបារម្ភយ៉ាងខ្លាំងដល់ សន្ដិសុខជាតិ ។ តាមតួលេខបង្ហាញឱ្យ ឃើញថា ពលរដ្ឋប៊ែលហ្ស៊ីកជាង១០០ នាក់បានត្រឡប់មកកាន់ប្រទេសវិញ ក្រោយទៅចូលរួមជាមួយក្រុមអ៊ិស្លាម ធ្វើសង្គ្រាមនៅមជ្ឈិមបូព៌ា ។
ប៊ែលហ្ស៊ីកក៏បានចូលរួមជាមួយ សម្ពន្ធមិត្ដប្រឆាំងក្រុមអ៊ិស្លាមបង្កើត រដ្ឋIS ដែលដឹកនាំដោយអាមេរិក ។ ប៊ែលហ្ស៊ីកបានបញ្ជូនយន្ដហោះចម្បាំង F-16ប្រាំមួយគ្រឿងទៅវាយប្រហារពីលើ ដែនអាកាសសម្ដៅគោលដៅនានា របស់ក្រុមអ៊ិស្លាមបង្កើតរដ្ឋនៅក្នុង ប្រទេសស៊ីរី 9
