ខេត្តរតនគីរីៈ កងកម្លាំងប្រដាប់អាវុធ ទាំងបីប្រភេទ ក្នុងក្រុងបានលុង បានចុះធ្វើការត្រួតពិនិត្យ អាវុធជាតិផ្ទុះ បកស្កុតខ្មៅបិតកញ្ចក់រថយន្ត សម្រួលឯកសណ្ឋានប្រជាពលរដ្ឋ និងស្លាកលេខរថយន្តខេមរភូមិន្ទ ស្ថិតនៅភូមិភ្នំ សង្កាត់យក្ខឡោម ក្រុងបានលុង ខេត្តរតនគិរី។ដោយយោងតាមបទបញ្ជារឯកឧត្ដមអភិបាលខេត្ត និងលោកមេបញ្ជាការកងរាជអាវុធហត្ថខេត្ត បានបញ្ជារអោយកម្លាំង ប្រដាប់អាវុធចម្រុះចុះត្រួតពិនិត្យឆែកឆេរ ការប្រើប្រាស់សម្ភារៈ មិនស្របច្បាប់ចល័ត តាមបានបណ្តាស្រុកមួយចំនួនក្នុងខេត្តរតនគិរី ដឹកនាំដោយលោក ហៃ វណ្ណារ៉ា មេបញ្ជាការកងរាជអាវុធហត្ថក្រុង បានចុះអនុវត្តចាប់តាំងពីថ្ងៃទី១២.រហូតដល់ថ្ងៃទី១៥ ខែមករា ឆ្នាំ២០១៥នេះ។
លោក ហៃ វណ្ណារ៉ា បានអោយដឹងថា ការចុះអនុវត្តត្រួតពិនិត្យ ៤ថ្ងៃកន្លងមកនេះ ជាលទ្ធផល បកស្កុតខ្មៅពីកញ្ចក់រថយន្តបានចំនួន ២៧គ្រឿង អាវប៉ារ៉ា ចំនួន១២ ខោបានចំនួន៥ មួកប៉ារ៉ាបានចំនួន៧ ក្នុងនោះបានអប់រំ ប្រជាពលរដ្ឋ អំពីការប្រើប្រាស់ ឯកសណ្ឋាន និងសម្ភារៈមិនស្របច្បាប់ ក៏ដូចជាច្បាប់ចរាចរណ៍ផ្លូវគោក បានចំនួន១២២នាក់។លោកបានបន្តថា ការចុះអនុវត្តនេះ លោកនិងដឹកនាំកម្លាំង អនុវត្តជាបន្តបន្ទាប់ លុះត្រាតែអស់ ចំពោះប្រជាពលរដ្ឋដែលប្រើប្រាស់សម្ភារៈមិនស្របច្បាប់ នៅក្នុងខេត្តរតនគីរី។
សូមបញ្ជាក់ផងដែរកម្លាំងចំរុះទាំង៣ខាងលើនោះឆេកឆេរ និងពិនិត្យរថយន្តដែលចេញពីក្រុងបានលុងទៅព្រំដែនវៀតណាម និងតាមបណ្តាលស្រុកនានាច្រើនជាង ព្រោះរថយន្តទាំងនោះច្រើនដឹកទំនិញខុសច្បាប់ ឯរថយន្តមួយចំនួនទៀតដែលមកពីព្រំដែនវៀតណាមវិញ និងតាមបណ្តាលស្រុកនានានោះកម្លាំងអស់លោកខាងលើមិនសូវពិនិត្យនិងឆែកនោះទេ៕
