បន្ទាយមានជ័យ៖នៅក្នុងក្រុងប៉ោយប៉ែតសព្វថ្ងៃនេះគេសង្កេតឃើញមានរោងបុណ្យ រោងអាពាហ៍ពិពាហ៍ និងរោងកម្មវិធីផ្សេងៗតែងតែសង់បិតផ្លូវហាក់បីជាផ្លូវដែរខ្លួនចំណាយថវិការការសាងសង់ម្នាក់ឯងចឹង ។ជាក់ស្តែងនៅថ្ងៃទី១៧ ខែមករា ឆ្នាំ២០១៥នេះគេឃើញមានរោងអាពាហ៍ពិពាហ៍មួយស្ថិតត្រង់ផ្លូវបំបែកជាមួយឆ្ពោះចូលសាលារៀន២កន្លែងផ្សេងៗគ្នា ស្ថិតនៅភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ ធ្វើអោយប្រជាពលរដ្ឋក្តៅក្រហាយចំពោះបញ្ហាខាងលើនេះយ៉ាងខ្លាំងចំនួន២ថ្ងៃហើយ។
លោក រ័ត្ន ភិរុន ភេទប្រុស អាយុ៤៥ឆ្នាំ រស់នៅភូមិ សង្កាត់ខាងលើនេះបានប្រាប់ថា ផ្លូវបេតុងមួយខ្សែរនេះគឺគាត់ត្រូវយកកូនចៅទៅសាលារៀនរាល់ថ្ងៃ បែរជាថ្ងៃនេះត្រូវបើកម៉ូតូវាងផ្លូវ ដោយសារតែមានរោងអាពាហ៍ពិហ៍សង់បិតផ្លូវទាំងស្រុង រកធ្វើតំណើរទៅណាមកណាពិបាកណាស់តើសង់រោងរបៀបនេះវាត្រឹមត្រូវដែរឬទេ?
បើតាមប្រភពពីប្រជាពលរដ្ឋបានប្រាប់អោយដឹងថា ប្រសិនជារោងកម្មវិធីណាគេអ្នកមាន អ្នកមានអំណាចគឺសាងសង់បិតផ្លូវបានតាមចិត្តចង់សង់របៀបណាក៏បានដែរ តែចំពោះរោងកម្មវិធីណាអ្នកខ្វះខាត គ្មានអំណាចហ៊ានតែសាងសង់បិតគឺមានសមត្ថកិច្ចមកហាមឃាត់ ស្តីបន្ទោស និងធ្វើកិច្ចសន្យាតែម្តង ពួកគាតបន្ត រោងអាពាហ៍ពិពាហ៍ខាងលើនេះហេតុអីបានសង់របៀបនេះ ហើយផ្លូវខាងលើនេះវាពុំមានផ្ទះច្រើន និងមានដីទំនេរច្រើនផងដែរ បើយើងសង់អោយវែងបន្តិចទុកផ្លូវមួយចំហៀងតើវាកើតរោគអ្វី?
ដូច្នេះពួកគាត់សូមសំណូមពរដល់អាជ្ញាធរមានសមត្ថកិច្ចជំនាញមេត្តាគិតគូរពីបញ្ហាខាងលើនេះផង កុំអោយសង់រោងតាមចិត្តរបៀបអានាធិបតេយ្យបែបនេះបន្តទៀតវាមិនសាកសំទេ ។
សូមបញ្ជាក់ថាផ្លូវបេតុងខាងលើនេះមានទំហំទទឹង១០ម៉ែត្រឯណោះ និងចំណុចប្រជាពលរដ្ឋធ្វើចរាចរណ៍ជាច្រើននាក់ មានម៉ូតូ មានរថយន្ត និងជាកន្លែសំរាប់រថយន្តចូលដឹកទំនិញផ្ទេរទំនិញផងដែរ ៕
