ភ្នំពេញ ៖ បុរសម្នាក់បើក រថយន្តឡិចស៊ីស RX300 មួយគ្រឿង ទំនងជាស្រវឹង ហើយក្នុង ល្បឿន លឿនជ្រុលបុករបាំងថ្មពុះចែកទ្រូងចំពីមុខពេញទំហឹង បណ្តាលអោយចំនួន៨ដុំដាច់ចេញពីគ្នា ចំណែករថយន្តរងការខូចខាតផ្នែកខាងមុខយ៉ាងដំណំ ម៉ោង១១និង១០នាទី
យប់ថ្ងៃទី១៦ ខែមករា ឆ្នាំ២០១៥ នៅតាមបណ្តោយលេខ ២៧១ ក្បែរនិងសកលវិទ្យាល័យ មេគង្គ ស្ថិតក្នុងសង្កាត់ទឹកល្អក់ ៣ ខណ្ឌ ទួលគោក។សាក្សីនៅកន្លែងកើតហេតុ បានអោយដឹងថា គេឃលើញមានរថយន្តមួយគ្រឿងម៉ាក រថយន្ត ឡិចស៊ីស RX300 ពណ៌ឈាមជ្រូ្មក ពាក់ស្លាកលេខ ភ្នំពេញ 2N-2403 បើកបរដោយ បុរសម្នាក់ មិនស្គាល់អត្តសញ្ញាណបានធ្វើដំណើរតាមបណ្តោយផ្លូវលេខ ២៧១ ទិសដៅពីត្បូង ទៅជើង ក្នុងល្បឿនយ៉ាងលឿន ខណៈមកដល់ចំណុចកើតហេតុ ស្រាប់តែជ្រុលល្បឿន បុកចំពីមុខ របាំងថ្មពេញ ទំហឹង បណ្តាលឲ្យ របាំងថ្មចែកទ្រូងផ្លូវ ចំនួន៨ដុំត្រូវរងការខូចខាត ចំណែករថយន្តត្រូវរងការខូចខាតផ្នែកខាងមុខយ៉ាងដំណំផ្នែកខាងមុខ។ភ្លាមៗនោះ សមត្ថកិច្ចមូលដ្ឋានបានចុះធ្វើការអន្តរគមន៍វាស់វែង ស្ទូចយករថយន្តបង្កខាងលើ ទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ រង់ចាំដោះស្រាយតាមផ្លូវច្បាប់ ៕
