ខេត្តសៀមរាប៖ កម្លាំង អាវុធហត្ថ ខេត្តសៀមរាប នៅព្រឹក ថ្ងៃសៅរ៍ នេះបាន បង្ហាញមុខ ជនសង្ស័យ បួននាក់ ពាក់ព័ន្ទ ជួញដូរគ្រឿងញៀន។ប្រតិបត្តការ បង្ក្រាបធ្វើឡើង២ ចំនុច ផ្សេងគ្នាក្នុង ថ្ងៃតែមួយ កាលពីវេលា ម៉ោង១៧និង ៣០នាទីថ្ងៃទី១៦ខែមករាឆ្នាំ២០១៥ ខណៈពួកគេ កំពុងចែកចាយ នៅតាម ដងផ្លូវ សាធារណៈ ក្នុងភូមិវាល និងភូមិ ត្រពាំងសេះ សង្កាត់គោកចក ក្រុងសៀមរាប ។
មន្ត្រី ប្រឆាំង គ្រឿងញៀន កងរាជអាវុធហត្ថ ខេត្ត បានឲ្យដឹង ថា ជនសង្ស័យ ប្រុសស្រីចំនួន៤នាក់ ទី១ ឈ្មោះ លី ស៊ីឡា ភេទស្រី អាយុ១៨ឆ្នាំមុខរបរមិន ពិតប្រាកដ បច្ចុប្បន្នស្នាក់នៅភូមិទ្រាំង សង្កាត់ស្លក្រាម ក្រុងសៀមរាប (ជួញដូរ) ទី២/ឈ្មោះ ស៊ិញ ស្រីពេជ្រ ភេទស្រី អាយុ១៩ឆ្នាំ មុខរបរ មិនពិតប្រាកដ (ជួញដូរ) មាន ស្រុកកំណើត សង្កាត់ទឹកល្អក់៣ ខ័ណ្ឌទួលគោក
រាជធានីភ្នំពេញ ទី៣/ឈ្មោះ សឹង្ហ ពេជ្រ ភេទស្រីអាយុ១៩ឆ្នាំ មុខរបរមិនពិតប្រាកដ (ជួញដូរ)ស្នាក់នៅ ភូមិក្រសាំង រលីង សង្កាត់សៀមរាប ក្រុងសៀមរាបនិងទី៤/ឈ្មោះ ឃន សុខ ភេទប្រុស អាយុ២២ឆ្នាំ មុខរបរជាង ពិដាន(ជួញដូរ) ទីលំនៅ បច្ចុប្បន្នភូមិគោកឬស្សី ឃុំកែវពណ៌ ស្រុកពួក ខេត្តសៀមរាប។
មន្ត្រីអាវុធហត្ថ បន្ថែមថា ក្រោយពេលចាប់ខ្លួន សមត្ថកិច្ច បានធ្វើការ ឆែកឆេរ រកឃើញគ្រឿងញៀន និងធ្វើការដកហូត បានៈម្សៅគ្រើម ពណ៌សថ្លា ចំនួន២កញ្ចប់ ទម្ងន់២,៨០ក្រាមនិង ទូរស័ព្ទដៃ ចំនួន៣គ្រឿង និងម៉ូតូ៣គ្រឿង។
បច្ចុប្បន្ន ជនសង្ស័យនិង វត្ថុតាង ត្រូវបាន បញ្ជូន ទៅតុលាការ នៅថ្ងៃទី១៧ ខែមករាឆ្នាំ២០១ ដើម្បីផ្តន្ទា ទោសតាមផ្លូវច្បាប់៕
