កំពង់ឆ្នាំង៖បុរសម្នាក់បានស្លាប់បន្ទាប់ពីបញ្ជូនមកដល់មន្ទីរពេទ្យនិងមនុស្ស៥នាក់ទៀតរង របួសធ្ងន់និងស្រាលក្នុងហេតុការណ៏គ្រោះថ្នាក់ចរាចរណ៏២ករណីផ្សេងគ្នាក្នុងយប់តែមួយ។ដែលហេតុការណ៏ទី១កើតឡើងនៅវេលាម៉ោង៨និង៣០នាទីយប់ ថ្ងៃទី១៦ ខែមករា ឆ្នាំ ២០ ១៥ នៅលើផ្លូវលំស្ថិត ក្នុងភូមិអូរ ឃុំពន្លៃ ស្រុកបរិបូរណ៏។
ករណីម៉ូតូ ជីះបុកកង់បណ្តាល អោយអ្នកបើកម៉ូតូឈ្មោះ ស៊ុយ សុខុម ភេទប្រុស អាយុ ៣៣ឆ្នាំ មានទីលំនៅក្នុងភូមិអូរ ឃុំ ពន្លៃ ស្រុកបរិបូរណ៏ បានស្លាប់ពេលបញ្ជូនមកដល់មន្ទីរពេទ្យបង្អែកស្រុកបរិបូរណ៏ ចំណែក អ្នកជិះកង់ឈ្មោះ សៀន សរ ភេទប្រុស អាយុ៦៨ឆ្នាំ មានទីលំនៅក្នុងភូមិឃុំជាមួយគ្នារង របួសស្រាល។
ដោយឡែកករណីទី២ កើតឡើងនៅវេលាម៉ោង ៧និង១០នាទី យប់ ថ្ងៃទី១៦ ខែឆ្នាំ ដដែលនៅតាមបណ្តោយផ្លូវជាតិលេខ៥៣ ត្រង់ចំណុចមុខវត្តអណ្តូងរវៀងស្ថិតក្នុងភូមិ អណ្តូងរវៀង ឃុំអញ្ចាញរូងស្រុកបរិបូរណ៏។
កើតឡើងដោយសាររថយន្តទំនើប១គ្រឿង បើក បុករះម៉ូតូ២គ្រឿងបណ្តាលអោយបុរសអ្នកលក់ការ៉ែមម្នាក់ ឈ្មោះ សៀម ថុល អាយុ៣៣ឆ្នាំ មានទីលំនៅក្នុងភូមិព្រែកតាមេស ឃុំព្រែកស្ពឺ ស្រុកកោះធំ ខេត្តកណ្តាល មកស្នាក់នៅផ្ទះ បងប្អូន ក្នុងភូមិផ្សារ ស្រុកបរិបូរណ៏ ដើម្បីដើរលក់ការ៉ែម របួសធ្ងន់។បុរស៣នាក់ទៀតរង របូសស្រាល ក្នុងហេតុការណ៏នេះរថយន្តបង្កបានបើកគេចបាត់ទាំង យប់ផងដែរ។
ជុំវិញករណីទាំងអស់ខាងលើនេះសមត្ថកិច្ចមូលដ្ឋានបានអោយដឹងថា៖គឺបណ្តាលមកពីបើកបរនៅពេលយប់ ហើយខ្វះការប្រុងប្រយត្ន័ ។ចំណែករថយន្តដែលបង្កសមត្ថកិច្ចកំពុង តែធ្វើការស្រាវជ្រាវដើម្បីនាំ អោយមកទទួលខុសត្រូវចំពោះមុខច្បាប់ហើយ៕
