ពលរដ្ឋអ៊ិស្លាមនៅជុំវិញពិភពលោក កាលពីថ្ងៃទី១៦មករា បាននាំគ្នាដង្ហែក្បួន បាតុកម្មសារជាថ្មីប្រឆាំងទៅនឹងកាសែត ត្លុកបារាំង Charlie Hebdo ដែលផ្សព្វ ផ្សាយរូបត្លុកកំប្លែងពីព្រះអាទិទេពរបស់ ពួកគេ មានលក្ខណៈប្រមាថមាក់ងាយ ដល់សាសនាអ៊ិស្លាម ។ បាតុកម្មប្រឆាំង ប្រែក្លាយទៅជាអំពើហិង្សាបង្ហូឈាមគ្នា នៅក្នុងប្រទេសណៃជើ និងប៉ាគីស្ថាន ។
ការធ្វើបាតុកម្មនៅទីក្រុង Zinder ទីក្រុងធំទី២របស់ប្រទេសណៃជើប្រែក្លាយ ជាអំពើហិង្សាបណ្ដាលឱ្យមនុស្ស៤នាក់ ស្លាប់ និង៤៥នាក់រងរបួស ។ បាតុករខឹង សម្បាបានវាយបំផ្លាញព្រះវិហារកាតូលិក និងឡោមព័ទ្ធដុតមជ្ឈមណ្ឌលវប្បធម៌ បារាំង ។
គ្រូពេទ្យនៅក្នុងមន្ទីរពេទ្យមួយ នៃប្រទេសណៃជើបានបញ្ជាក់ថា អ្នក ស្លាប់ទាំង៤នាក់ និងអ្នករងរបួស៣នាក់ ទៀត សុទ្ធសឹងតែត្រូវគ្រាប់កាំភ្លើង ។ រដ្ឋាភិបាលណៃជើបានហៅថ្ងៃសុក្រកន្លង មក ជាថ្ងៃខ្មៅងងឹតសម្រាប់ប្រទេសជាតិ។
ក្រៅពីប្រទេសណៃជើនៅទីក្រុងការាជី ប្រទេសប៉ាគីស្ថាន ក៏មានបាតុករ៣នាក់ រងរបួសនៅពេលប៉ះទង្គិចគ្នាជាមួយ កម្លាំងប៉ូលិសនៅមុខស្ថានទូតបារាំង ។ អ្នកសារព័ត៌មានរូបភាពរបស់បណ្ដាញ ព័ត៌មានបារាំង AFP ម្នាក់ក៏រងការបាញ់ ពីខាងក្រោយបណ្ដាលឱ្យរងរបួសជាទម្ងន់ ផងដែរ ។
បាតុកម្មហិង្សាក៏បានធ្វើឡើងនៅ Dakar និង Mauritania ពេលដែលក្រុម បាតុករដុតបំផ្លាញទង់ជាតិបារាំង ។ ក្នុង ពេលជាមួយគ្នានោះដែរ នៅប្រទេស ការតា និងបារ៉ែន ក្រុមបាតុករក៏បាន ព្រមានថារូបត្លុករបស់បណ្ដាញព័ត៌មាន Charlie Hebdo ដែលបានផ្សព្វផ្សាយកាល ពីថ្ងៃទី១៤មករា គឺជាការដុតបញ្ឆេះកំហឹង របស់ពលរដ្ឋអ៊ិស្លាមនៅជុំវិញពិភពលោក ឱ្យមានគំនំគុំគួនកាន់តែខ្លាំងឡើង ។ នៅ ក្នុងប្រទេសម៉ាលីវិញ ក្រោយពិធីបន់ ស្រន់នៅថ្ងៃសុក្រ សាសនិកអ៊ិស្លាមរាប់ ពាន់នាក់ បានធ្វើបាតុកម្មដោយស្រែក ហោកញ្ច្រៀវពាក្យស្លោកថា មិនត្រូវប៉ះ ពាល់ជាដាច់ខាតដល់ព្រះអាទិទេព ។ “ខ្ញុំ ជាសាសនិកអ៊ិស្លាម ខ្ញុំគោរពស្រឡាញ់ ព្រះរបស់ខ្ញុំ អ្នកណាហ៊ានប្រមាថនឹងត្រូវ ទទួលទោស ។
ដោយឡែកនៅទីក្រុងអាមេន ប្រទេស ហ្សកដង់ បាតុករប្រមាណ៣ពាន់នាក់ក៏ បានដង្ហែក្បួនបាតុកម្ម ដោយលើកស្លាក បដាធំៗថា “ការប៉ះពាល់ដល់ព្រះអាទិទេព គឺធ្វើឱ្យមានភេរវកម្មនៅលើពិភព លោក”។ ចំណែកនៅប្រទេសអាល់ហ្សេរី ក្រុមបាតុករក៏បានលើកស្លាកបដាធំៗថា “យើងទាំងអស់គ្នាជាព្រះមូហាម៉េដ ការ ប៉ះពាល់ដល់ព្រះមូហាម៉េដ គឺប៉ះពាល់ ដល់សាសនិកអ៊ិស្លាមទាំងអស់ ”។
សកម្មភាពរបស់សារព័ត៌មានបារាំង Charlie Hebdo កំពុងតែជំរុញឱ្យមាន សង្គ្រាមរវាងសាសនាអ៊ិស្លាមនឹងសាសនា កាតូលិក ក្នុងពេលដែលពលរដ្ឋអ៊ិស្លាម មិនអនុញ្ញាតឱ្យសាសនិកកាតូលិក ប្រមាថមាក់ងាយសាសនារបស់ខ្លួននោះ ឡើយ ។
កាសែតបារាំងមានសកម្មភាពប្រឆាំង ទៅនឹងក្រុមភេរវករអ៊ិស្លាមជ្រុលនិយម ប៉ុន្ដែទង្វេ*ីរបស់ខ្លួនបានប៉ះពាល់ដល់ សាសនិកអ៊ិស្លាមស្លូតត្រង់ដទៃទៀតដែល ពួកគាត់មិនអាចស៊ូទ្រាំមើលឃើញព្រះ របស់ខ្លួនជាបុគ្គលដែលលើកដាក់លើ ហឹងគោរពបូជារាល់ថ្ងៃ ទទួលរងការ ប្រមាណបែបនេះ។ មិនថាឡើយសាសនា អ៊ិស្លាម ប្រសិនបើព្រះសាសនាដទៃរង ការប្រមាថមាក់ងាយនោះ ប្រាកដជា មានផ្ទុះកំហឹងបែបនេះដូចគ្នា 9
