កំពង់ធំ= កាលពីព្រឹកថ្ងៃទី១៨ ខែមករា ឆ្នាំ២០១៥ សាលាក្រុងបានរៀបចំពិធីពលកម្មបោសសំអាតក្រុងស្ទឹងសែនខេត្តកំពង់ធំ ដោយមានការចូលរួមពីកងកំលាំងសមត្ថកិច្ចទាំង៣ប្រភេទ មានកំលាំងសមត្ថកិច្ចនគរបាលក្រុង ,កំលាំងសមត្ថកិច្ចកងរាជអាវុធហត្ថក្រុង,កំលាំង
សមត្ថកិច្ចតំបន់សឹករងក្រុង សរុបចំនួន៤៥នាក់។
កងកំលាំងសមត្ថកិច្ចទាំង៣ប្រភេទបានចូលរួមបាសសំអាតក្រុងស្ទឹងសែននៅជុំវិញបរិវេណរូបដំរីជាន់ខ្លា តាមដងផ្លូវទីសាធារណះក្នុងក្រុងនិងតាមច្រកផ្លូវនីមួយៗ ជុំវិញក្រុងដើម្បីសំអាតបរិស្ថានអោយបានស្អាត បំបាត់ចោលនូវកាកសំណល់រឹង ប្រមូលដុតកំទេចកំទីសំរាមដែលនៅពាសពេញតាមដងផ្លូវ ទីប្រជុំជន អោយបានស្អាតល្អ មានអនាម័យដើម្បីធ្វើអោយទិដ្ឋភាពក្នុងក្រុងស្ទឹងសែនពោរពេញតៅដោយបរិយាកាសល្អ អនាម័យខ្ពស់ និងជាគំរូដល់ប្រជាពលរដ្ន ទូទៅក្នុងក្រុងស្ទឹងសែនក៏ដូចប្រជាពលរដ្នក្នុងខេត្តកំពង់ធំទាំងមូលចូលរួមសំអាតទាំងអស់គ្នា ទាំងអនាម័យ បរិស្ថានស្អាត ដើម្បីទទួលបាននូវផាសសុខភាពល្អ កំលាំងមាំមួនជៀសផុតពីជំងឺដង្កាត់ផ្សេងៗ ។
លោក ញែម ឈុន លី អធិការក្រុងស្ទឹងសែនបានមានប្រសាសន៍ថា ការធ្វើពលកម្មសំអាតបរិស្ថានក្រុងនេះមិនត្រឹមតែធ្វើអោយបរិស្ថានស្អាតប៉ុណ្ណោះទេថែមទាំងធ្វើអោយបរិយាកាសល្អមានអនាម័យ ហើយការចុះធ្វើពលកម្មនេះដឹកនាំដោយគណះកម្មការឯកភាពក្រុង ដែលតំរូវអោយធ្វើក្នុង១ខែម្ដង ។
លោក ហុក រិន អភិបាលបាលក្រុងស្ទឹងសែនបានមានប្រសាសន៍ថា ការចូលរួមសំអាតបរិស្ថានក្រុងនេះគឺយើង អនុវត្តន៍នូវផែនការរបស់ក្រុង ក្នុងរយះពេល១ខែម្ដង គឺសាលាក្រុងបានចាត់តាំងការចូលរួមធ្វើពលកម្មសំអាតបរិស្ថាននិងអនាម៍យក្នុងក្រុងស្ទឹងសែនដែលមានការចូលរួមពីកងកំលាំងប្រដាបអាវុធទាំង៣ប្រភេទ មានកំលាំងកងរាជអាវុធហត្ថ កំលាំងយោធា កំលាំងនគរបាល ដើម្បីឆ្លើយតបទៅនិងទីក្រុងស្អាត រមណីយដ្ឋានល្អ។ ប៊ុនរិទ្ធី
