តម្លៃប្រេងឆៅ នៅក្នុងប្រទេស វេណេស៊ុយអេឡា បានបន្តធ្លាក់ចុះ យ៉ាងគំហុក ដដែល ឈានចូលដល់ពាក់ កណ្តាលខែមករា ឆ្នាំ ២០១៥ ដែលមិនធ្លាប់មានក្នុងរយៈពេល ៥ ឆ្នាំ គឺតម្លៃដ៏ទៀប ៣៩,១៩ ដុល្លារក្នុងមួយបារ៉ែល ប្រៀបធៀបនឹងតម្លៃ ៤២,៤៤ ដុល្លារ កាលពីរយៈពេល មួយសប្តាហ៍មុន។
ទីភ្នាក់ងារព័ត៌មានចិនស៊ិនហួ ដកស្រង់សេចក្តីប្រកាស ពីក្រសួងប្រេង របស់វេណេស៊ុយអេឡា នៅថ្ងៃសៅរ៍ ទី១៧ ខែមករា ឆ្នាំ២០១៥ នេះទៀតថា ការធ្លាក់ចុះនៃតម្លៃប្រេង បានបង្ក ឲ្យសេដ្ឋកិច្ចប្រទេស អាម៉េរិកឡាទីនមួយនេះ ខាតបង់ជាខ្លាំង។ តម្លៃប្រេងធ្លាក់ចុះក្នុងមួយ ដុល្លារៗ វាស្មើនឹងការខាតបង់ប្រាក់ ចំណូលក្នុងតម្លៃ ៧០០ លានដុល្លារសហរដ្ឋអាមេរិក។
បើគិតពីខែមិថុនា ឆ្នាំ ២០១៤ រហូតមកដល់ពេលនេះ តម្លៃប្រេងរបស់ វេណេស៊ុយអេឡា បានធ្លាក់ចុះប្រមាណជាង ៦០ភាគរយហើយ។ នៅសប្តាហ៍នេះ លោកប្រធានាធិបតី នីកូឡាស ម៉ាឌួរ៉ូ បានធ្វើដំណើរទស្សនកិច្ច ទៅកាន់ប្រទេសរុស្ស៊ី ដើម្បីជួបពិភាក្សា ជាមួយសម្ព័ន្ធមិត្តមួយ នេះ និងសមាជិក ៥ទៀតនៃអង្គការ OPEC ក្នុងការជួយស្តារ តម្លៃប្រេងឲ្យប្រសើរឡើងវិញ។
គួរបញ្ជាក់ថា សមាជិក OPEC ដូចជា វេណេស៊ុយអេឡា រុស្ស៊ី និង អ៊ីរ៉ង់ កន្លងមកបាន គាំទ្រ ចំពោះការកំណត់ ចំនួនផលិតប្រេង ប៉ុន្តែបណ្តាប្រទេស នៅឈូងសមុទ្រ បានជំទាស់ ដំណោះ ស្រាយដែលបានលើកឡើង ដោយនៅតែបន្ត សង្វាក់ផលិតកម្ម ក្នុងចំនួនដូចរាល់ដង ទើបធ្វើ ឲ្យតម្លៃប្រេងចុះថោក ដោយសារតែបរិមាណ ផ្គត់ផ្គង់កើនឡើង ។ បណ្តាប្រទេសឈូងសមុទ្រ ជាសម្ព័ន្ធមិត្ត របស់អាមេរិក និង អឺរ៉ុប ដែលកំពុងដាក់ ទណ្ឌកម្មលើរុស្ស៊ី ៕
