ភ្នំពេញ៖ ជនសង្ស័យម្នាក់បានធ្វើសកម្មភាព ឆបោកយកម៉ូតូ ពីអ្នកស្គាល់គ្នាបាន១គ្រឿង ហើយបានជិះយកទៅលក់បាត់ និងបានគេចខ្លួនបាត់អស់រយៈពេល ១១ថ្ងៃត្រូវបាន ម្ចាស់ម៉ូតូប្រទះឃើញ ធ្វើការឃាត់ខ្លួន ប្រគល់ឲ្យសមត្ថកិច្ច ចាត់ការ កាលពីវេលាម៉ោង ៤និង៤០នាទីល្ងាចថ្ងៃទី១៨ ខែមករា ឆ្នាំ២០១៥ នៅក្នុងផ្ទះជួល ស្ថិតក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ។
ជនសង្ស័យដែលត្រូវចាប់ខ្លួននោះ
នឈ្មោះថា សៀង ធី ហៅ រុំ អាយុ៣០ឆ្នាំ ស្នាក់នៅផ្ទះជួលនៅក្នុង ភូមិខាងលើ។ជននេះបានធ្វើសកម្មភាព បោកយកម៉ូតូ១គ្រឿង ម៉ាកហុងដាឌ្រីមសេ១២៥ ស៊េរីឆ្នាំ ២០១៤ ពណ៌ខ្មៅពាក់ស្លាកលេខ ភ្នំពេញ1CA-7909 ដែលជាកម្មសិទ្ធិ របស់បបុរស ម្នាក់ឈ្មោះ គឿន ព្រែក ហៅ ធី អាយុ២៧ឆ្នាំ ស្នាក់នៅផ្ទះជួល ក្នុងភូមិត្រពាំងពោធិ៍ សង្កាត់ ចោមចៅ ខណ្ឌពោធិ៍សែនជ័យ ។
តាមប្រភពព័ត៌មានបានឲ្យដឹងថា ហេតុការណ៌នោះ បានកើតឡើងកាលពីថ្ងៃទី០៧ ខែមករា ដោយពេលនោះ រវាងជនសង្ស័យនិងជនរងគ្រោះបានផឹកស៊ី ជាមួយគ្នាលុះអស់ សាច់ក្លែម ជនសង្ស័យបាន ខ្ចីម៉ូតូជនរងគ្រោះជិះ ទៅទិញសាច់ក្លែម ហើយក៍បានជិះយក ទៅបាត់រហូត។បន្ទាប់ពីដឹងថា ចាញ់បោកជនសង្ស័យនោះហើយ ជនរងគ្រោះបានតាមរកគ្រប់ទីកន្លែង ហើយក៍ប្រទះឃើញជនសង្ស័យ កំពុងស្នាក់នៅផ្ទះជួល ក៍បានឃាត់ខ្លួនប្រគល់ឲ្យទៅសមត្ថកិច្ចដើម្បីចាត់ការទៅតាមផ្លូវច្បាប់តែម្ដង៕
