យុវជន២នាក់បានជិះម៉ូតូធនធំក្នុងល្បឿនយ៉ាងលឿន ក៏ជ្រុលទៅបុកជាមួយនឹងម៉ូតូសងកូរ៉េមួយគ្រឿង ទៀតដែលប្តីប្រពន្ឋ២នាក់កំពុងជិះឌុបគ្នាឆ្លងផ្លូវពេញទំហឹង បណ្តាលឱ្យបុរសជាប្តីរងរបួសធ្ងន់ត្រូវបានរថយន្ត សាមុយដឹកយកទៅសង្គ្រោះនៅមន្ទីរពេទ្យភ្លាម និង៣នាក់ទៀតរបួសស្រាល ចំណែកម៉ូតូទាំង២គ្រឿងរងការខូច ខាតទាំងសងខាង ។ ដែលហេតុការណ៍ខាងលើនេះបានកើតឡើងកាលពីវេលាម៉ោង៩នឹង១៥នាទីយប់ថ្ងៃទី១៧ ខែមករា ឆ្នាំ២០១៥ នៅតាមបណ្តោយផ្លូវលេខ២៧៣ កែងនឹងផ្លូវលេខ១០៥ ស្ថិតក្នុងសង្កាត់ទួលសង្កែ ខណ្ឌឬស្សីកែវ ។
ប្រភពពត៌មានពីសាក្សីដែលបានឃើញហេតុការណ៍គ្រោះថ្នាក់ចរាចរណ៍ខាងលើនេះបានឱ្យដឹងថា នៅមុនពេលកើតហេតុគេបានឃើញយុវជន២នាក់ជិះម៉ូតូធនធំមួយគ្រឿងពណ៍ស ម៉ាកPULSA ពាក់ស្លាកលេខ ភ្នំពេញ1CG-2261 ធ្វើដំណើរតាមបណ្តោយផ្លូវលេខ២៧៣ ជិះម៉ូតូគ្នាទិសដៅពីកើតទៅលិចក្នុងល្បឿនយ៉ាងលឿនវ៉ាជាមួយរថយន្តមួយគ្រឿង ខណះមកដល់ចំណុចកើតហេតុស្រាប់តែជ្រុលទៅបុកជាមួយម៉ូតូសងកូរ៉េ ពណ៍ក្រហមមួយគ្រឿង ពាក់ស្លាកលេខភ្នំពេញ1AW-5694 ជិះដោយប្តីប្រពន្ឋ២នាក់កំពុងឌុបគ្នាឆ្លងថ្នល់បំណង ចុះទៅផ្លូវលេខ១០៥ បានតែពាក់កណ្តាលផ្លូវពេញទំហឹង បណ្តាលឱ្យបុរសជាប្តីរងរបួសធ្ងន់ធ្ងរត្រូវបានរថយន្ សាមុយដឹកយកទៅសង្គ្រោះនៅមន្ទីរពេទ្យភ្លាម និង៣នាក់ទៀតរបួសស្រាល ចំណែកម៉ូតូត្រូវរងការខូចខាតទាំងសងខាង ។
ក្រោយកើតហេតុសមត្ថកិច្ចមូលដ្ឋានបានចុះមកអន្តរាគមន៍ភ្លាមៗដល់កន្លែងកើតហេតុ និងបានសហការ ជាមួយជំនាញធ្វើការវាស់វែង យកម៉ូតូទាំង២គ្រឿងទៅរក្សាទុកនៅអធិការដ្ឋាននគរបាលខណ្ឌឬស្សីកែវ រង់ចាំដោះស្រាយនាពេលក្រោយ ៕
