ផ្ទះសង់អំពីឈើប្រក់ស័ង្គមានប្រវែង៦ម និងទទឹង៤ម មួយខ្នងបានឆ្លងចរន្តអគ្គីសនីរហូតបង្កជាអណ្តាតភ្លើងយ៉ាងខ្លាំង បណ្តាលឱ្យឆេះម៉ត់គ្មានសល់ ខូចខាតសំភារះមួយចំនួននៅក្នុងផ្ទះ ប៉ុន្តែម្ចាស់ផ្ទះមិនមានគ្រោះថ្នាក់នោះទេ ព្រោះត្រូវបានអ្នក ជិតខាងជួយសង្គ្រោះ
ទាន់ពេលវេលា និងជួយពន្លត់មិនឱ្យរាលដាលដល់ផ្ទះអ្នកដទៃ ។ ហេតុការណ៍ដ៏គួរឱ្យភ្ញាក់ ផ្អើលខាងលើបានកើតឡើងកាលពីពីវេលាម៉ោង៧នឹង៥នាទីយប់ថ្ងៃទី១៧ ខែមករា ឆ្នាំ២០១៥ តាមផ្លូវបេតុងមួយកន្លែង ស្ថិតក្នុងភូមិឬស្សីស្រស់ សង្កាត់និរោធ ខណ្ឌច្បារអំពៅ ។
តាមសម្តីរៀបរាប់ពីម្ចាស់ផ្ទះម្នាក់ ឈ្មោះហម កក្កដា ភេទប្រុស អាយុ៣៣ឆ្នាំ មានមុខរបរជាជាងសំណង់ មានស្រុកកំណើតកន្លែងកើតហេតុខាងលើបានឱ្យដឹងថា នៅមុនពេលកើតហេតុគាត់បានត្រឡប់មកពីធ្វើការសំណង់វិញដូចសព្វមួយដង ខណះដែលមកដល់ផ្ទះសម្រាកបានមួយស្របក់ ស្រាប់តែខ្សែភ្លើងនៅក្នុងផ្ទះរបស់គាត់ឆ្លងចរន្តអគ្គិសនីបង្កជាអណ្តាតភ្លើង ប៉ុន្តែដោយមានការភ័យស្លន់ស្លោពេកនោះ រូបគាត់មិនធ្វើយ៉ាងដូចម្តេច ក៏ស្រឡាំងកាំងបានស្រែកឱ្យអ្នកជិតខាងជួយ ។
ភ្លាមៗនោះអណ្តាតភ្លើងកាន់តែឆេះយ៉ាងសន្ឋោសន្ឋៅ ហើយប្រជាពលរដ្ឋបានផ្អើលឆោរឡោចូលមកជួយពន្លត់យ៉ាំងប្រញាប់ប្រញាល ប៉ុន្តែដោយសារតែគ្មានទឹកសម្រាប់បាញ់គ្រប់គ្រាន់នោះគឺបានត្រឹមតែទប់ស្កាត់មិនឱ្យរាលដាលដល់ផ្ទះអ្នកជិតខាងតែប៉ុណ្ណោះចំណែកផ្ទះមួយខ្នងនេះត្រូវបានអគ្គិភ័យលេបត្របាក់ខ្ទេចម៉ត់ទាំងស្រុងត្រឹមតែមួយរយះពេលតែ៣០នាទី ហើយបុរសខាងលើមិនមានគ្រោះថ្នាក់អ្វីនោះទេ ព្រោះត្រូវបានអ្នកជិតខាងជួយសង្គ្រោះទាន់ពេលវេលា ។
អគ្គិភ័យខាងលើនេះមិនបានប្រើប្រាស់រថយន្តពន្លត់អគ្គិភ័យនោះទេ ដោយសារគ្រាន់តែរថយន្តរថយន្តពន្លត់អគ្គិភ័យទៅដល់អណ្តាតភ្លើងបានឆាប់ ឆេះផ្ទះមួយខ្នងនេះ ខ្ទេចអស់បាត់ទៅហើយ ។ ចំពោះទ្រព្យសម្បត្តិមានតំលៃសមត្ថកិច្ចនៅមិនទាន់អាចបញ្ជាក់ បានថាមានទំហំប៉ុន្មាននៅឡើយទេ ប៉ុន្តែគ្រាន់តែដឹងថាឆាប់ឆេះសំភារះ និងរបស់ប្រើប្រាស់មួយចំនួនតូចតែប៉ុណ្ណោះ ៕
