ចំនួនការបោះពុម្ពផ្សាយរបស់បណ្ដាញ ព័ត៌មាន Charlie Herbdo កើនឡើងដល់ ទៅ៧លានច្បាប់ គឺជាចំនួនខ្ពស់បំផុត មិនធ្លាប់មាន ក្នុងពេលដែលក្រុមអ៊ិស្លាម នៅជុំវិញ ពិភពលោកបង្កើនការធ្វើ បាតុកម្មក្លាយទៅជាហិង្សាបណ្ដាលឱ្យ មានអ្នកស្លាប់ដល់ទៅជាង១០នាក់ ។
គិតមកដល់ថ្ងៃទី១៨មករា មានបាតុ ករ៥នាក់ស្លាប់នៅក្នុងប្រទេសណៃជើ ក្នុងការប្រឆាំងទៅនឹងរូបត្លុកប្រមាថ មាក់ងាយដល់ព្រះរបស់ខ្លួន។ ជាមួយនឹង ការស្លាប់ថ្មីនេះ ធ្វើឱ្យចំនួនអ្នកស្លាប់ កើនឡើងដល់ទៅជាង១០នាក់ ។
នៅ ពេលនេះ ទីតាំងនានារបស់បារាំងនៅ ក្នុងប្រទេសដែលមានចំនួនអ្នកកាន់ សាសនាអ៊ិស្លាមច្រើនកំពុងក្លាយទៅជា គោលដៅវាយប្រហាររបស់ក្រុមបាតុករ ខឹងសម្បា ។
ស្ថានភាពកាន់តែគ្រោះថ្នាក់ថែមទៀត អាចជំរុញឆ្ពោះទៅមាត់រណ្ដៅសង្គ្រាមសាសនានៅលើពិភពលោក ខណៈដែល ព័ត៌មានត្លុកបារាំងបង្កើនការផ្សព្វផ្សាយ បង្កើនរូបត្លុកប្រមាថមាក់ងាយធ្វើឱ្យអ្នក កាន់សាសនាអ៊ិស្លាមមិនអាចទប់កំហឹង របស់ខ្លួនបាន ខណៈដែលព្រះដែលខ្លួន គោរពបូជាទទួលរងការប្រមាថបែបនេះ ។
ក្រុមបាតុករបានស្រែកហ៊ោកញ្ច្រៀវ ពាក្យស្លោកថា អ្នកដែលគាំទ្រ Charlie Herbdo នឹងធ្លាក់ទៅឋាននរក ។
ក្រុមបាតុករអ៊ិស្លាមខឹងសម្បាបាន ដុតបំផ្លាញព្រះវិហារសាសនាគ្រឹះ៨កន្លែង នៅជុំវិញ ពិភពលោក ហើយប្រទេស ដែលមានច្រើនជាងគេនោះ គឺណៃជើ ។ រដ្ឋមន្ដ្រីការបរទេសបារាំង បានស្នើដល់ ពលរដ្ឋរបស់ខ្លួនកាត់បន្ថយការធ្វើដំណើរ ទៅកាន់ប្រទេសអ៊ិស្លាមចៀសវាងហេតុការណ៍អាក្រក់កើតឡើង ។
ចំណែកប្រធា នាធិបតីណៃជើបានបញ្ជាក់ថា ការធ្វើ បាតុកម្មនាពេលនេះ គឺពិតជាមានសភាព គ្រោះថ្នាក់យ៉ាងខ្លាំង ហើយរដ្ឋាភិបាល ណៃជើនឹងខិតខំអស់ពីលទ្ធភាពទប់ទល់ អំពើហិង្សាកើតឡើងទ្រង់ទ្រាយធំជាងនេះ។ ប្រធានាធិបតីណៃជើលោក Mahanadou Lassoufou ប្រកាសថា លោកមិនគាំទ្រ ដល់សកម្មភាពរបស់សារព័ត៌មានបារាំង Charlie Herbdo ដែលបន្ដផ្សព្វផ្សាយរូប ត្លុកប្រមាថមាក់ងាយដល់ព្រះមហាម៉េដ។
ប្រទេសដែលធ្លាប់ស្ថិតនៅក្រោម អាណានិគមបារាំងក៏បានដង្ហែក្បួនបាតុកម្ម ប្រឆាំងទៅនឹងការផ្សព្វផ្សាយរបស់ កាសែតបារាំង ដែលមានលក្ខណមើល ងាយជំនឿសាសនា ដែលមានពលរដ្ឋ រាប់រយលាននាក់គោរពបូជា ។
អ្វីដែលគេកត់សម្គាល់នោះ បើទោះ បីមានបាតុកម្មប្រឆាំងកើតឡើងរហូត ដល់មានអ្នកស្លាប់ ប៉ុន្ដែកាសែត Charlie Herbdo មិនត្រឹមតែមិនផ្អាកការផ្សាយ ថែមទាំងបង្កើនចំនួនផ្សាយទៀតផង ធ្វើ ឱ្យអ្នកកាន់សាសនាអ៊ិស្លាមមិនអាចស៊ូទ្រាំ ទៅនឹងការប្រមាថមាក់ងាយដល់ព្រះ របស់ខ្លួនដែលគោរពបូជាថ្វាយបង្គំជារៀង រាល់ថ្ងៃនោះ ។ បើសារព័ត៌មានបារាំង នៅតែបន្ដផ្សាយបែបនេះ សង្គ្រាមសាសនា នៅលើពិភពលោកមិនអាចគេចផុតនោះ ឡើយក្នុងឆ្នាំ២០១៥នេះ 9
