បើទោះបីមានភ្លៀងខ្យល់ខ្លាំង ប៉ុន្ដែ ពលរដ្ឋហ្វីលីពីនប្រមាណ៦លាននាក់ស៊ូ ទ្រាំទាំងខ្លួនទទឹកជោកចូលរួមពិធិបុណ្យ ដែលធ្វើនៅទីវាលសាធារណៈដោយមាន ការចូលរួមពីសម្ដេចសង្ឃកាតូលិហ្វ្រង់ ស៊ីស នៅរដ្ឋធានីប្រទេសហ្វីលីពីន ។
សារព័ត៌មានដេលីម៉ែល កាលពីថ្ងៃ ទី១៨ បានផ្សព្វផ្សាយថា មានពលរដ្ឋ ប្រមាណ៦លាននាក់បានប្រមូលផ្ដុំគ្នា នៅរមណីយដ្ឋានរ៉ីសូល រដ្ឋធានីមានីល។
ចំនួនពលរដ្ឋចូលរួមលើកនេះមានច្រើន ជាប្រវត្ដិសាស្ដ្រមិនធ្លាប់មាន ។ កាលពី ឆ្នាំ១៩៩៥ ក៏មានពិធីបុណ្យដែលដឹកនាំ ដោយសម្ដេចសង្ឃប៉ាបផងដែរ តែមាន ពលរដ្ឋចូលរួមប្រមាណ៥លាននាក់ ប៉ុណ្ណោះ ។
មន្ដ្រីសន្ដិសុខហ្វីលីពីនបានប្រកាស ឱ្យដឹងថា កម្លាំងប៉ូលិសទាហានជាង៤ ម៉ឺននាក់បានដាក់ពង្រាយការពារសន្ដិ សុខដល់សម្ដេចសង្ឃប៉ាប ក៏ដូចជារក្សា សណ្ដាប់ធ្នាប់ក្នុងពិធីបុណ្យឱ្យប្រព្រឹត្ដទៅ ដោយរលូន ។ ការដាក់ពង្រាយកម្លាំង ការពារលើកនេះមានច្រើនបំផុតមិន ធ្លាប់មាន ។
បើទោះបីមានភ្លៀងខ្យល់ធ្លាក់ខ្លាំង ពលរដ្ឋហ្វីលីពីននៅតែឈរស្ដាប់ព្រះ បន្ទូលរបស់សម្ដេចសង្ឃហ្វ្រង់ស៊ីស ។ ក្មេងស្រីហ្វីលីពីន អាយុ១២ឆ្នាំម្នាក់បាន ធ្វើឱ្យសម្ដេចសង្ឃប៉ាបរន្ធត់ចិត្ដជាខ្លាំង នៅពេលដែលប្អូនស្រីយំបណ្ដើរ សួរ បណ្ដើរថា ហេតុអ្វីបានជាព្រះទុកឱ្យកុមារី ក្លាយជាស្រីពេស្យា? ។
នៅពេលនោះ សម្ដេចសង្ឃហ្វ្រង់ស៊ីស ក៏បានលុប ចោលសុន្ទរកថាជាភាសាអង់គ្លេស ដែលបានត្រៀមជារួចរាល់ ហើយបង្វែរ ទៅការអំពាវនាវឱ្យមានការការពារ ដល់កុមារជាអ្នកដែលរងគ្រោះបំផុតក្នុង សង្គម ជាពិសេសកុមារីដែលអាចក្លាយ ទៅជាទាសករផ្លូវភេទរបស់ក្រុមមនុស្ស ល្មោភកាម ។
ពិធីបុណ្យនៅទីក្រុងម៉ានីលជាការ បញ្ចប់ដំណើរទស្សនកិច្ចរបស់ព្រះសង្ឃ ហ្វ្រង់ស៊ីស ។ កាលពីថ្ងៃទី១៧ ខែមករា កន្លងមក ក៏មានពិធីបុណ្យធ្វើឡើងទាំង កណ្ដាលភ្លៀង ពេលនោះ សម្ដេចសង្ឃ ហ្វ្រង់ស៊ីសបានពាក់អាវភ្លៀង និយាយទៅ កាន់ប្រជាពលរដ្ឋនៅទីក្រុងតាក្លូបាន ជា ទីតាំងរងការបំផ្លិចបំផ្លាញខ្លាំងជាងគេ បំផុតដោយព្យុះសង្ឃរាហេយ៉ានកាលពី ឆ្នាំ២០១៣ 9
