ព្រះសីហនុ៖យ៉ាងហោចណាស់ក៏មានមនុស្សម្នាក់បានស្លាប់នៅក្នុងមន្ទីពេទ្យបង្អែកចំការចេក ក្នុងចំណោមជនរងគ្រោះចំនួន៣នាក់ ដែលបានជួបឧបដិហេតុគ្រោះថ្នាក់ចរាចរណ៏មួយបង្ករឡើងដោយម៉ូតូ និងម៉ូតូកាលពីវេលាម៉ោង ៥និង០០នាទីទៀបភ្លឺ តាមបណ្តោយផ្លូវជាតិលេខ៤ ត្រង់ចំនុចមុខមណ្ឌលសុខភាព កែវ ផុស ស្ថិតក្នុងភូមិថ្មរៀង ឃុំកែវផុស ស្រុកស្ទឹងហាវ ខេត្តព្រះសីហនុ។
យោងតាមប្រភពសមត្ថកិច្ចមូលដ្ឋានបានអះអាងថា នៅវេលាម៉ោងកើតហេតុខាងលើ នៅចំនុចមុខមណ្ឌលសុខភាពកែវផុសមានករណីគ្រោះថ្នាក់ចរាចរណ៏បានកើតឡើងរវាងម៉ូតូមួយគ្រឿងមិនស្គាល់ម៉ាក(ចាស់មានតែតួនិងម៉ាស៊ិន)បើកបរដោយឈ្មោះងួន សុធាភេទ ប្រុស អាយុ៣៧ឆ្នាំ ស្លាប់ក្នុងមន្ទីពេទ្យ មានទីលំនៅ ភូមិកែវផុស ឃុំកែវផុស ស្រុក ស្ទឹងហាវ
ខេត្តព្រះសីហនុ មានមុខរបរសន្តិសុខ កំពង់ផែរឧញ្ញាម៉ុងឬទ្ឋី និងម៉ូតូម៉ាកហុងដាសេ១២៥គ្មានស្លាកលេខ បើកបរដោយឈ្មោះ គុយ ឡោះ ភេទ ប្រុសអាយុ៤៦ឆ្នាំជាឪពុក រងរបួសធ្ងន់ រួមដំណើរជាមួយកូនឈ្មោះ ឡោះ ក៏ម៉ារុឌិន ភេទ ប្រុស អាយុ១៨ឆ្នាំ រងរបួសធ្ងន់ បាក់ជើងអ្នកទាំងពីរមានទីលំនៅ ឃុំបន្ទាយព្រៃ ស្រុកព្រៃនប់ខេត្តព្រះសីហនុ ។
សាក្សីនៅក្បែរកន្លែងកើតហេតុបាននិយាយថា នៅវេលាទៀតភ្លឺខណះពេលមនុស្សម្នាក់ចាប់ផ្តើមធ្វើតំណើរ ប្រកបរបររកស៊ី នៅចំនុចកើតហេតុខាងលើមានម៉ូតូ១គ្រឿងជិះម្នាក់ឯងបើកបរពីត្បូងទៅជើងក្នុងល្បឿនលឿនខណះពេលមកដល់ចំនុចកើតហេតុ ក៏មានម៉ូតូមួយគ្រឿងផ្សេងទៀតជិះគ្នា២នាក់បើកបរក្នុងទិសដៅពីជើងទៅត្បូង បានបុកគ្នាពេញទំហឹង បណ្តាលអោយភាគីទាំងសងខាងដេកដួលរណូករណែល រងរបួសធ្ងន់ដូចគ្នា តែអកុសលបុរសដែលបើកបរម្នាក់ឯងបានបាត់បង់ជិវិតនៅក្នុងមន្ទីពេទ្យ៕
