បន្ទាយមានជ័យ ៖ អុចធូបនៅថ្ងៃសិល ទុកចោលហើយចេញ ទៅជួយហែសព អ្នកជិតខាង គ្មានអ្នកនៅ ចាំផ្ទះបណ្ដាលឲ្យ ឆេះផ្ទះទាំងស្រុង តែសំណាងល្អ មិនរាលដាលដល់ផ្ទះអ្នកជិតខាង និងមិនបណ្តាលឲ្យ អ្នកណារងរបួស កាលវេលាម៉ោង៩និង២០នាទីព្រឹក ថ្ងៃទី១៩ ខែមករា ឆ្នាំ ២០១៥ ស្ថិតនៅភូមិអន្លង់មានទ្រព្យ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ។
លោក ស៊ី ឌី អធិការដ្ឋាន នគរបាលស្រុកមង្គលបូរី បានឲ្យដឹងថា ក្រោយមាន ហេតុខាងលើនេះ លោកក៏ រាយជូនលោកស្នងការខេត្ត អាត់ ខែម និងអន្តរាយគមន៍ រថយន្តពន្លត់អគ្គីភ័យ នៃស្នងការដ្ឋានខេត្ត ចំនួន២គ្រឿង ដើម្បីពន្លត់ លោកបានបញ្ជាក់ថា ទោះបីការមានអន្តរាគមន៍ យ៉ាងណាក៏ដោយ នៅផ្ទះ ខាងលើនេះ ឆេះទាំងស្រុង ដោយសារតែស្ថាភាពផ្លូវតូចចង្អៀត និងលំបាកការចូលរថយន្ត ។
លោកបានបន្តថា ករណីអគ្គីភ័យឆេះផ្ទះនេះ ប្តីឈ្មោះថេត យឺន ប្រុសអាយុ៧៤ ឆ្នាំ និងប្រពន្ធឈ្មោះស៊ឹង សូវ អាយុ៧១ ឆ្នាំគឺ មូលហេតុអុចធូប (ថ្ងៃសិល) ហើយចេញទៅជួយហែសព អ្នកជិតខាងគ្មាន អ្នកនៅចាំ ផ្ទះបណ្ដាលឲ្យឆេះផ្ទះតែម្តង ។
លោកបានបន្តថា ករណីខាងលើនេះ ផ្ទះទំហំ៨គុណ១០ម៉ែត្រ ( ៣ខ្នង២ល្វែង) ធ្វើពីឈើប្រក់ស័ង្កសី និង ខូចខាតទ្រព្យសម្បត្តិរួមមាន មាស៥តំឡឹង,លុយ២ពាន់ដុល្លារ ,លុយ ៦ម៉ឺនបាត ,លុយ១លានរៀល,ម៉ូតូ២ គ្រឿង (ស៊េរីឆ្នាំ២០១៥ មួយគ្រឿង និងសង់ស៊េរីចាស់១គ្រឿង),ទូរទស្សន៍២គ្រឿង និងសំភារះប្រើប្រាស់ ក្នុងផ្ទះឆេះអស់ទាំងស្រុង។
ក្នុងប្រតិបត្តិការ ជួយសង្គ្រោះមានរថយន្ត ជួយពន្លត់អគ្គីភ័យ របស់ស្នងការដ្ឋាន ២គ្រឿង និងរថយន្ត ដឹកទឹកធ្វើផ្លូវគយម៉ែង១ គ្រឿង កងកំលាំង នគរបាល,អាជ្ញាធរ ភូមិ.ឃុំ.ស្រុក រួមជាមួយពលរដ្ឋ ជាច្រើន នាក់ ផងដែរ ដោយប្រើរយះ ពេលអស់រយះជាងមួយម៉ោង ទើបពន្លត់ជាស្ថានពរ ៕
