ភ្នំពេញ ទីតាំងលួចផលិតកាហ្វេក្លែងក្លាយដ៏ធំមួយកន្លែងស្ថិតនៅក្នុងភូមិសាស្ត្រខណ្ឌសែនសុខត្រូវបានកម្លាំងនគរបាលនាយកដ្ឋានប្រឆាំងបទល្មើសសេដ្ឋកិច្ចឆ្មក់បង្ក្រាប
កាលពីព្រឹកថ្ងៃទី២០ខែមករាឆ្នាំ២០១៥។
ទីតាំងលួចផលិតកាហ្វេក្លែងក្លាយនេះ ស្ថិតនៅផ្លូវលំ ក្រុមទី៤ ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។
ប្រតិបត្តិការចុះបង្ក្រាបដឹកនាំដោយលោកឧត្តមសេនីយ៍ត្រីឡុងស្រេងអនុប្រធាននាយកដ្ឋានប្រឆាំងបទល្មើសសេដ្ឋកិច្ច
ក្រសួងមហាផ្ទៃដោយមានការសម្របសម្រួលពីលោកតុបឈុនឡុង ព្រះរាជអាជ្ញារងអមសាលាដំបូងរាជធានីភ្នំពេញកម្លាំងកាំកុងត្រូលរាជធានីភ្នំពេញ សហការជាមួយអាជ្ញាធរមូលដ្ឋាននគរបាលខណ្ឌសែនសុខ
ជាលទ្ធផលរកឃើញសារធាតុគីមីចំនួន១៧មុខនិងវត្ថុធាតុដើម រួមមាន សណ្តែងសៀង គ្រាប់ពោត អំបិល ស្ករស ស្ករត្នោត ខ្ទឹះដូង ព្រមទាំងវត្ថុធាតុដើម សរុបទង្ងន់ ៣៤,៩៤១តោន និងវត្ថុតាងមួយចំនួនទៀត ព្រមទាំងឃាត់មនុស្ស៤នាក់ក្នុងនោះមានថៅកែជនជាតិម្នាក់
ឈ្មោះស៊ាងដារ៉ាអាយុ៤២ឆ្នាំ។
លោកឧត្តមសេនីយ៍ត្រីឡុងស្រេងប្រាប់ឲ្យដឹងថានៅក្នុងរង្វង់កិច្ខចុះបង្ក្រាបទីតាំងលួចផលិតកាហ្វេ
ក្លែងក្លាយនេះបន្ទាប់ពីទទួលបានបទបញ្ជាផ្ទាល់ពីលោកឧត្តមសេនីយ៍ឯកជាសុមេធី អគ្គស្នងការរងនគរបាលជាតិ និងជាប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច ក្រសួងមហាផ្ទៃ ទើបការងារនេះទទួលបានជោគជ័យ។
សូមបញ្ញាក់ឲ្យដឹងថា នៅក្នុងដើមឆ្នាំ២០១៥នេះ គឺជាលើកទី១ហើយ ដែលសមត្ថកិច្ចឆ្មក់ចុះបង្ក្រាបទីតាំង
លួចផលិតកាហ្វេដ៏ធំនេះហើយក៏ជាសារមួយសម្រាប់ជូនដល់
អ្នកនិយមពិសារកាហ្វេគួរមានការប្រុងប្រយ័ត្នខ្ពស់ចៀសវាងប៉ះពាល់ដល់សុខភាព។
