កំពង់ឆ្នាំង៖រថយន្តតូយូតា១បាំងកន្លះមួយគ្រឿងបានបុកជាមួយរថយន្តយីឌុប លេចចេញដុំឈើដើម
ម្រះព្រៅភ្នំជាច្រើនដុំ ត្រូវបានសមត្ថកិច្ចនគរបាលស្រុកបរបូណ៌ចាប់អូសរថយន្តយកមករក្សាទុកក្នុងស្នងការដ្ឋាននគរបាលខេត្ត ដើម្បីកសាងសុំណុំរឿងតាមផ្លូវច្បាប់។ហេតុការណ៍នេះបានកើតឡើងនៅវេលាម៉ោង២និង ៣០នាទីរសៀលថ្ងៃទី១៩ខែមករា ឆ្នាំ២០១៥ លើជាតិលេខ៥ក្នុងភូមិថ្មីឃុំផ្សារស្រុកបរិបូណ៌ ។
លោកស្រីនាយការិយាល័យនគរបាលប្រឆាំងគ្រឿងញៀននៃស្នងការនគរបាលខេត្តបាននិយាយអោយដឹងនៅម៉ោង៧យប់ថ្ងៃដដែល នៅពេលសមត្ថកិច្ចអូសរថយន្តល្មើសខាងលើមកដល់ស្នងការដ្ឋាននគរ បាលខេត្តថា៖ ករណីគ្រោះថ្នាក់ចរាចរណ៏ដែលបានកើតឡើង រវាងរថយន្តដឹកបទល្មើសឈើម្រះ ព្រៅភ្នំនេះគឺបានដោះស្រាយចប់ហើយក្រោយពេលកើតហេតុ តែលោកស្រីមិនដឹងថា ខាងណាសងខាងណាប៉ុន្មានទេ។ដោយឡែកករណីដឹកឈើម្រះព្រៅភ្នំខុសច្បាប់ខាងលើនេះដែរ ត្រូវបានការិយាល័យប្រឆាំងគ្រឿងញៀនខេត្តជាអ្នកកសាងសំណុំរឿងបញ្ជូនទៅតុលាការខេត្ត។ 
លោកស្រីបានអោយដឹងទៀតថា៖រថយន្តល្មើសដឹកឈើដើមម្រះព្រៅភ្នំនេះពណ៌ ទឹកប្រាក់ ពាក់
ស្លាកលេខ កំពង់ចាម 2A- 0097 បើកបរដោយឈ្មោះ វ៉ា សេងហួត អាយុ២១ឆ្នាំ មានទីលំនៅ ភូមិដំណាក់
ធំ សង្កាត់ស្ទឹងមានជ័យ ខណ្ឌ័មានជ័យ រាជធានីភ្នំពេញ ចំណែកអ្នករួមដំណើរជាមួយ គឺជាឪពុកបង្កើតរបស់គេ មានឈ្មោះ ហេង ហៃ ។
លោក ជាង សុវណ្ណារិទ្ឋ អធិការនគរបាលស្រុកបរិបូណ៌បាននិយាយអំពីករណីគ្រោះថ្នាក់ចរាចរណ៏អោយបានដឹងថា៖មុនពេលកើតហេតុមានរថយន្តយីឌុបមួយគ្រឿងធ្វើដំណើរពីជើងទៅត្បូងតាមផ្លូវជាតិលេខ៥ ចំណែករថយន្តតូយ៉ូតាដឹកដើមម្រះព្រៅ បានបើកពីក្រោយក្នុងដំណើរស្របទិសគ្នាលុះមកដល់ចំណុចកើតហេតុរថយន្តយីឌុបដែលបើកពីមុខបានបត់ឆ្វេង ធ្វើអោយរថយន្តតូយ៉ូតាបើកពីក្រោយ
បុកយ៉ាងពេញទំហឹងតែម្តង។ ក្រោយពេលកើតហេតុ ភាគីរថយន្តទាំង២បាន សម្រួលត្រូវរ៉ូវគ្នាមុនពេល
សមត្ថកិច្ចនគរបាលទៅដល់ ហើយរថយន្តយីឌុបបានចេញទៅបាត់សល់តែរថយន្តតូយ៉ូតាដឹកដើមម្រះ ព្រៅភ្នំក៏ត្រូវសមត្ថកិច្ចចាប់ឃាត់យកមកតែម្តង។ក្នុងពេលសមត្ថកិច្ចឃាត់រថយន្តនេះក៏មានការអន្តរាគមពីអ្នកបើកបររថយន្តលុចសីសពណ៌សមួយគ្រឿងផ្សេងទៀតផងដែរ តែសមត្ថកិច្ចមិនហ៊ានសីសសុះឡើយ។
ដើមម្រះព្រៅភ្នំនៅលើរថយន្តនេះសរុបមានចំនួន៣៦ដុំ រថយន្តនិងវត្ថុតាងរួមទាំងអ្នកបើកបរនិងអ្នករួមដំណើរជាឪពុកនឹងកូន ត្រូវបានសមត្ថកិច្ចនគរបាលការិយាល័យប្រឆាំងគ្រឿងញៀននៃស្នងការដ្ឋា ននគរបាលខេត្តកំពង់ឆ្នាំង កសាងសំណុំរឿងតាមនិតិវិធីច្បាប់បញ្ជូនទៅតុលាការខេត្ត នៅព្រឹកថ្ងៃទី២០ ខែមករា ឆ្នាំ២០១៥នេះហើយ។
ករណីដឹកឈើខុសច្បាប់បែបនេះសមត្ថកិច្ចរដ្ឋបាលព្រៃឈើគេអាចធ្វើការចោទប្រកាន់តាមមាត្រា
២ផ្សេងគ្នានៃច្បាប់ស្តីពីព្រៃឈើ មាត្រាទី១គឺត្រឹមតែពិន័យជាប្រាក់អន្តរការនិងដកហូតឈើខុសច្បាប់ទុក
ជាសម្បត្តិរដ្ឋចំណែករថយន្តនិងម្ចាស់ឈើមិនបានដកហូតឬផ្តន្ទាទោសនោះឡើយ។ដោយឡែកមាត្រា១
ទៀតដែលធ្ងន់ធ្ងរនោះគឺ ត្រូវគេចោទប្រកាន់ដកហូតទាំងឈើទាំងរថយន្តនិងចាប់ម្ចាស់ឈើផ្តន្ទាទោសដា
ក់ពន្ធនាគារតាមបញ្ញាត្តិច្បាប់ទៀតផង ដូច្នេះការចោទប្រកាន់សំរេចលើការពិចារណានិងសិទ្ធរបស់សម ត្ថកិច្ចជំនាញ និងឆន្ទានុសិទ្ធរបស់លោកព្រះរាជអាជ្ញាសាលាដំបូងខេត្តតែប៉ុណ្ណោះ៕សន្យា
