នៅក្នុងកិច្ចប្រជុំជាប្រចាំរបស់បណ្ដា រដ្ឋមន្ដ្រីការបរទេស សហគមន៍អឺរ៉ុប ឧត្ដមស្នងការអឺរ៉ុបទទួលបន្ទុកកិច្ចការ បរទេសបានអំពាវនាវដល់ប្រទេស សម្ពន្ធមិត្ដបង្កើនការប្រយុទ្ធប្រឆាំងក្រុម ភេរវកម្ម ក្នុងនោះមានក្រុមអ៊ិស្លាម បង្កើនរដ្ឋ IS ។
លោកស្រី Federica Mogherini បាន បញ្ជាក់ថា ចាំបាច់ត្រូវតែបង្កើនកិច្ច សហប្រតិបត្ដិការជាមួយបណ្ដាប្រទេស អ៊ិស្លាម និងនៅក្នុងសហគមន៍អឺរ៉ុបទាំង មូល ។ កិច្ចប្រជុំនៅទីក្រុងប្រ៊ុយសែល កើតឡើងខណៈដែលក្រុមអ៊ិស្លាមបង្កើត រដ្ឋវាយប្រហារសម្លាប់មនុស្ស១៧នាក់ នៅទីក្រុងប៉ារីសកាលពីសបា្ដហ៍មុននិង យុទ្ធនាការប្រឆាំងភេវរកម្មនៅប្រទេស ប៊ែលហ្ស៊ិក ។
កាលពីថ្ងៃទី១៩ ខែមករា ពលរដ្ឋរាប់ សិបពាន់នាក់បានប្រមូលផ្ដុំគ្នានៅទីក្រុង Grozny ប្រទេសឆែកញ៉ា ស្ថិតក្រោម ការគ្រប់គ្រងរបស់រុស្ស៊ី ដែលមានពល រដ្ឋអ៊ិស្លាមរស់នៅបានក្រោកឈរឡើង ប្រឆាំងទៅនឹងសកម្មភាពផ្សព្វផ្សាយរូប ត្លុកប្រមាថមាក់ងាយដល់ព្រះក្នុងសាសនា អ៊ិស្លាម ។
នៅក្នុងកិច្ចប្រជុំជាប្រចាំរបស់រដ្ឋមន្ដ្រី ការបរទេសអឺរ៉ុបនៅទីក្រុងប្រ៊ុចសែល លោកស្រី Mogherini បានបញ្ជាក់ថា “យើងមិនត្រឹមតែប្រឈមមុខជាមួយ នឹងការគំរាមកំហែងនៅទីក្រុងប៉ារីស ប៉ុណ្ណោះទេ គឺបានរាលដាលនៅគ្រប់ទិស ទីជុំវិញពិភពលោក ដោយចាប់ផ្ដើមឡើង ពីក្រុមអ៊ិស្លាមជ្រល់និយម ។ យើងចាំ បាច់ត្រូវតែបង្កើនកិច្ចសហប្រតិបត្ដិការ ជាមួយបណ្ដាប្រទេសសហគមន៍អារ៉ាប់ ប្រទេសអ៊ិស្លាម និងនៅក្នុងសហគមន៍ អឺរ៉ុបទាំងមូល ។ យើងត្រូវតែបបង្កើន ការជជែកព័ត៌មានចារកម្ម ទាំងនោះ ហើយទើបអាចទប់ទល់នឹងក្រុមភេវរកម្ម បានយ៉ាងប្រសើរ”។
អគ្គលេខាធិការសហគមន៍អារ៉ាប់ក៏ បានចូលរួមកិច្ចប្រជុំជាមួយរដ្ឋមន្ដ្រីការ បរទេសសហគមន៍អឺរ៉ុបទាំង២៨ប្រទេស ផងដែរ ។ លោកស្រី Mogherini បញ្ជាក់ ទៀតថា យើងនឹងពិភាក្សាជាមួយអគ្គ លេខាធិការសហគមន៍អារ៉ាប់ពីវិធីសាស្ដ្រ សហប្រតិបត្ដិការ យើងត្រូវការសម្ពន្ធ មិត្ដ ត្រូវការចរចាដើម្បីផលប្រយោជន៍ រួម ពិសេសគឺទប់ស្កាត់សកម្មភាពវាយ ប្រហារភេរវកម្ម ។
រដ្ឋមន្ដ្រីការបរទេសសហគមន៍អឺរ៉ុប នឹងជួបពិភាក្សាគ្នាជាបន្ដទៀតនៅថ្ងៃទី ២៩ ខែមករាខាងមុខពីបញ្ហាសំខាន់ៗ ដែលជាក្ដីកង្វល់រួម ។
នៅថ្ងៃទី២២ ខែមករានេះ សម្ពន្ធមិត្ដ ដឹកនាំដោយអាមេរិកក្នុងការប្រឆាំងក្រុម អ៊ិស្លាមបង្កើតរដ្ឋ IS នឹងជួបប្រជុំគ្នា នៅទីក្រងឡុងដ៍ប្រទេសអង់គ្លេស ដែល មានរដ្ឋមន្ដ្រីការបរទេសអាមេរិក ចន ឃើរី ចូលរួម ។
កិច្ចប្រជុំរបស់សហគមន៍អឺរ៉ុបកើត ឡើងចំពេលដែលក្រុមភេរវកម្មបាន គំរាមកំហែងវាយប្រហារ និងប្រទេស ជាច្រើនក្នុងតំបន់ ក្រោយពេលដែល កាសែតបារាំងបានផ្សព្វផ្សាយរូបត្លុកធ្វើ ឱ្យប៉ះពាល់ដល់ជំនឿសាសនាអ៊ិស្លាម ។ ក្រុមអ្នកកាន់សាសនាអ៊ិស្លាមនៅគ្រប់ ទិសទីបាននាំគ្នាក្រោកឈរឡើងប្រឆាំង ទៅនឹងសេរីភាពបញ្ចេញមតិរបស់សារ ព័ត៌មានដែលបានប៉ះពាល់ដល់សេរីភាព ជំនឿសាសនារបស់អ្នកដទៃ*ជាសកម្ម ភាពមិនអាចទទួលយកបាន ។
