ក្រុមអ្នកស្រាវជ្រាវបានបង្កើនការ ស្រាវជ្រាវពីមូលហេតុបណ្ដាលឱ្យយន្ដ ហោះ QZ8501 របស់ក្រុមហ៊ុនអាកាស ចរណ៍ Air Asia ជួបគ្រោះថ្នាក់ ។ កាល ពីថ្ងៃទី១៩ ខែមករា លទ្ធផលជាបណ្ដោះ អាសន្ននៃការវិភាគប្រអប់ខ្មៅសំឡេង ក្នុងបន្ទប់បើកបរបានបង្ហាញ
ឱ្យឃើញថា មិនមានសកម្មភាពវាយប្រហារភេរវកម្ម ឬក៏អ្នកបញ្ជាយន្ដហោះធ្វើអត្ដឃាតទើប យន្ដហោះមានគ្រោះថ្នាក់បែបនេះ ។
យន្ដហោះ Airbus A320-200 របស់ Air Asia បានបាត់ខ្លួនចេញពីប្រព័ន្ធរ៉ាដា នាថ្ងៃទី២៨ ខែធ្នូ ឆ្នាំ២០១៤ ក្រោយពេល ហោះហើរមិនទាន់បានពាក់កណ្ដាលផ្លូវ ផងនោះ ដែលហោះហើរចេញពីទីក្រុង ស៊ូរ៉ាប៊ីយ៉ា ឆ្ពោះទៅកាន់សិង្ហបុរី ។ គ្រោះ ថ្នាក់នោះបណ្ដាលឱ្យអ្នកដំណើរនិងក្រុម អាកាសយានិក១៦២នាក់ស្លាប់ទាំងអស់។
ក្រុមអ្នកស្រាវជ្រាវបានឱ្យដឹងថា ពួក គាត់បានស្ដាប់ខ្សែអាត់សំឡេងទាំងស្រុង ក្នុងបន្ទប់បើកបរ ប៉ុន្ដែទើបតែវិភាគ បានប្រមាណពាក់កណ្ដាលប៉ុណ្ណោះ ។ លទ្ធផល គឺមិនមានសកម្មភាពវាយ ប្រហារភេរវកម្មនោះឡើយ ។
ក្រុមអ្នករុករកមិនទាន់រកឃើញសាក សពអ្នកដំណើរថ្មីទៀតឡើយ នៅពេល នេះ គេរង់ចាំមើលតួខ្លួនយន្ដហោះក៏មាន សាកសពអ្នកដំណើរដែលជាប់នៅទីនោះ សកម្មភាពស្រង់តួខ្លួនយន្ដហោះជួបនូវ ឧបស័ក្ដិជាច្រើន ដោយអាកាសធាតុមិន អំណោយផល ព្រោះរលកធំៗបង្កផល លំបាកដល់អ្នកមុជទឹក ។ ការស្រង់តួយន្ដ ហោះចាំបាច់ត្រូវតែប្រើប្រាស់បាឡុង ដើម្បីទាញឡើងមកលើ ។ មកដល់ពេល នេះ*សាកសពអ្នកដំណើរសរុប៥៣នាក់ បានស្រង់ឡើងចេញពីទឹក ហើយសាក សព៤៥នាក់បានកំណត់អត្ដសញ្ញាណរួច រាល់បញ្ជូនទៅឱ្យសាច់ញាតិរៀបចំធ្វើ បុណ្យតាមប្រពៃណី ។
សាច់ញាតិអ្នកដំណើរនៅលើយន្ដហោះ ដែលរងគ្រោះនោះ នឹងទទួលបានប្រាក់ សំណងយ៉ាងតិច ១២០ពាន់ដុល្លារ ហើយ ប្រសិនបើសាច់ញាតិមិនមានការប្ដឹង តវ៉ាទេនោះ ទឹកប្រាក់ទាំងនោះនឹងប្រគល់ ឱ្យភ្លាមៗ ។
