កាលពីថ្ងៃទី១៩ ខែមករា នាង Cho Hyun-ah អតីតនាយកប្រតិបត្ដិ និងជា កូនស្រីអគ្គនាយកក្រុមហ៊ុនអាកាសចរណ៍ ឈានមុខនៅកូរ៉េខាងត្បូងកូរានអ៊ែរបាន បង្ហាញវត្ដមាននៅក្នុងតុលាការដោយ សារតែនាងបំពានច្បាប់សុវត្ថិភាព ចរាចរណ៍ដែនអាកាស 
ក្រោយពេលដែល នាងបានបណ្ដេញប្រធានក្រុមបម្រើការ នៅលើយន្ដហោះចេញឱ្យចុះវិញនៅទី ក្រុងញូវយ៉កដោយសារតែបញ្ហាកញ្ចប់ សណ្ដែកមួយ ។សកម្មភាពបណ្ដេញអ្នកបម្រើការ នៅលើយន្ដហោះរបស់នាងCho Hyun-ah បានធ្វើមតិសាធារណៈកូរ៉េខាងត្បូង បង្ហាញការខឹងសម្បាយ៉ាងខ្លាំងរយៈពេល កន្លងមក ។
នៅថ្ងៃទី១៩ ខែមករា នាង ត្រូវឡើងតុលាការនៅទីក្រុងសេអ៊ូល ដើម្បីបកស្រាយពីបញ្ហាខាងលើ ។ នៅ ក្នុងតុលាការ នាងរងការចោទប្រកាន់ពី បទបំពានច្បាប់សុវត្ថិភាពចរាចរណ៍ តាមដែនអាកាស ដោយសារតែនាងឱ្យ ផ្លាស់ប្ដូរពេលវេលាហោះហើរដោយខ្លួន ឯង គំរាមកំហែងអ្នកនៅលើយន្ដហោះ រារាំងក្រុមអាកាសយានិកបំពេញការ ងារ។
ប៉ុន្ដែនាងCho Hyun-ah បានច្រាន ចោលការចោទប្រកាន់ទាំងនោះ មេធាវី របស់នាងបានបញ្ជាក់ថា ការចោទ ប្រកាន់ទាំងនេះ វាពិតជាធ្ងន់ហួសហេតុ បើប្រៀបធៀបនឹងសកម្មភាពរបស់នាង នៅពេលនោះ។ មេធាវីរបស់នាងបញ្ជាក់ ថា សកម្មភាពរបស់កូនក្ដីខ្លួននៅពេល នោះ មិនខ្លាំងក្លាដូចការចោទប្រកាន់ នោះទេ ដោយសារតែយន្ដហោះមិនទាន់ ចេញទៅដល់ផ្លូវដែលត្រូវហោះហើរ ។ រាល់របាយការណ៍ប្រឆាំងនឹងរូបនាង មិន មានការពិតត្រូវបានប្រឌិតឡើងដើម្បី ទម្លាក់កំហុសទាំងស្រុងទៅឱ្យកូនក្ដី របស់លោក ។
នាង Cho Hyun-ah ជាកូនស្រីច្បង របស់លោក ចូ យ៉ាងហូ ម្ចាស់ក្រុមហ៊ុន អាកាសចរណ៍កូរានអ៊ែរ ។ នាងជាអគ្គ នាយករងរបស់ក្រុមហ៊ុន ។ កាលពីដើម ខែធ្នូ ឆ្នាំ២០១៤ នាង Cho Hyun-ah បានបង្ខំឱ្យប្រធានអ្នកបម្រើការនៅលើ យន្ដហោះលុតជង្គង់សុំទោស ដោយសារ តែមិនបានហែកកញ្ចប់សណ្ដែកដាក់ ចានត្រឹមត្រូវឱ្យនាង ។ សកម្មភាពមិន ល្អរបស់ថ្នាក់ដឹកនាំក្រុមហ៊ុនកូរានអ៊ែរ បានធ្វើឱ្យមតិសាធារណជនកូរ៉េខាងត្បូង ខឹងសម្បាយ៉ាងខ្លាំង ទើបជំរុញឱ្យមាន ការប្ដឹងប្រឆាំងរូបនាងតែម្ដង។
