ក្រោយក្រុមអ៊ិស្លាមបង្កើតរដ្ឋIS ផ្សព្វ ផ្សាយឃ្លីបវីដេអូគំរាមសម្លាប់ចំណាប់ ខ្មាំងជនជាតិជប៉ុន២នាក់ លើកលែងតែ ទទួលបានប្រាក់លោះ២០០លានដុល្លារ ក្នុងរយៈពេល៧២ម៉ោង រដ្ឋាភិបាលទី ក្រុងតូក្យូបានប្រកាសថា នឹងមិនបន្ធូរ បន្ថយ ឬចុះញ៉មចំពោះអំពើខាងលើ នោះឡើយ ។
ក្រុមIS បានសម្លាប់ចំណាប់ខ្មាំង លោកខាងលិច៥នាក់កាលពីខែសីហា ឆ្នាំ២០១៤ ប៉ុន្ដែនេះជាលើកទីមួយហើយ ដែលក្រុមនេះគំរាមសម្លាប់ចំណាប់ខ្មាំង ជនជាតិជប៉ុន ។ ការសម្រេចខាងលើ របស់ក្រុម IS ជាសារមួយផ្ញើទៅដល់ រដ្ឋាភិបាលជប៉ុនឱ្យបញ្ចប់ការផ្ដល់ជំនួយ ក្នុងសកម្មភាពវាយប្រហារក្រុម IS ដែលដឹកនាំដោយអាមេរិក ។
ក្រោយ ទទួលបានឃ្លីបវីដេអូទាំងនោះ រដ្ឋាភិ បាលរបស់នាយករដ្ឋមន្ដ្រីស៊ីនហ្សូ អាបេ ប្រកាសថា តូក្យូនឹងមិនបន្ធូរបន្ថយ ឬចុះ ញ៉មចំពោះក្រុមភេរវកម្មខាងលើនោះ ឡើយ ។ នៅពេលនេះ រដ្ឋាភិបាលតូក្យូ មិនទាន់បានផ្ដល់ចម្លើយថា តើព្រម ប្រគល់ប្រាក់ដើម្បីលោះចំណាប់ខ្មាំងជន ជាតិជប៉ុន២នាក់ដែរឬទេ?
នៅក្នុងសុន្ទរកថា របស់នាយករដ្ឋ មន្ដ្រីជប៉ុន លោកស៊ីនហ្សូ អាបេ ពេល បំពេញទស្សនកិច្ចទៅកាន់តំបន់ជម្ឈិម បូព៌ា លោកបញ្ជាក់ថា ទីក្រុងតូក្យូនឹង ខិតខំអស់ពីសមត្ថភាពជួយឱ្យទាល់តែ បានចំណាប់ខ្មាំងជនជាតិជប៉ុន២នាក់ ដែលត្រូវក្រុមIS ចាប់ខ្លួនដោយប្រើ គ្រប់វិធីសាស្ដ្រ ។ ជនជាតិជប៉ុន២នាក់ ដែលត្រូវចាប់ខ្លួននោះមានឈ្មោះ Kenji Goto Jogo និង Haruna Yukawa។ នាយករដ្ឋមន្ដ្រីជប៉ុនបញ្ជាក់ថា អាយុ ជីវិតចំណាប់ខ្មាំងទាំងពីរជាអាទិភាព ដំបូងគេបង្អស់ ហើយលោកបានស្នើដល់ ក្រុមIS ដោះលែងចំណាប់ខ្មាំងជាបន្ទាន់។
ឪពុកចំណាប់ខ្មាំងទាំងពីរនាក់មាន ការតក់ស្លុតយ៉ាងខ្លាំងដែលបានមើល ឃើញរូបភាពកូនប្រុសទាំងពីររបស់ខ្លួន ត្រូវក្រុមIS ចាប់ខ្លួនគំរាមសម្លាប់បែប នេះ ។ នៅពេលនេះជប៉ុនកំពុងវិភាគទៅ លើឃ្លីបវីដេអូទាំងនោះថាតើជាការពិត ដែរឬទេ ។
ចំណែកមន្ដ្រីអាមេរិកបានបញ្ជាក់ថា មកទល់ពេលនេះ ក្រុម IS បានឃុំខ្លួន ចំណាប់ខ្មាំងលោកខាងលិចតែ២នាក់ ប៉ុណ្ណោះ ក្នុងនោះមានអ្នកសារព័ត៌មាន អង់គ្លេស និងបុគ្គលិកផ្ដល់ជំនួយមនុស្ស ធម៌អាយុ២៦ឆ្នាំជាស្ដ្រីជនជាតិអាមេរិក ប៉ុន្ដែមិនបានបញ្ជាក់ពីចំណាប់ខ្មាំងជន ជាតិជប៉ុននោះឡើយ ។
ទីក្រុងតូក្យូក៏បានចូលរួមសម្ពន្ធមិត្ដ ដែលដឹកនាំដោយអាមេរិកដើម្បីប្រឆាំង ក្រុមអ៊ិស្លាមបង្កើតរដ្ឋIS ដោយផ្ដល់ ជំនួយជាប្រយោល មិនបានបញ្ជូនកម្លាំង ទាហាន ឬសព្វាវុធទៅវាយប្រហារផ្ទាល់ នោះឡើយ ។
ការផ្សព្វផ្សាយរូបភាពទាមទារប្រាក់ លោះចំណាប់ខ្មាំង ជាយុទ្ធសាស្ដ្ររបស់ ក្រុមអ៊ិស្លាមបង្កើតរដ្ឋក្នុងការស្វែងរក ប្រាក់ចំណូលមកផ្គត់ផ្គង់ក្រុមរបស់ខ្លួនឱ្យ ដំណើរការឆ្ពោះទៅមុខសម្រេចគោល ដៅបង្កើតអាណាចក្រអ៊ិស្លាមរបស់ខ្លួន ឡើងវិញ 9
