កាលពីថ្ងៃទី២០ ខែមករា មេទ័ព អ៊ីរ៉ង់បានគំរាមកំហែងតបតអ៊ីស្រាអែល ដោយមិនមានការយោគយល់ក្រោយ ពេលអ៊ីស្រាអែលវាយប្រហារតាមដែន អាកាសកាលពីថ្ងៃទី១៨ ខែមករា ទៅ លើក្បួនរថយន្ដនៅតំបន់ព្រំដែនស៊ីរី និង អ៊ីស្រាអែលនៅខ្ពង់រាបហ្គោឡែនបណ្ដាល ឱ្យមនុស្សជាច្រើនស្លាប់ ក្នុងនោះមាន មេបញ្ជាការកងទ័ពក្រុមហេសបូឡាស៍ និងមេទ័ពអ៊ីរ៉ង់មួយរូបឈ្មោះមូហាម៉េដ អាលីដាឌី ។
សារព័ត៌មាន Tasnim របស់អ៊ីរ៉ង់ បានដកស្រង់សម្ដីអគ្គមេបញ្ជាការកង ទ័ពបដិវត្ដន៍ប្រជាជនអ៊ីរ៉ង់នាយឧត្ដម សេនីយ៍ម៉ូហាម៉េដ អាល្លី ចាហ្វារី បាន ប្រកាសថា អ៊ីស្រាអែលគួរតែប្រុង ប្រយ័ត្នទុកជាមុនពីការវាយប្រហារតាម បែប“ផ្លេកបន្ទោរ”ហើយអ៊ីរ៉ង់នឹងគាំទ្រ ដល់ក្រុមអ៊ិស្លាមនៅមជ្ឈិមបូព៌ារហូត ដល់ការដួលរលំចុងក្រោយនៃរបបគ្រប់ គ្រងដោយជនជាតិជ្វីប ។
ក្នុងពេលជាមួយគ្នានោះដែរ បណ្ដាញ ទូរទស្សន៍ហ្វ្រេសធីវី បានផ្សព្វផ្សាយពី ការប្រកាសរបស់ប្រធានរដ្ឋសភាអ៊ីរ៉ង់ លោកអាល្លី ឡារីចានី ដោយចោទ ប្រកាន់អ៊ីស្រាអែលឈរពីក្រោយរាល់ សកម្មភាពវាយប្រហារភេរវកម្មនៅ មជ្ឈិមបូព៌ា ពិសេសនៅក្នុងប្រទេសស៊ីរី។ ទន្ទឹមនឹងនោះ លោកក៏បានអំពាវនាវ អនុវត្ដវិធីសាស្ដ្រចាំបាច់ប្រឆាំងនឹង អ៊ីស្រាអែល ។
ក្នុងថ្ងៃជាមួយគ្នានោះដែរ មេដឹកនាំ សាសនាជាន់ខ្ពស់អ៊ីរ៉ង់ លោកអាល្លី ខាមឺ ណេ ក៏បានថ្កោលទោសដល់អ៊ីស្រាអែល ពីការវាយប្រហារខាងលើជាសកម្មភាព មិនអាចទទួលយកបាន ។
ភាគីអ៊ីស្រា អែលបានបដិសេធពិភាក្សាពីករណីខាង លើ ប៉ុន្ដែអ៊ីស្រាអែលបានបង្កើនការ យាមល្បាតតាមបណ្ដោយព្រំដែនភាគ ខាងជើង ពិសេសនៅតំបន់ខ្ពង់រាបបូឡែន ដោយដាក់ប្រព័ន្ធកាំជ្រួចមីស៊ីលការពារ ដែនអាកាសសម្រាប់ទប់ទល់នឹងការវាយ សងសឹកពីក្រុមហេសបូឡាស៍ 9
