កំពង់ឆ្នាំង៖បុរសជនជាតិវៀតណាមម្នាក់មានមុខរបរខាងលួចឆក់ត្រី(ឆក់ត្រជាក់)ត្រូវបានប្រជានេសាទក្នុងសហគមន៍នាំគ្នាឡោមព័ទ្ធចាប់ខ្លួនបានក្នុងពេលដែលគេកំពុងធ្វើសកម្ម ភាពឆក់ត្រីនៅក្នុងតំបន់អភិរក្សពូជត្រីចំណុចអន្លង់ឬស្សីឃុំកំពង់ព្រះគគីរ។ការបង្ក្រាបនិងចាប់ខ្លួនជនល្មើសខាងលើនេះបានធ្វើឡើងនៅម៉ោង៤និង១០នាទីយប់ទាបភ្លឺថ្ងៃទី២១ ខែមករា ឆ្នាំ២០១៥។
ប្រជាពលរដ្ឋជាសមាជិកសហគមន៍នេសាទឃុំកំពអ់ព្រះគគីរ ស្រុកបរិបូណ៌បាននិ យាយអោយដឹងថា៖នៅយប់ថ្ងៃទី២០ ខែមករា ឆ្នាំ២០១៥ សមាជិកក្នុងសហគមន៍នេសាទ
ចំនួន១៣នាក់ បានប្រើប្រាស់កាណូតបាឡាស្មាច់ចំនួន៤គ្រឿង នាំគ្នាបើកល្បាតក្នុងតំ
បន់អភិរក្សបានប្រទះឃើញ កាណូតបាឡាស្មាច់១គ្រឿងមានមនុស្ស២នាក់កំពុងឆក់ត្រីក្នុ
ងតំបន់អភិរក្ស។
ពេលនោះពួកគាត់បានទូរសព្ទ័ទាំងយប់សុំយោបល់លោក ឯក ស៊ុនរស្មី
ព្រះរាជអាជ្ញាសាលាដំបូងខេត្ត ក្រោយពីទទួលបានបញ្ជារអោយចាប់ខ្លួនជនល្មើសហើយ
នោះ ពួកគាត់បានបើកកាណូតព័ទ្ធចាប់ខ្លួនជនល្មើស និងបានបើកកាណូតបំបុកកាណូតជនល្មើសតែម្តង ទើបចាប់ខ្លួនជនល្មើសបានម្នាក់និងម្នាក់ទៀតបានមុជចូលក្នុងទឹកហែលបុកគោកឡើងរត់គេចខ្លួនបាត់។
ជនល្មើសដែលចាប់ខ្លួនបានមានឈ្មោះ ដង យាំងខឿន អាយុ៣០ឆ្នាំ រស់នៅភូមិចុង
កោះ សង្កាត់ផ្សារឆ្នាំង ក្រុងកំពង់ឆ្នាំង ចំណែកគ្នាគេដែលបានរត់គេចខ្លួនបាត់មានឈ្មោះ
យ៉ាវ អាយុ៣៨ឆ្នាំ រស់នៅក្នុងភូមិសង្កាត់ជាមួយគ្នា។នៅចំពោះមុខលោកឯក ស៊ុនរស្មីព្រះរាជអាជ្ញារងសាលាដំបូងខេត្តជនល្មើសបានសារភាពថាគេបានឆក់ត្រីបែបនេះចំនួន
៣ថ្ងៃមកហើយ គឺបើកកាណូតឆក់នៅគ្រប់ទីកន្លែងនិងឆក់ក្នុងចំណុចខាងលើនេះ។
សម្ភារៈជាភស្តុ័តាងដែលប្រជាពលរដ្ឋក្នុងសហគមន៍នេសាទដកហូតបានពីជនល្មើ
សរួមមាន៖កាណូតបាឡាស្មាច់១គ្រឿងអាំងវ៉ាត់ទ័រឆក់ត្រជាក់១គ្រឿង កន្ត្រងដងឆក់១
អាគុយ១០០អំពែ១គ្រឿងនិងត្រីដែលគេឆក់បានជាង២គីឡូ។
ជនល្មើសនិងវត្ថុតាងត្រូវបានប្រជាពលរដ្ឋដឹកបញ្ជូនមកកាន់កំពង់ផែទេសចរណ៍
មាត់ទន្លេផ្សារក្រោម សង្កាត់ផ្សារឆ្នាំង ក្រុងកំពង់ឆ្នាំង ហើយបានប្រគល់ជូនលោក ព្រះរាជ
អាជ្ញាសាលាដំបូងខេត្តនៅវេលាម៉ោង៦និង៣០នាទីព្រឹកថ្ងៃទី២១ខែមករាឆ្នាំ២០១៥។ក្នុង
ពេលនោះដែរលោក ឯក ស៊ុនរស្មីបានជួយឧបត្ថម្ភប្រេងម៉ាស៊ូត៣០លីត្រនិងថិការមួយចំនួនទៀតសំរាប់ចាក់កាណូត និងហូបអាហារពេលព្រឹកជូនប្រជាពរដ្ឋទាំងនោះផងដែរ។
វត្ថុតាងនិងជនល្មើសត្រូវបានលោកព្រះរាជអាជ្ញា ប្រគល់អោយខណ្ឌ័រដ្ឋបាលជលផលកំពង់ឆ្នាំងកសាងសំណុំរឿងបញ្ជូនទៅសាលាដំបូងខេត្ត ដើម្បីផ្តន្ទាទោ
សជនល្មើសឆក់ត្រីតាមបញ្ញតិ្តច្បាប់៕
