ខេត្តកំពង់ធំៈ ហេតុការណ៍គ្រោះថ្នាក់ចរាចរណ៍មួយ នៅលើកំណាត់ផ្លូវជាតិលេខ៦ ត្រង់ចំនុចភូមិ កំពង់ធំសង្កាត់កំពង់រទេះ ក្រុងស្ទឹងសែន ខេត្តកំពង់ធំ បណ្តាលមកពីម៉ូតូ២គ្រឿងបានព្រលះគ្នាយ៉ាងពេញទំហឹង និងបានធ្វើឲ្យមានមនុស្សស្លាប់ម្នាក់ និង៣នាក់របួសធ្ងន់នឹងស្រាល កាលពីវេលាម៉ោង ៧.៤៥នាទីក្បាលព្រលប់ ថ្ងៃទី ២១ ខែមករា ឆ្នាំ ២០១៥។
តាមប្រភពពត៌មានពីអ្នកឃើញហេតុការណ៍ មុនពេលកើតហេតុបានឲ្យដឹងថាមានម៉ូតូ២គ្រឿងទី១ ម៉ូតូម៉ាក .វេវសេរី ឆ្នាំ ២០០៤.ពណ៌ ខ្មៅ ពាក់ស្លាកលេខ បានព្រលះជាមួយនិងម៉ូតូមួយគ្រឿងទៀតម៉ាកស្មាសសេរីឆ្នាំ២០០៧ ពណ៌ខ្មៅ អត់ស្លាកលេខ ខណៈពេលដែលបើកបរ បញ្ជ្រាសទិសគ្នា លុះមកដល់ចំនុចកើតហេតុ ក៏បានបុកគ្នាយ៉ាងពេញទំហឹង បណ្តាលឲ្យមាន
មនុស្សម្នាក់បាន ស្លាប់ភ្លាមៗនៅនឹងកន្លែង និងម្នាក់ទៀតរបួសស្រាល រីឯ២នាក់ទៀតរបួសស្រាល សាកសពត្រូវបានគេស្គាលឈ្មោះ ហាក់ ហុង ភេទប្រុសអាយុ២៨ឆ្នាំរស់នៅភូមិត្រពាំងចំបក់ ឃុំត្រពាំងឬស្សី ស្រុកកំពង់ស្វាយ ស្លាប់នៅនិងកន្លែងជាអ្នកបើកម៉ូតូម៉ាកស្មាក់រីវូ និងទី២. ឈ្មោះយុន ថា ភេទប្រុសអាយុ១៨ឆ្នាំ រស់នៅភូមិថ្នល់ទទឹង ឃុំវិហារសួរគ៏ ស្រុកត្បូងឃ្មុំ ខេត្តកំពង់ចាម របួសស្រាល!ចំណែកភាគីខាង ម៉ូតូវេវរបួសស្រាលទី១.ឈ្មោះ ធន់ ធីម ភេទប្រុសអាយុ២០ឆ្នាំ និងទី២.ឈ្មោះ យាន រស្មី ភេទប្រុសអាយុ១៧ឆ្នាំ អ្នកទាំង២ រស់នៅបល្ល័ង្គលិច សង្កាត់ដំរីជាន់ខ្លា ក្រុងស្ទឹងសែន!។
ក្រោយពីកើតហេតុ សាកសពត្រូវសមត្ថកិច្ចប៉ូលិសចរាចរណ៍ ពិនិត្យឃើញថា ជនរងគ្រោះបានស្លាប់បាត់បង់ ជីវិតក្នុងហេតុការគ្រោះថ្នាក់ចរាចរណ៍នេះក៏ដោយសារតែបោកក្បាលទៅនឹងថ្នល់ បែកលលាក្បាលស្លាប់ភ្លាមៗបណ្តាលមកពីមិនបានពាក់មួកសុវត្តិភាព ក្រោយមកទើបសាច់ញ្ញាតិដឹកយកទៅផ្ទះដើម្បីធ្វើបុណ្យតាម ប្រពៃណី។
តាមប្រភពពត៌មានពីប្រជាពលរដ្ឋ បាននិយាយថា ចូលក្នុងឆ្នាំ ២០១៥នេះមានហេតុការណ៍គ្រោះថ្នាក់ចរាចរណ៍ជាច្រើនករណី នៅក្នុងក្រុងស្ទឹងសែន ស្ទើរតែជារៀងរាល់ថ្ងៃ ក្នុងនោះគឺបណ្តាលមកពីជាតិស្រវឹង ចំណែកអ្នកខ្លះទៀតនិយាយថា ក្រោយពីរដូវច្រូតកាត់រួច តាមភូមិតែងតែមានពិធីបុណ្យ និងរាំវង់ ក្មេងទាំងប្រុសទាំងស្រីបានធ្វើដំណើរប្រសេច ប្រសាចពេញលើដងផ្លូវ ពេលខ្លះជិះម៉ូតូដង្ហែរគ្នា បង្ករឲ្យមានគ្រោះថ្នាក់ចរាចរណ៍មានការកើនឡើង ។
ដោយ ផន សុជាតិ
