កំពង់ធំ=ស្ត្រីឈ្មួញឈើដុះស្លែពូកែសំដី១នាក់ដែលធ្វើឲ្យសមត្ថកិច្ចនានាជាពិសេសមន្ត្រីជំនាញរដ្ឋបាលព្រៃឈើទន់ ត្រចៀកហើយបើកដៃអោយដឹកឈើទាំងយប់ទាំងថ្ងៃយ៉ាងគគ្រឹកគគ្រេងចេញពីស្រុកសណ្ដាន់ឆ្លងកាត់តាមផ្លូវដងកំបិតឆ្ពោះទៅដាក់តាមដេប៉ូនានាក្នុងស្រុកបារាយណ៍ក្នុងខេត្តកំពង់ធំដែលគេបានស្គាល់ឈ្មោះចែលុចសព្វថ្ងៃនេះត្រូវបានគេរាយការណ៍ថាបាននិងកំពុងតែធ្វើសកម្មភាពដឹកជញ្ជួនឈើទ្វាយ៉ាងអាណាធិបតេយ្យបំផុត។
បើតាមសមត្ថកិច្ចខ្លះបានលួចបង្ហើបថាឈ្មួញរូបនេះគឺពូកែប្រើសំដីផ្អែមល្ហែមលួងលោមអោយសមត្ថកិច្ចទន់ត្រចៀកណាស់តែ ពេលដល់ត្រើយហើយគឺសើយគូទដាក់តែម្តង ព្រោះតែអាងខ្លួនជាតំឡងមេព្រៃ បញ្ចេញរឹកពារ ក្រអើតក្រទងពុំខ្លាចច្បាប់ព្រោះតែខ្លួនបានបងលុយអោយសមត្ថកិច្ចតាមដងផ្លូវរួចរាល់ជាប្រចាំ។
ពាក់ព័ន្ធទៅនិងសកម្មភាពដឹកជញ្ជួនឈើចេញពីស្រុកសណ្តាន់នេះដែរបើតាមប្រភពពត័មានពីប្រជាពលរដ្នបានខ្សឹបប្រាប់ថាលោកសៅវណ្ណនីនាយផ្នែករដ្ឋបាលព្រៃឈើស្រុកសណ្ដាន់ដែលគេដឹងថាមានជាប់ពាក់ព័ន្ធទៅនិងករណីនៅពីក្រោយបទល្មើសព្រៃឈើនៅក្នុងតំបន់ព្រៃឡង់ក៏ដូចជាលោកចាន់មន្នីនាត់នាយសង្កាត់រដ្ឋបាលព្រៃឈើសណ្តាន់នោះគឺជាអ្នកបានបើកភ្លើងខៀវអោយឈ្មួញឈើដុះស្លែទាំងនេះធ្វើសកម្មភាពដឹកឈើចេញពីទឺកដីរបស់ខ្លួនមិនតិចជាង១៥គ្រឿងទេក្នុង១យប់១ថ្ងៃកត្តាទាំងនេះហើយដែលធ្វើអោយមានមតិរិះគន់ពីមហាជនថាបើ
សង្ឃឹមលើមន្ត្រីជំនាញរដ្ឋបាលព្រៃឈើថ្នាក់តំបន់ក្រោមឪវាទលោកសៅវ៉ាន់នីធ្វើការបង្ក្រាបនោះគឺយ៉ាប់ហើយពោលគឺទាល់តែមានបញ្ចាពីលោកព្រះរាជអាជ្ញាទើបធ្វើការបង្ក្រាបយ៉ាងទើសទាល់បំផុត ក្នុងនោះដែរប្រជាពលរដ្នដែលបានស្គាល់ពីចរឹកចែលុចយ៉ាងច្បាស់បានប្រាប់ថាចែលុចម្នាក់ នេះបានអញ្ចើញអ្នកកាសែត ទៅថតដល់ទីកន្លែងដែលខ្លួនបានដឹកឈើជាប្រចាំទៀតផងហើយគាត់មិនដែលក្លាចសមត្ថិកិច្ចណាម្នាក់ឡើយព្រោះគាត់រកស៊ីឈើនេះតាំងពីនៅផ្ទះខ្ទមរហូតមកដល់ផ្ទះវេឡាមិនដែលខ្លាចនរណាម្នាក់ឡើយកុំថាឡើយព្រះរាជអាជ្ញា ព្រោះឈើរបស់គាត់មានច្បាប់។
ជាក់ស្តែងដូចជាស្ត្រីឈ្មួញឈើឈ្មោះចែលុចនេះទោះបីគេដឹងថាគឺជាមេឈ្មួញធំរកស៊ីបទល្មើស ដឹកជញ្ជួនឈើឡើងដុះស្លែទៅហើយក្តីប៉ុន្តែមិនទាន់ឃើញមានការបង្ត្រាបទាល់តែសោះជាហេតុធ្វើឲ្យមជ្ឈដ្ឋានជាច្រើនបានរិះគន់ថាឈ្មួញទាំង១នាក់ខាងលើនេះតែងតែផ្តល់លាភសក្ការឲ្យទៅសមត្ថកិច្ចជំនាញពាក់ព័ន្ធជាពិសេសមន្ត្រីជំនាញ រដ្ឋបាល
ព្រៃឈើសណ្តាន់តែម្តង ក្នុងនោះដែរសមត្ថិកិច្ចម្នាក់បានប្រាប់ថាតាំងពីខ្លួន ភ្ជាប់សាច់ភ្ជាប់ឈាមជាតំឡងជាមួយមេព្រៃមកគឺបង្កើនរឹកពារក្រអើតក្រទង កាងឈើរបស់ខ្លួនពេញទំហឹងតែម្ដង ហើយប្រជាពលរដ្នបានសួរថាតើព្រះរាជអាជ្ញាខេត្តកំពង់ធំបានទទួលលាបសក្ការះពីឈ្មួញម្នាក់នេះដែរឬអត់បានជាឈ្មួញបានដៃដូច្នេះ៕ផន សុខជាតិ
