ភ្នំពេញ ៖ កម្លាំងអាវុធហត្ថខណ្ឌដូនពេញ ពេលកំពុងចុះល្បាត នៅក្នុងភូមិសាស្ដ្រ បាន ដេញចាប់ខ្លួន ភេទទី៣ម្នាក់ ក្រោយពីឮជន រងគ្រោះជាជនបរទេស បានស្រែកឆោឡោ ពាក់ព័ន្ធទៅនឹងសកម្មភាព ឆក់យកកាបូបពី ក្នុងរថយន្ដ កាលពីវេលាម៉ោង១និង៤០នាទី យប់រំលងអាធ្រាត្រឈានចូលថ្ងៃទី២១ ខែ មករា ឆ្នាំ២០១៥ ស្ថិតនៅផ្លូវលេខ១៧២ កែង៥១ សង្កាត់ផ្សារថ្មីទី៣ ខណ្ឌដូនពេញ ។
មន្ដ្រីអាវុធហត្ថខណ្ឌដូនពេញ បានបញ្ជាក់ ថា ជនសង្ស័យរូបនេះ ឈ្មោះសុវណ្ណម៉ូល្ដា ហ្វា អាយុ៣៥ឆ្នាំ មុខរបរកម្មកររោងចក្រ កាត់ដេរ ស្នាក់នៅផ្ទះជួលផ្លូវជាតិលេខ៥ សង្កាត់គីឡូម៉ែត្រលេខ៦ ខណ្ឌឫស្សីកែវ រីឯ ជនរងគ្រោះវិញ ឈ្មោះអុង ប៉ូហេង អាយុ ៥២ឆ្នាំ ជាជនជាតិម៉ាឡេស៊ី មុខរបរវិស្វករ ខាងបច្ចេកទេសផ្លូវថ្នល់។
មន្ដ្រីអាវុធហត្ថបានបន្ដថា ក្រោយពីឃាត់ ខ្លួនជនសង្ស័យរូបនេះ សមត្ថកិច្ចបានដកហូត កាបូបស្ពាយ របស់ជនរងគ្រោះមកវិញ កុំព្យូទ័រ មួយគ្រឿង ម៉ាស៊ីនថត លិខិតឆ្លង និងទូរស័ព្ទជាដើម ។
តាមដំណើររឿងនៅវេលាម៉ោងកើតហេតុ ខាងលើ ខណៈដែលកម្លាំងអាវុធហត្ថកំពុង ល្បាតកំពុងល្បាត តាមបណ្ដោយផ្ល្លូវ១៥៤ ក្នុងទិសដៅពីកើតទៅលិច ស្រាប់តែមាន ប្រជាពលរដ្ឋនិងសន្ដិសុខ បានដេញចាប់ជន សង្ស័យម្នាក់ជាភេទទី៣ ដោយមានកាន់កា បូបក្នុងដៃ និងស្រែកថា ចោរៗ ។ ពេលនោះ កម្លាំងអាវុធហត្ថ បានដេញពីក្រោយចាប់ ប្រផាប់ប្រភីង រហូតដល់ចំណុចផ្លូវលេខ១៥៨ កែង ៨១ សង្កាត់បឹងរាំង ខណ្ឌដូនពេញ ទើប ឃាត់បាន ។
ក្រោយការឃាត់ខ្លួន ជនសង្ស័យរូបនេះ ប្រជាពលរដ្ឋនិងសន្ដិសុខ បានរាយការណ៍ ប្រាប់កម្លាំងថា ជននេះបានលួចកាបូបស្ពាយ ក្នុងរថយន្ដរបស់ជនជាតិម៉ាឡេស៊ី ទើបសមត្ថ កិច្ចអាវុធហត្ថ បានទាក់ ទងទៅជនរងគ្រោះ មកដាក់ពាក្យ បណ្ដឹងតាមនីតិវិធីនិងដើម្បី ដាក់បន្ទុកកាន់តែធ្ងន់ធ្ងរ ទៅលើជនសង្ស័យ។
នៅព្រឹកថ្ងៃទី២១ ខែមករា ឆ្នាំ២០១៥ នេះ អាវុធហត្ថខណ្ឌដូនពេញ បានបញ្ជូនខ្លួន ទៅកាន់ទីបញ្ជាការ អាវុធហត្ថរាជធានីភ្នំពេញ ដើម្បីចាត់ការបន្ដតាមផ្លូវច្បាប់ ។
