បាត់ដំបង=ពលរដ្ឋកំពុងតែព្រួយបារម្មចំពោះកាស៊ីណូរបស់ក្រុមហ៊ុនវ៉ាណាធៀន ហ្គ្រែនដ៍រីសត អិលធីឌី ដែលបាន អនុញ្ញាតិឲ្យពលរដ្ឋខ្មែរចូលលេងល្បែងស៊ីសងគ្រប់ប្រភេទ យ៉ាងគគ្រឹក គគ្រេង ជារៀងរាល់ថ្ងៃពិសេសគឺល្បែងភ្នាល់បញ្ជល់មាន់។កាស៊ីណូខាងលើនេះមានទីតាំងស្ថិតនៅក្នុងឃុំសន្តិភាព ស្រុកសំពៅលូន ខេត្តបាត់ដំបង។
ជាក់ស្តែងនៅថ្ងៃទី១៩ ខែមករា ឆ្នាំ២០១៥នេះអ្នកយកពត៏មានយើងបានចុះថតផ្តិតយករូបភាពខណះដែលឃើញមានពលរដ្ឋខ្មែរជាច្រើនកំពុងដើរចេញពីក្នុងកាស៊ីណូមួយនេះដោយក្នុងដៃមានបីមាន់ជល់ផងនោះពួកគាត់បានបង្ហើបថារាល់អ្នកដែលចូលទៅលេងល្បែងភ្នាល់ជល់មាន់ក្នុងនេះត្រូវបង់លុយថ្លៃសេវាឲ្យទៅអ្នកមើលការខុសត្រូវនៅទីនោះគឺលោកស៊ន គឹមសាយ ដែលជាអ្នកគ្រប់គ្រងនៅទីនោះ ហើយលុយដែលបានមកពីរពលរដ្ឋដែលចូលទៅលេងបង់នេះគេទុកបង់ឲ្យស្ថាប័នផ្សេងៗដែលពាក់ព័ន។
ពាក់ព័នបញ្ហារនេះលោកស៊ន គឹមសាយ បាននិយាយថា បើអ្នកពត៏មានមកសុំលុយគាត់ឲ្យតែ បើមកសួរនាំគឺមិនចាំបាច់សួរទេ ហើយបើអ្នកពត៏មានចង់ផ្សាយអីក៍ផ្សាយទៅគេមិនខ្វល់ទេ។
ចំណែកលោកពេជ្រ សារ៉ែន អធិការនគបាលស្រុកសំពៅលូនមិនអាចទំនាក់ទំនងបានទេ នាថ្ងៃទី២០ ខែមករា នេះព្រោះលោកមិនលើកទូរស័ព្ទ។ដោយសុខ ផានិត 
