បាត់ដំបង=ការនាំសត្វជ្រូកពីរប្រទេសមួយ មកប្រទេសមួយ ដែលបាននាំចូលក្នុងមួយថ្ងៃៗរាប់ពាន់ក្បាលសម្រាប់ធ្វើជាម្ហូបអាហារនោះ គេសង្គេតឃើញថា ពុំដែលមានមន្ត្រីពាក់ព័នណា មកត្រួតពិនិត្យនោះទេ ជាពិសេសមន្ត្រីខាងពេទ្យសត្វតែម្តង។ការនាំសត្វជ្រូករស់ចូលមកធ្វើជាម្ហូបអាហារនេះ គឺមានក្រុមហ៊ុនចន្ធូមានជ័យ និងក្រុមហុន ចំនួន៣ ឬ៤ ផ្សេងទៀតដែលបានទទួលសិទ្ធិពីខាងក្រសួងកសិកម្មរុក្ខាប្រមាញ់ និងនេសាទ អនុញ្ញាតិឲ្យក្រុមហ៊ុន
ទាំងអស់នេះនាំសត្វជ្រូកមកពីរបណ្តារប្រទេសជិតខាងដើម្បីយកមកផ្គត់ ផ្គង់ជាម្ហូបអាហារនៅក្នុងប្រទេសកម្ពុជាយើង ជាពិសេស សត្វជ្រូកដែលបានដឹកមកពីរប្រទេសថៃ តាមច្រកតំបន់ភ្នំដី ក្នុងស្រុកសំពៅលូន ក៍ប៉ុន្តែការនាំសត្វជ្រូកចូលមកនេះត្រូវតែមានការត្រួតពិនិត្យឲ្យបានត្រឹមត្រូវដែរជៀសវាងការប៉ះពាល់ដល់សុក្ខភាពរបស់ពលរដ្ឋទូទៅដែល បានទទួលទាននៅសាច់ជ្រូកទាំងនេះ តែបែជាគ្មានមន្ត្រីជំនាញណាមកត្រួតពិនិត្យឡើយដែលជាហេតុនាំឲ្យពលរដ្ឋទូទៅមានការរិះគន់យ៉ាងខ្លាំង។
បើតាមការឲ្យដឹងពីពលរដ្ឋដែលរស់នៅក្នុងស្រុកសំពៅលូនជាច្រើនបានប្រាប់អ្នកយកពត៏មានយើងថា កន្លងមកមានសត្វជ្រូកជាច្រើនដែលបានដឹកមកដល់ចំណុចជិតសាលាស្រុកសំពៅលូន ហើយងាប់តែត្រូវគេកាប់បែងចែកលក់ឲ្យពលរដ្ឋ ជាពិសេសពលរដ្ឋដែលសំណាក ស្រុកមកធ្វើជាកម្មករកាប់ដំឡូងពួកគាត់ឃើញគេលក់សាច់ក្នុងតំលៃថោកក៍នាំគ្នាទិញដោយ មិនបានគិតថាជាសាច់ជ្រូកដែលកើតជម្ងឺឡើយ។
ប្រភពដដែលបន្តថាកន្លងមកនៅពេលមានជ្រូកងាប់ជាច្រើនក្បាលគេកាប់យកសាច់លក់នោះពុំដែលឃើញមានពេទ្យសត្វណាចុះមកពិនិត្យទេគឺខាងក្រុមហ៊ុនទាំងនេះធ្វើស្រេចតែចិត្តដោយមិនគិតពីផលប៉ះពាល់អ្វីទេ ។
មិនត្រឹមតែប៉ុណ្ណោះ ការនាំសត្វជ្រូកពីរប្រទេសថៃ ចុលមកនេះវាបណ្តាលឲ្យតំលៃជ្រូកដែល ពលរដ្ឋចិញ្ចឹមក្នុងស្រុកកំពុងតែធ្លាក់ចុះជាបណ្តើរៗទៀតផង។
ពាក់ព័នបញ្ហារនេះមន្ត្រីម្នាក់មិនបញ្ចេញឈ្មោះបានបង្ហើបថារាល់ក្រុមហ៊ុនដែលនាំសត្វជ្រូកចូលនេះ គឺក្នុងមួយក្រុមហ៊ុនគេអនុញ្ញាតិឲ្យនាំចូលក្នុងមួយថ្ងៃត្រឹមតែ១០០ក្បាល ទៅ២០០ក្បាលតែប៉ុណ្ណោះ តែនេះនាំចូលក្នុងមួយក្រុមហ៊ុនអាចឈានដល់៣០០ក្បាលទៅ៤០០ក្បាលឯណោះ។
លោកឈឹម វិជ្ជរា ប្រធានមន្ទីកសិកម្មខេត្តបាត់ដំបង បានប្រាប់អ្នកយកពត៏មានយើង កាលពីរ រសៀលថ្ងៃទី២០ ខែមករា នេះថាគ្រប់ក្រុមហ៊ុនសុទ្ធតែមានច្បាប់អនុញ្ញាតិមកពីថ្នាក់លើ ហើយ មន្ទីគ្រាន់តែមានសិទ្ធិត្រួតពិនិត្យ ចំណែកឈ្មោះក្រុមហ៊ុនណាខ្លះ ហើយដឹកមួយថ្ងៃប៉ន្មានក្បាលនោះលោកឲ្យសួរផ្នែកបសុព្យាបាលទៅ។
នៅពេលអ្នកពត៏មានយើងចូលទៅការិយាល័យពេទ្យសត្វនៃមន្ទីកសិកម្មបានជួបមន្ត្រីផ្នែករដ្ឋបាលនិយាយថាលោកប៉ែន សេដ្ឋា ជាប្រធានមិននៅទេ ពេលទូរស័ព្ទចូលលោកមិនលើកដែរ តែមន្ត្រីរដ្ឋបាលរូបនោះប្រាប់ថាគឺមានគេត្រួតពិនិត្យជារៀងរាល់ថ្ងៃ ប៉ុន្តែនៅពេលអ្នកយកពត៏មានយើងសុំមើលឯកសារមានតែឯកសារដែលបានដឹកជ្រូកកាលពីរថ្ងៃទី១៨ តែប៉ុណ្ណោះ ចំណែកការដឹកថ្ងៃទី១៩និងថ្ងៃទី២០នេះគឺគ្មានឯកសារទេ ។
ហើយនៅពេលអ្នកយកពត៏មានយើងសួរត្រូវមន្ត្រីរដ្ឋបាលរូបនោះប្រាប់ថាមិនមានឯកសារទេ ដល់ក្រុមហ៊ុនឲ្យមកបានមាន។ដោយសុខ ផានិត
