កំពង់ឆ្នាំង៖ប្រជាពលរដ្ឋក្រីក្រ រងគ្រោះដោយគ្រោះធម្មជាតិ និងគ្រោះថ្នាក់ផ្សេងៗនៅក្នុងក្រុ ងកំពង់ឆ្នាំងចំនួន៧៨០គ្រួសារ នៅព្រឹកថ្ងៃទី២២ ខែមករា ឆ្នាំ២០១៥ក្នុងមន្ទីរសង្គមកិច្ច អតីតៈយុទ្ធជន និងយុវនីតិសម្បទាខេត្តកំពង់ឆ្នាំងបានទទួលអំណោយដ៏ថ្លៃថ្លារបស់របស់រាជរដ្ឋាភិបាល តាមរយៈឯកឧត្តម វង់ សូត រដ្ឋមន្ត្រីក្រសួងសង្គមកិច្ចអតីតៈយុទ្ធជននិងយុវនិតិសម្បទា ដែលមានការចូលរួមពីលោក ឈួរ ចន្ទ័ឌឿន គណៈអភិបាលខេត្ត លោកជំទាវ កែ ចន្ទ័មុនី តំណាងរាស្ត្រមណ្ឌលកំពង់ឆ្នាំង និងលោកប្រធានមន្ទីរជុំវិញខេត្តជាច្រើនរូបទៀត។
នៅក្នុងពិធីនេះ លោក ថោង ចំរើន ប្រធាមន្ទីរសង្គមកិច្ចអតីតៈយុទ្ធជន និងយុវនីតិសម្បទា ខេត្តបានរាយការណ៍អោយដឹងថា៖អនុវត្តតាមគោលនយោបាយរបស់ប្រមុខរាជរដ្ឋាភិបាលកម្ពុជា ក្រោយពីទទួលបានសំណើរបស់លោកអភិបាលក្រុងកំពង់ឆ្នាំង ស្តីអំពីស្ថានភាពរបស់បងប្អូនប្រជាពលរដ្ឋក្រីក្រ រងគ្រោះដោយគ្រោះធម្មជាតិ និងដោយគ្រោះហន្តរាយ
ជាយថាហេតុផ្សេងៗ ចំនួន៧៨០គ្រួសារ នៅក្នុងសង្កាត់ទាំង៤ក្នុងក្រុងកំពង់ឆ្នាំង មន្ទីរ ស អ យ ខេត្តបានធ្វើសំណើស្នើសុំគោលការណ៍ទៅលោកអភិបាលខេត្ត ដើម្បីចែកអំណោយជូនប្រជាពលរដ្ឋទាំង៧៨០គ្រួសារដែលកំពុងជួបការលំបាក តាមរយះការងារលទ្ធកម្មខេត្ត។
អំណោយដែលបានចែករួចកន្លងមកមាន៣លើកគឺ៖លើកទី១ នៅថ្ងៃទី០៣ ខែវិច្ឆកា ឆ្នាំ២០១៤ ក្នុងពិធីជូនដំណើកីឡាករអុំទូកក្រីក្រ ជួបលំបាកចំនួន២៨០នាក់ នៅស្រុករលាប្អៀរ និហស្រុកជលគីរី ដោយមានការចូលរួមរបស់ លោកឈួរ ចន្ទ័ឌឿន អភិបាលខេត្ត។លើកទី២ នៅថ្ងៃទី១៨ ខែធ្នូ ឆ្នាំ២០១៤ នៅសាលាស្រុករលាប្អៀរជូនប្រជាពលរដ្ឋចំនួន៣៦២គ្រួសារ ដែលមានការចូលរួម របស់លោក ឈួរ ចន្ទ័ឌឿន អភិបាលខេត្ត។
លើកទី៣ នៅថ្ងៃទី២២ ខែធ្នូ ឆ្នាំ២០១៤ នៅសាលាបឋមសិក្សាកំពង់អូស ជូនប្រជាពលរដ្ឋចំនួន៣៥៨គ្រួសារដោយមានការចូលរួមពីលោកជំទាវ កែ ចន្ទ័មនុនី អ្នកតំណាងរាស្ត្រមណ្ឌលកំពង់ឆ្នាំង និងលើកទី៤ គឺជាអំ ណោយជូនប្រជាពលរដ្ឋចំនួន៧៨០គ្រួសារក្នុងពេលនេះ។ដែលក្នុងមួយគ្រួសារៗ ទទួលបានអង្ករ៤០គីឡូ ទឹកត្រី១យួរ បុងមួយ កន្ទេល១ និងថវិការក្នុង១ក្រួសារៗ ២ម៉ឺនរៀលជាថវិការឯកឧត្តម វង់ សូត។
លោក ឈួរ ចន្ទ័ឌឿន គណៈអភិបាលខេត្តកំពង់ឆ្នាំងលើកឡើងនៅក្នុងពិធីនេះថា៖ទោះបីខេត្តកំពង់ឆ្នាំងជួបប្រទះនូវគ្រោះមហន្តរាយខ្លះៗក៏ដោយ ខេត្តបានសម្រេចបនាធ្វើការងារកសិកម្មបានលើសផែនការ ក្នុងឆ្នាំ២០១៣ ខេត្តសល់ស្បៀងជាស្រូវចំនួន ៣១៩.៨០០តោន នៅឆ្នាំ២០១៤ខេត្តសល់ស្បៀងជាស្រូវចំនួន៣២៥.៦៦៩តោន ស្មើនិងអង្គរ២០៨.៤២៨តោន។
វិស័យឧស្សាហកម្មខេត្តមានឧស្សាហកម្មធុនតូច និងសិប្បកម្មចំនួន
១.៥០៥មូលដ្ឋាន មានរោងចក្រសហគ្រាសចំនួន១៦កន្លែង បាននិងកំពុងដំណើរការ ដែលផ្តល់ការងារជូនដល់កូនចៅប្រជាពលរដ្ឋបានចំនួន២៦.៩៧៣នាក់ អាចនាំមកនូវប្រាក់ចំណូលសរុបក្នុង១ខែៗប្រមាណជាង៣លានដុល្លា ឌេលជាការរួមចំណែលលើកម្ពស់ជីវភាពរស់នៅរបស់ប្រជាពលរដ្ឋ។
នៅក្នុងពិធីចែលអំណោយនេះ ឯកឧត្តម វង់ សូត បានកោតសរសើរ និងវាយតម្លៃខ្ពស់ចំពោះការរីកចំរើនក្នុងខេត្ត ដែលជាការខិតខំរបស់អាជ្ញាធរគ្រប់លំដាប់ថ្នាក់ និងមន្ត្រីរាការទាំងអស់របស់យើង។ក្នុងឱកាសនេះឯកឧត្តមបានជម្រាបជូននូវវឌ្ឍភាពលើវិស័យសង្គមកិច្ចអតីតៈយុទ្ធជននិងយុវនីតិសម្បទារយះពេល១ឆ្នាំ២០១៤កន្លងមក គឺក្រសួងបានខិតខំអនុវត្តគោលនយោបាយដោយស្មារតីទទួលខុសត្រូវខ្ពស់ ដោយជុំរុញអនុវត្តគោលនយោបាយសមធម៌សង្គម បង្កើនការឧបត្ថម្ភគាំទ្រ ទាំងសម្ភារៈស្មារតី ផ្តល់សេវាសង្គមកិច្ច ជួយដល់
ក្រុមជនរងគ្រោះនិងងាយរងគ្រោះ ដែលមានជនក្រីក្ររងគ្រោះធម្មជាតិ គ្រោះមហន្តរាយនានានៅតាមមូលដ្ឋានដោយមិនប្រកាន់និន្នាការនយោបាយឡើយ និងអនុវត្តគោលនយោបាយរបបសន្តិសុខសង្គម និងកម្មវិធីនានា ដើម្បីលើកស្ទួយកំពស់តួនាទីនិងសុខមាលភាពរបស់អតីតៈមន្ត្រីរាជការស៊ីវិល និងអតីតៈយុទ្ធជនស្របតាមកម្មវិធីនយោបាយរបស់ប្រមុខរាជរដ្ឋាភិបាលរបស់យើង៕
