កំពង់ធំៈ ការដ្ឋានបូមខ្សាច់មួយកន្លែងបានលួចយកឈ្មោះអាជ្ញាធរខេត្តកំពង់ធំ ប្រើឲ្យបូមខ្សាច់ដើម្បីស្តារស្ទឹង គឺដើម្បីផលផ្ទាល់ខ្លួន តែបានយកឈ្មោះខេត្តមកលាប ព្រមទាំងបានប្រើពាក្យសំដីច្រង៉េងច្រង៉ាង គ្មានសីលធម៌ក្នុងខ្លួន គំរាមសំលាប់អ្នកសារពត៌មាន២រូប 
ដែលទៅសាកសួរពត៌មានពីការបូមខ្សាច់កាលពីរសៀលថ្ងៃទី ២២ខែ មករា ឆ្នាំ ២០១៥។
ការដ្ឋានបូមខ្សាច់ដែលមានមេការអត្តចរិក ព្រហើនច្រលើសបើលនេះ ស្ថិតនៅចំនុច កោះទា ភូមិតាអោក ឃុំឈូក ស្រុកប្រាសាទសំបូរ ខេត្តកំពង់ធំ ដែលជាក្រុមហ៊ុនសេះហោះមួយ មិនទាន់ទទួលបានការអនុញ្ញាតិ ឲ្យមានការបូមខ្សាច់នៅឡើយទេ បែរជាធ្វើសកម្មភាពបូមលក់យ៉ាងរំភើយ ដាក់តាមដេប៉ូ និងចែកចាយទៅ ទីកន្លែងផ្សេង ខណៈពេលអ្នក
សារពត៌មានយើង ចុះទៅថតយកពត៌មាន បែរជាមេកាចេញមុខ សំឡុតគំរាម សំលាប់អ្នកសារពត៌មាន ហើយបានប្រើបក្សពួកមកថតរយន្ត នឹងស្លាកលេខរថយន្ត ព្រមទាំងថតមុខអ្នក ពត៌មានយើង ព្រមទាំងបានចោលសំដីថា បានរូបថតហើយប្រុងខ្លួន អញបូមនេះគឺដើម្បីស្តាស្ទឹងឲ្យស្អាត។
ទិដ្ឋភាពនៃការបួមខ្សាច់ បានបូមចេញពីស្ទឹងសែន រាប់សិបឡានក្នុងមួយថ្ងៃ បង្ករភាពព្រួយបារម្ភណ៍ដល់ ប្រជាពលរដ្ឋ ដែលមានលំនៅដ្ឋានតាមបណ្តោយមាត់ស្ទឹង ដោយសារកន្លងមក ស្ទឹងសែនបានបាក់ជាបន្ត បន្ទាប់ នឹងសូមឲ្យអាជ្ញាធរ ជួយត្រួតពិនិត្យផលប៉ះពាល់រយះពេលវែង ជូនប្រជាពលរដ្ឋផង ។
ឯកឧត្តម គង់ វិមាន អភិបាលរងខេត្តកំពង់ធំ បានមានប្រសាស៍ថា ការដ្ឋានបូមខ្សាច់នេះ គឺត្រូវបានសុំច្បាប់ មកខេត្ត តាមរយះភូមិ ឃុំ ស្រុក ចំណែកសំណុំឯកសារខេត្តបានឃើញ និងបានបញ្ជូនទៅក្រសួងបន្តតែ រហូតមកដល់ពេលនេះ មិនទាន់ទទួលអាជ្ញាប័ណ្ណនៅឡើយទេ ចំណែកការគំរាម គំហែងសំលាប់នោះគឺជា ការមិនត្រឹមត្រូវរបស់អ្នកមើលការខុសត្រូវ ។
អ្នកសារពត៌មាន ២ រូបនឹងដាក់បណ្តឹងប្តឹងមេការ ពាក្យព័ន្ឋទៅនឹងការគំរាមសំលាប់អ្នកសារពត៌មាន និងថតរូបអ្នកសារពត៌មាន មិនបានទទួលការអនុញ្ញាតិ សង្ស័យបំណងប៉ុនប៉ងធ្វើឃាតអ្នកសារពត៌មាន ទើបបានព្យាយាមថតរូបអ្នកការសែត ។ឯកឧត្តម អ៊ុត សំអន អភិបាលខេត្តកំពង់ធំ បានមានប្រសាសន៍ថា ហេតុអ្វីបានជាមេការ ការដ្ឋានបូមខ្សាច់ ហ៊ានប្រើពាក្យគំរាមសំលាប់ អ្នកសារពត៌មាន តើខុសអ្វីបានជាខ្លាចអ្នកសារពត៌មាន រហូតឈានដល់គំរាម សំលាប់ ការធ្វើបែបនេះមិនបានជាដាច់ខាត ក្រុមហ៊ុនត្រូវរកអ្នកមើលការដែល មានសីលធម៌ ទោះជាមាន រឿងអ្វីត្រូវតែសួរនាំ គ្នាមិនត្រូវប្រើពាក្យច្រលើសបើសទេ ការបូមខ្សាច់នេះគឺមិនអនុញ្ញាតិឲ្យលក់ទេគឺសម្រាប់ តែផ្គត់ផ្គង់ឲ្យក្រុមហ៊ុនចិន ដែលមកសាងសង់ប្រឡាយទឹក ទំនប់ ៣០កញ្ញាតែប៉ុណ្ណោះ។
