ញ ភ្នំពេ
ភ្នំពេញ៖ សង្សារមួយគូរជិះម៉ូតូតាមផ្លូវកំពុងតែសាសងគ្នាត្រូវជនសង្ស័យ៦នាក់ជិះម៉ូតូ៣គ្រឿងធ្វើសកម្មភាពជិះគារផ្ដួលនិងដកកាំភ្លើងភ្ចង់ប្លន់យកម៉ូតូនិងកាបូបដាក់សំភារៈ រួចគេចខ្លួនដោយសុវត្តិភាព។ ហេតុការណ៍នេះបានកើតឡើងកាលពីវេលាម៉ោង៣និង៥០នាទីយប់ថ្ងៃទី
២២ខែមករាឆ្នាំ២០១៥ ត្រង់ចំណុចមុខធនាគារANZ រ៉ូយ៉ាល់ តាមបណ្ដោយផ្លូវព្រះសីហនុ ស្ថិតក្នុងសង្កាត់បឹងកេងកង១ ខណ្ឌចំការមន។ជនរងគ្រោះមានឈ្មោះ ប៉ែន សម្បិត្តិ អាយុ២៤ឆ្នាំមុខរបរជាចុងភៅ ជិះម៉ូតូមួយគ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ស៊េរី២០១៤ ពាក់ស្លាកលេខ ភ្នំពេញ 1CR-7448។បើតាមសម្ដីបុរសរងគ្រោះបានអោយដឹងថា មុនពេលកើតហេតុពួកគេជិះម៉ូតូ២គ្រឿងគ្នា៤នាក់គឺរូបគេម្នាក់និងនារី៣នាក់ ទើបចេញពីក្លិបកម្សាន្តមួយកន្លែងនៅម្ដុំបឹងត្របែក បំណងទៅអង្គុយលេងនៅមុខណាហ្គាវើលបន្ត ខណៈមកដល់ចំណុចកើតហេតុនារី២នាក់ដែលជិះម៉ូតូរួមដំណើរបានជិះទៅមុខមុន ដោយរូបគេនិងនារីជាសង្សារជិះពីក្រោយយឺត
កំពុងតែនិយាយគ្នាលេងលើម៉ូតូ ភ្លាមៗនោះក៏លេចមុខក្រុមចោរប្លន់៦នាក់ជិះម៉ូតូ៣គ្រឿង ២គ្រឿងមិនចាំម៉ាកនិងមួយគ្រឿងម៉ាកស៊ុយស៊ូគីនិក ពណ៌សមិនចាំស្លាកលេខ បានធ្វើសកម្មភាពជិះមកក្បែរហើយទាញដៃចង្កូតម៉ូតូរបស់គេផ្ដួល រួចជនសង្ស័យក៏បានវាយមកលើជនរងគ្រោះ ថែមទាំងបានដកកាំភ្លើងភ្ជង់គំរាមប្លន់យកម៉ូតូនិងយកកាបូបរបស់នារីជាសង្សារដែលក្នុងនោះមានទូរស័ព្ទមួយគ្រឿងនិងលុយប្រមាណ១០០ដុល្លារ ហើយជនសង្ស័យក៏បានឡើងជិះម៉ូតូព្យាយាមរត់គេច ក៏ត្រូវជនរងគ្រោះរត់ដេញតាម ជនសង្ស័យក៏បកត្រឡប់ក្រោយមករងគ្រោះវិញភ្ជង់កាំភ្លើងគំរាមបាញ់សម្លាប់ចោរនៅហ៊ានតែដេញតាមពួកគេ ធ្វើអោយជនរងគ្រោះភិតភ័យក៏លែងដេញតាម ហើយក្រុមចោរប្លន់ទាំងនោះក៏ជិះម៉ូតូរត់គេចបាត់ដោយសុវត្តិភាព។បន្ទាប់ពីកើតហេតុសមត្ថកិច្ចមូលដ្ឋានក៏បានចុះមកអន្តរាគមន៍ភ្លាមៗផងដែរ និងបាននាំជនរងគ្រោះទៅប៉ុស្ដិ៍នគរបាលបឹងកេងកង១ ដើម្បីសាកសួរនិងដាក់ពាក្យបណ្ដឹង៕
