ភ្នំពេញ៖ បុរសម្នាក់ជិះរ៉ឺកមក់កង់៣មួយគ្រឿងលឿនពេកចាប់ហ្វ្រាំងមិនទាន់ក៏ជ្រុលទៅបុកពីក្រោយរថយន្ដតាក់ស៊ីមហាកំផែងបណ្ដាលឲ្យរថយន្ដរងការខូចខាចបែកស្ដុបខាងស្ដាំ បន្ទិចបន្ទួច រួចភាគីទាំង២ធ្វើការចរចារគ្នាយ៉ាងទឹងសរសៃរ.ក ប្រមាណ៤០នាទី ទើបភាគីម្ចាស់រ៉ឺកកង់
៣ព្រមសង់សំណងជួសជុលរថយន្ដចំនួន២៥ដុល្លារទុកជាការរាប់ជាអាននិងបញ្ចប់រឿង។
ហេតុការណ៏នេះកើតឡើងកាលពីវេលាម៉ោង២និង១០នាទីយប់ រំលោងអាធ្រាត ថ្ងៃទី២២ខែមករាឆ្នាំ២០១៥ តាមបណ្ដោយផ្លូវសហព័ន្ធរ៉ូស្ស៊ី ត្រង់ចំណុចជិតស្ថានីប្រេងឥន្ធៈតេលា ស្ថិតក្នុងសង្កាត់ផ្សារដេប៉ូ៣ ខណ្ឌទួលគោក។
តាមប្រភាព័ត៌មានពីកន្លែងកើតហេតុ បានឲ្យដឹងថាមុនពេលកើតហេតុគេឃើញ បុរសម្នាក់ជិះរ៉ឺកមក់កង់៣មួយគ្រឿង ពណ៌ក្រហម ពាក់ស្លាកលេខ ភ្នំពេញ1D-6460 ធ្វើដំណើរតាមបណ្ដោយផ្លូវសហព័ន្ធរ៉ូស្ស៊ី ទិសដៅពីកើតទៅលិច ជិះយ៉ាងលឿនខណៈចំណុចកើតហេតុ ចាប់ហ្វ្រាំងមិនទាន់ក៏ជ្រុលទៅបុកពីក្រោយរថយន្ដតាក់ស៊ីមហាកំផែងមួយគ្រឿង ពណ៌.ស លាយខៀវ ពាក់ស្លាកលេខ ភ្នំពេញ2Z-0957 បើកបរដោយបុរស១ម្នាក់ ធ្វើដំណើរតាមបណ្ដោយផ្លូវសហព័ន្ធរ៉ូស្ស៊ី ទិសដៅពីកើតទៅលិច (ស្របទិសគ្នា)បណ្ដាលឲ្យរថយន្ដរងការខូចខាចបែកស្ដុបខាងស្ដាំបន្ទិចបន្ទួច ។
ត ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុធ្វើការសម្រប់សម្រួលដល់ភាគីទាំង២ ដោយភាគីទាំ២ការចរចារគ្នាយ៉ាងទឹងសរសៃរ.ក ប្រមាណ៤០នាទី ទើបភាគីម្ចាស់រ៉ឺកកង់៣ព្រមសង់សំណងជួសជុលរថយន្ដចំនួន២៥ដុល្លារទុកជាការរាប់ជាអាននិងបញ្ចប់រឿងនៅកន្លែងកើតហេតុ។
