ភ្នំពេញ៖ បុរសជនជាតិចិនស្រវឹងស្រាធ្លាក់ភ្នែកជិះម៉ូតូបុករទេះអេតចាយដួលរងរបួសធ្ងន់
នៅចំណុចក្បែរនិងភោជនីដ្ឋានអាតាឡង់តិច កាលពីវេលាម៉ោង២និង៣០នាទីរំលងអាធ្រាត្រឈានចូលថ្ងៃទី២២ខែមករាឆ្នាំ២០១៥ តាមបណ្ដោយផ្លូវលេខ២១៥ ស្ថិតក្នុងសង្កាត់វាលវង់ 
ខណ្ឌ៧មករា។ប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុគេឃើញបុរសម្នាក់ជិះម៉ូតូស៊ុយស៊ូគីស្ដេប ពណ៌ខ្មៅ ពាក់ស្លាកលេខ ភ្នំពេញ 1U-3542 ធ្វើដំណើរតាមបណ្ដោយផ្លូវព្រះសីហនុ ឆ្លងកាត់ស្ដុបរង្វង់មូលអាងទឹក ក្នុងល្បឿនលឿន ខណៈមកដល់ចំណុចកើតហេតុខាងលើក៏ជ្រុលទៅបុកនិងរទេះអេតចាយមួយដែលគេកំពុងអូសនៅចិញ្ចើមផ្លូវបណ្ដាលអោយដួលបោករបួសយ៉ាងធ្ងន់ធ្ងរតែម្នាក់ឯង ត្រូវបានរថយន្តសាមុយមន្ទីរពេទ្យឯកជនដឹកយកទៅសង្គ្រោះភា្លមៗ។ក្រោយកើតហេតុម៉ូតូរបស់ជនរងគ្រោះខាងលើត្រូវបានមិត្តភ័ក្តិដែលស្គាល់ជិះយកទៅរក្សាទុកនៅផ្ទះរបស់គេតែម្ដង៕
