ខេត្តកំពង់ចាម ៖ កម្មករកម្មការិនី រោងចក្រមេនហាតធេន ប្រមាណ៣០០នាក់ជាង ដែលដឹកនាំដោយលោក រ៉ុង ឈុន ប្រធានសមាគមគ្រូបង្រៀនឯករាជ្យ និងអ្នកស្រី យ៉ាង សោភណ្ឌ័ ប្រធាន សហពន្ធ័សហជីពកម្ពុជា បានលើកគ្នាមកតវ៉ាទាមទាឲតំណាងពួកគេ៣នាក់ចូលធ្វើរការវិញ តាមការសន្យាកាលពីថ្ងៃទី១៩ នោះនៅតែគ្មានដំណោះស្រាយដដែល នៅខាងមុខសាលាខេត្តកំពង់ចាម កាលវេលាម៉ោង៩ព្រឹកថ្ងៃទី២៣ ខែមករា ឆ្នាំ២០១៥ នេះ។
បើតាមប្រភពពីមន្ត្រីសាលាខេត្តបានឲដឹងថា កាជួបពិភាគ្សារកដំណោះស្រាយនៅក្នុងសាលាខេត្តត្រូវជួបបរាជ័យ ដោយសារតំណាងទាំងប្រាំរូបក្នុងនោះមានអ្នកស្រីយ៉ាង សោភណ្ឌ័ម្នាក់ដែរមិនទាំងមើលកំណត់ហេតុ ព្រៀងនៃការពិភាគ្សានេះផង។
ចំណែកខាងតំណាងកម្មករកម្មការិនីបានឲដឹងថា មិនបាច់មើលទេព្រោះក្នុងកំនត់ហេតុពិភាគ្សាគ្នានោះគ្មាននៅក្នុបំណងរបស់ពួកគេផង។
សូមបញ្ជាក់ថា មានកម្មករកម្មការិនីជាច្រើននាក់មកពីរោងចក្រមេនហាតធេន ស្ថិតក្នុងភូមិ-ឃុំអំពិល ស្រុកកំពង់សៀម ខេត្តកំពង់ចាម មានមួយចំនួនធំចូលធ្វើការធម្មតា ខ្លះទៀតមានវត្តមានតវ៉ានៅមុខរោងចក្រដែលដឹកនាំដោយ អ្នកស្រី យ៉ាង សោភណ្ឌ័ និងតំណាងរបស់ពួកគេ៣នាក់ ១-ឈ្មោះចន ធាង ២-ឈ្មោះផាន់ ចាន្នី, ៣-ឈ្មោះ ប៉េង ផល្លា ដាក់មេក្រូតវ៉ានៅមុខរោងចម្រស្រែកអំពាវនាវឲ្យកម្មករទាំងអស់ចូលរួមតវ៉ា ដើម្បីឲពួកគេ៣នាក់នេះចូលធ្វើរការវិញ។
ហើយក្រោយមកកម្មករជាច្រើននាក់ដែលដឹកនាំដោយលោក រ៉ុង ឈុន ក៏បានលើកគ្នាមកខាងមុខសាលាខេត្តកំពង់ចាម ដើម្បីរង់ចាំទទួលលទ្ធផលនៃកិច្ចប្រជុំរកដំណោះស្រាយទាមទារលក្ខខណ្ឌការងារ និងស្នើសុំឲ្យតំណាងពួកគេបានចូលធ្វើការវិញ ។
ក្រុមកម្មករបានអះអាងថា ប្រសិនបើដំណោះស្រាយក្នុងការចរចាថ្នាក់ខេត្តមិនទទួលលទ្ធផលតាមការទាមទារទេនោះ ពួកគេនឹងបង្ខំចិត្តនាំគ្នាមកតវ៉ាដល់រាជធានីភ្នំពេញ ។
សមត្ថកិច្ចបានអះអាងថា ការតវ៉ារបស់កម្មករ កម្មការិនីមិនមានបង្កអសន្តិសុខ ឬអំពើហិង្សាណាមួយទេ ស្របពេលដែលសមត្ថកិច្ចបានពង្រឹងពីសន្តិសុខ សណ្តាប់នៅទីនោះ ៕
